വിശ്വമാനവന്‍

പാര്‍പ്പിടം

2012-01-10T01:29:00.000-08:00

എന്‍റെ വീട്- ത്രീഡി എലിവേഷന്‍

യാഗഗവേഷണം എന്ന പ്രഹസനം.

2011-06-18T06:59:00.000-07:00

ഉസാമയുടെ മൃതദേഹത്തിനായി വാറന്‍ മുങ്ങിത്തപ്പുന്നു

2011-06-13T21:47:00.000-07:00

വാഷിങ്ടണ്‍: തെളിവില്ലാതെ ഒന്നും വിശ്വസിക്കാന്‍ തയ്യാറല്ല ബില്‍ വാറന്‍; പറയുന്നത് പ്രസിഡന്‍റ് ബരാക് ഒബാമയാണെങ്കില്‍പ്പോലും. അല്‍ ഖ്വെയ്ദ തലവന്‍ ഉസാമ ബിന്‍ലാദനെ കൊന്ന് മൃതദേഹം കടലില്‍ താഴ്ത്തിയെന്ന ഒബാമയുടെ പ്രഖ്യാപനത്തിന് തെളിവന്വേഷിച്ചിറങ്ങുകയാണ് കാലിഫോര്‍ണിയയിലെ വ്യവസായസംരംഭകനായ ഈ അന്‍പത്തൊമ്പതുകാരന്‍. ഉസാമയെ കൊന്ന് കെട്ടിത്താഴ്ത്തിയെന്ന് പറയുന്ന കടലില്‍ മൃതദേഹത്തിനായി മുങ്ങിത്തപ്പാന്‍ ഒരുങ്ങുകയാണ് അദ്ദേഹം.

ഉസാമയുടെ മൃതദേഹം താഴ്ത്തിയെന്ന് കരുതുന്ന വടക്കന്‍ അറബിക്കടലിനടിയില്‍ തിരച്ചില്‍ നടത്താനാണ് വാറന്റെ പദ്ധതി. കടലില്‍ താഴ്ത്തിയ മൃതദേഹം കണ്ടെത്താനെളുപ്പമല്ലെന്ന് വാറനറിയാം. അത്യാധുനികബോട്ടുകളും ഉപകരണങ്ങളും മുങ്ങല്‍വിദഗ്ധരുമെല്ലാം ഇതിനായി സജ്ജമായിക്കഴിഞ്ഞു. ഉസാമയുടെ മൃതശരീരം കിട്ടിയാല്‍ ഡി.എന്‍.എ. പരിശോധന നടത്താന്‍ സൗകര്യമുള്ള ഒരു കപ്പലും തയ്യാറാക്കിയിട്ടുണ്ട്. 4,00,000 യു.എസ്. ഡോളറാണ് ഈ തിരച്ചിലിന് ചെലവ് പ്രതീക്ഷിക്കുന്നതെന്ന് അമേരിക്കയിലെയും ബ്രിട്ടനിലെയെും ചെറുകിടപത്രങ്ങള്‍ റിപ്പോര്‍ട്ട് ചെയ്തു.

ഉസാമയെ മെയ് രണ്ടിനാണ് അമേരിക്കന്‍സൈന്യം പാകിസ്താനിലെ ആബട്ടാബാദിലെ ഒളിസങ്കേതത്തില്‍വെച്ച് വെടിവെച്ചുകൊന്നത്. മൃതദേഹം അറബിക്കടലില്‍ കബറടക്കിയെന്നാണ് പറഞ്ഞതെങ്കിലും ഇതിന്റെ ചിത്രമോ വീഡിയോയോ അമേരിക്ക ഇതുവരെ പുറത്തുവിട്ടിട്ടില്ല. ''എനിക്ക് റഷ്യക്കാരിയായ ഒരു സുഹൃത്തുണ്ട്. ഉസാമ മരിച്ചെന്ന് റഷ്യക്കാര്‍ വിശ്വസിക്കുന്നില്ലെന്നാണ് അവള്‍ പറയുന്നത്.'' വാറനെ കടലില്‍ മുങ്ങിത്തപ്പാന്‍ പ്രേരിപ്പിച്ചതും ഈ അവിശ്വാസം തന്നെ. താന്‍ യഥാര്‍ഥ രാജ്യസ്‌നേഹിയാണെന്നും ഒബാമ പറയുന്നതുകൊണ്ടുമാത്രം ഒരുകാര്യവും വിശ്വസിക്കാന്‍ തയ്യാറല്ലെന്നും വാറന്‍ പറയുന്നു. മാതൃഭൂമി വാർത്ത.

ഷെഡ്ഡി പ്രദർശകർ സൂക്ഷിക്കുക !

2011-06-10T20:24:00.000-07:00

ജീൻസ് പാന്റ് പറ്റാവുന്നിടത്തോളം താഴേക്ക് വലിച്ചിറക്കി ഷെഡ്ഡിയുടെ മുകൾ ഭാഗം പ്രദർശിപ്പിച്ചുകൊണ്ട് നടക്കുന്ന ചെറുപ്പക്കാരെ പോലിസ് പിടിച്ച് വിരട്ടിയ കാര്യം ഇന്നത്തെ മനോരമയിൽ വായിച്ചപ്പോൾ പെരുത്ത് സന്തോഷം. (ഇവർക്കിട്ടൊന്ന് പൊട്ടിക്കാൻ ഒരു പാടുവട്ടം കൈ തരിച്ചതാ..പിന്നെ തിരിച്ചു കിട്ടാനുള്ള എല്ലാ സാധ്യതയുമുള്ളത് കൊണ്ട് വേണ്ടന്ന് വെച്ചതാ).

വാർത്ത വായിക്കാൻ താഴെയുള്ള ചിത്രത്തിൽ ക്ലിക്കുക.

വിവാദ പാഠപുസ്തകം പിന്‍വലിക്കരുതെന്ന്.

2011-05-31T05:26:00.000-07:00

പത്താം ക്ലാസിലേയ്ക്ക് തയ്യാറാക്കിയ സാമൂഹ്യശാസ്ത്രം പാഠപുസ്തകം കേരള കാത്തലിക് മെത്രാന്‍ സമിതിയുടെ (കെസിബിസി) ഭീഷണിക്കു വഴങ്ങി വളച്ചൊടിക്കാനോ പിന്‍വലിക്കാനോ പാടില്ലെന്ന് കൊച്ചിയില്‍ ചേര്‍ന്ന ജോയിന്റ് ക്രിസ്ത്യന്‍ കൗണ്‍സില്‍ യോഗം സര്‍ക്കാരിനോട് ആവശ്യപ്പെട്ടു.

വിവാദമായ പാഠഭാഗങ്ങള്‍ പുസ്തക രചയിതാക്കളുടെ സാങ്കല്പിക സൃഷ്ടികളല്ല; അതുകൊണ്ടുതന്നെ കത്തോലിക്കാ സഭയുടെ ഇച്ഛാനുസരണം ഈ ചരിത്ര സംഭവങ്ങള്‍ മൂടിവെക്കാന്‍ ആവില്ലെന്നും യോഗത്തില്‍ അഭിപ്രായമുയര്‍ന്നു. മെത്രാന്‍ സമിതിക്ക് കീഴ്‌പ്പെട്ട് കരിക്കുലം കമ്മിറ്റിയും പാഠപുസ്തക കമ്മീഷനും അംഗീകരിച്ച പാഠഭാഗങ്ങള്‍ സര്‍ക്കാര്‍ നീക്കം ചെയ്യുകയോ തിരുത്തുകയോ ചെയ്താല്‍ വലിയ പ്രത്യാഘാതമുണ്ടാകുമെന്ന് ജോയിന്റ് ക്രിസ്ത്യന്‍ കൗണ്‍സില്‍ മുന്നറിയിപ്പ് നല്‍കി. പൊതു സമൂഹത്തെ ബാധിക്കുന്ന പ്രശ്‌നങ്ങളില്‍ സാമുദായിക സംഘടനകളുടെ സമ്മര്‍ദങ്ങള്‍ക്കു വഴങ്ങാതെ സര്‍ക്കാര്‍ സ്വതന്ത്ര നിലപാട് സ്വീകരിക്കണമെന്ന് കൗണ്‍സില്‍ അഭ്യര്‍ത്ഥിച്ചു.

യോഗത്തില്‍ പ്രസിഡന്റ് ലാലന്‍ തരകന്‍ അധ്യക്ഷനായിരുന്നു. വര്‍ക്കിങ് പ്രസിഡന്റ് ജോസഫ് വെളിയില്‍, ജനറല്‍ സെക്രട്ടറി ജോയ് പോള്‍ പുതുശ്ശേരി, ആന്‍േറാ കോക്കാട്ട്, മാത്യു തകടിയേല്‍, അഡ്വ. വര്‍ഗീസ് പറമ്പില്‍, ജോര്‍ജ് ജോസഫ്, വി.കെ. ജോയ്, ജോര്‍ജ് മൂലേച്ചാലില്‍, ജോഷി ആന്റണി എന്നിവര്‍ പ്രസംഗിച്ചു.

Mathrubhumi

അന്ധവിശ്വാസ നിർമ്മാർജ്ജനം മാതൃഭൂമി മോഡൽ

2011-05-28T07:09:00.000-07:00

അന്ധവിശ്വാസങ്ങൾക്കെതിരായി പരം‍മ്പരതീർത്ത മാതൃഭൂമിയുടെ ആദർശം കാശുകിട്ടിയാൽ ?

സൌമ്യക്കു വേണ്ടി നമുക്കെന്തു ചെയ്യാം?

2011-05-20T05:44:00.000-07:00

സൌമ്യയുടെ ക്രൂര കൊലപാതകം ഇപ്പോള്‍ കോടതിമുറിയില്‍. ഗോവിന്ദച്ചാമിക്ക് വേണ്ടി അവിടെ അഞ്ചു അഭിഭാഷകര്‍. സഹായിക്കാന്‍ വേറെയുമാളുകള്‍. കേസ് എന്താവുമെന്ന്

ആശങ്കകള്‍. ഈ സാഹചര്യത്തില്‍ നമുക്കെന്ത് ചെയ്യാനാവും

വെറുതെഒരിലയുടെ പോസ്റ്റ് കാണുക

സലീംകുമാറിനു ദേശീയ അവാർഡ്

2011-05-19T05:17:00.000-07:00

ആദാമിന്റെ മകന്‍ അബുവിനും സലീംകുമാറിനും ദേശീയ ചലച്ചിത്ര പുരസ്‌കാരം

ന്യൂഡല്‍ഹി: നവാഗത സംവിധായകനായ സലീം അഹമ്മദിന്റെ ആദാമിന്റെ മകന്‍ അബു മികച്ച ചലച്ചിത്രത്തിനുള്ള ദേശീയപുരസ്‌കാരം നേടി. ഈ സിനിമയിലെ അഭിനയമികവിന് മലയാളത്തിലെ ശ്രദ്ധേയ നടന്‍ സലീംകുമാറിന് മികച്ച നടനുള്ള പുരസ്‌കാരവും ലഭിച്ചു. കൂടാതെ ഈ ചിത്രത്തിന്റെ ഛായാഗ്രഹണത്തിന് മധു അമ്പാട്ടിനും പശ്ചാത്തല സംഗീതത്തിന് ഐസക്ക് തോമസ് കൊട്ടുകപ്പള്ളിക്കും പുരസ്‌കാരം ലഭിച്ചു.

ആടുംകളം എന്ന ചിത്രത്തിന്റെ സംവിധായകനായ വെട്രിമാരനാണ് മികച്ച സംവിധായകന്‍. ഈ ചിത്രത്തിലെ അഭിനയത്തിന് തമിഴ് നടന്‍ ധനുഷിനും മികച്ച നടനുള്ള പുരസ്‌കാരം ലഭിച്ചു. മികച്ച നടിമാരായി മറാത്തി നടി മഥാലിയും തമിഴ് ചിത്രത്തിലൂടെ മലയാളത്തിലെ മുന്‍കാല നടി ശരണ്യ പൊന്‍വര്‍ണനും തിരഞ്ഞെടുക്കപ്പെട്ടു. മലയാളത്തില്‍ നിന്നുള്ള മികച്ച പ്രാദേശിക ഭാഷാ ചിത്രത്തിനുള്ള പുരസ്‌കാരം ഡോ.ബിജു സംവിധാനം ചെയ്ത വീട്ടിലേക്കുള്ള വഴിക്കാണ്.

നമ്മ ഗ്രാമം എന്ന ചിത്രത്തിലെ അഭിനയത്തിന് സുകുമാരി മികച്ച സഹനടിയായി. മൈന എന്ന ചിത്രത്തിലെ അഭിനയത്തിന് തമ്പി രാമയ്യയാണ് മികച്ച സഹനടന്‍.

മികച്ച സിനിമാ നിരൂപണ ഗ്രന്ഥത്തിനുള്ള അവാര്‍ഡ് ലഭിച്ചത് മലയാളിയായ ജോജി ജോസഫിനാണ്. മികച്ച ദേശീയോഗ്രഥന ചിത്രത്തിനുള്ള പുരസ്‌കാരം ഗൗതം ഘോഷ് സംവിധാനം ചെയ്ത മാനേര്‍ മാനുഷിനാണ്. മികച്ച സാമൂഹ്യ പ്രസക്തിയുള്ള ചിത്രമായി മറാഠി ചിത്രമായ ചാമ്പ്യന്‍ തിരഞ്ഞെടുക്കപ്പെട്ടു. മികച്ച പരിസ്ഥിതി പ്രധാന്യമുള്ള ചിത്രമായി പെട്ട ജീവ എന്ന കന്നഡ ചിത്രവും കുട്ടികളുടെ ചിത്രമായി കന്നഡ സിനിമയായ ഗേജഗലുവും തിരഞ്ഞെടുക്കപ്പെട്ടു.

മികച്ച സംഗീത സംവിധായകന്‍ വിശാല്‍ ഭരദ്വാജാണ്-ചിത്രം ഇഷ്‌കിയ. ഗാനരചയിതാവിനുള്ള പുരസ്‌കാരം വൈരമുത്തുവിനാണ്. കലാസംവിധാനത്തിനുള്ള അവാര്‍ഡ് മലയാളിയായ സാബു സിറില്‍ യന്തിരന്‍ എന്ന ചിത്രത്തിന് നേടി. രേഖ ഭരദ്വാജാണ് ഗായിക. പുതുമുഖ സംവിധായകന്‍ രാജേഷ് പിജ്ഞരാനിയാണ്.

മികച്ച നൃത്തസംവിധാനം-ദിനേശ്കുമാര്‍-ചിത്രം ആടുംകളം. ശുഭതി സെന്‍ ഗുപ്തയാണ് ശബ്ദമിശ്രണത്തിനുള്ള പുരസ്‌കാരം നേടിയത്-ചിത്രം-ചിത്രസൂത്രം. ധബാങ് ആണ് മികച്ച ജനപ്രിയ ചിത്രം. നോണ്‍ ഫീച്ചര്‍ വിഭാഗത്തിലെ മികച്ച ചിത്രം മലയാളിയായ സ്‌നേഹല്‍ ആര്‍ നായര്‍ സംവിധാനം ചെയ്ത ദി ജേം ആണ്.

ജെ.പി ദത്ത ചെയര്‍മാനായ ജൂറിയാണ് പുരസ്‌കാരങ്ങള്‍ നിര്‍ണ്ണയിച്ചത്. ഭരത് ബാല, പ്രഹഌദ് കക്കര്‍, നീരദ് മഹാപാത്ര, ജി.എസ്. ഭാസകര്‍ എന്നിവരും സമിതിയില്‍ അംഗങ്ങളായി. നോണ്‍ ഫീച്ചര്‍ ഫിലിം വിഭാഗത്തില്‍ എ.കെ.ബീര്‍ ജൂറി ചെയര്‍മാനായി. അശോക് വാജ്‌പേയിയാണ് മികച്ച ഗ്രന്ഥത്തിനുള്ള പുരസ്‌കാരം നിര്‍ണയ കമ്മിറ്റി . മാതൃഭൂമി വാർത്ത.

സർവ്വേ എന്ന കോമാളിത്തം

2011-05-10T20:54:00.000-07:00

ഇക്കഴിഞ്ഞ നിയമസഭാ തിരഞ്ഞെടുപ്പിനോടനുബന്ധിച്ച് വിവിധ ചാനലുകളും പത്രങ്ങളും നടത്തിയ സർവ്വേ ഫലങ്ങൾ ഇന്നലെ പുറത്തുവരികയുണ്ടായല്ലോ..സർവ്വേ ഫലങ്ങളാണെങ്കിലോ പലതരത്തിലും. താഴെയുള്ള ചിത്രത്തിൽ വിവിധ സർവ്വേയിലെ ഫലങ്ങൾ നോക്കൂ മനോരമ LDFനു 69 മുതൽ 77 വരെ സീറ്റുകൾ ലഭിക്കുമെന്ന് പ്രവചിക്കുമ്പോൾ ന്യൂസ് 24 ചാനൽ LDFനു 35 മുതൽ 53 വരെ സീറ്റുകൾ ലഭിക്കുമെന്ന് പറയുന്നു. രണ്ട് സർവ്വേയും തമ്മിൽ 34 സീറ്റിന്റെ വ്യറ്റ്യാസം! സാധാരണക്കാരൻ ചായപീടികയിൽ ഇരുന്ന് നടത്തുന്ന പ്രവചനത്തിന്റെ കൃത്യതപോലും ഈ ചാനലുകളും,പത്രങ്ങളും നടത്തുന്ന സർവ്വേ ഫലങ്ങൾക്ക് അവകാശപെടാൻ പറ്റില്ല.

എല്ലാം കള്ള കഥ

2011-05-05T21:21:00.000-07:00

മാതൃഭൂമി

.മനോരമ .ചിത്രത്തിൽ ക്ലിക്കിയാൽ വലുതായി വായിക്കാം.

ഫോട്ടോ പുറത്തുവിടില്ല: ഒബാമ

2011-05-04T23:13:00.000-07:00

ഉസാമ ബിന്‍ ലാദന്റെ മൃതദേഹത്തിന്റെ ചിത്രം പുറത്തുവിടേണ്ടതില്ലെന്ന് അമേരിക്കന്‍ പ്രസിഡന്റ് ബരാക് ഒബാമ തീരുമാനിച്ചു. രാജ്യത്തിന്റെ സുരക്ഷയ്ക്ക് ഭീഷണിയാകുമെന്നതിനാലാണ് ഇത്തരത്തില്‍ തീരുമാനമെടുത്തതെന്ന് വൈറ്റ് ഹൗസ് പ്രസ് സെക്രട്ടറി ജയ് കാര്‍ണി അറിയിച്ചു. ചിത്രങ്ങള്‍ പുറത്തുവിടുമെന്ന് നേരത്തെ സി.ഐ.എ. ഡയറക്ടര്‍ ലിയോണ്‍ പനേറ്റ പറഞ്ഞിരുന്നു. ഉസാമയുടെ ഭീകര ചിത്രങ്ങള്‍ ലോകം കാണേണ്ടത് ആവശ്യമാണെന്നാണ് തന്റെ അഭിപ്രായമെന്ന് എന്‍.ബി.സി. വാര്‍ത്താചാനലിന് നല്‍കിയ അഭിമുഖത്തിലാണ് അദ്ദേഹം പറഞ്ഞത്.

അതേസമയം ഉസാമയോടൊപ്പം കൊല്ലപ്പെട്ട മൂന്നു പേരുടെ ചിത്രങ്ങള്‍ പുറത്തെത്തി. അമേരിക്കയുടെ ആക്രമണം കഴിഞ്ഞ് മണിക്കൂറുകള്‍ക്കകം പാകിസ്താനിലെ സുരക്ഷാ ഉദ്യോഗസ്ഥന്‍ എടുത്ത ഫോട്ടോകളാണ് ഇവ. ചോരയില്‍ കുളിച്ചുകിടക്കുന്ന മൃതദേഹങ്ങളുടെ സമീപത്തൊരിടത്തും ആയുധങ്ങള്‍ ഉണ്ടായിരുന്നില്ല.

ഒസാമയെ വധിച്ചതുമായി ബന്ധപ്പെട്ട് മൂന്നു സെറ്റ് ഫോട്ടോകളാണ് വൈറ്റ് ഹൗസിന്റെ പക്കലുള്ളതെന്ന് ഉന്നതോദ്യോഗസ്ഥനെ ഉദ്ധരിച്ച് സി.എന്‍.എന്‍. റിപ്പോര്‍ട്ട് ചെയ്തു. ഉസാമ കൊല്ലപ്പെട്ടു എന്ന് തെളിയിക്കാനായി ശത്രുക്കളുടെ വികാരം ഉണര്‍ത്താന്‍ പോന്നവിധം ഭീകരമായ ഈ ഫോട്ടോകള്‍ പുറത്തുവിടണമോ എന്നതിന്റെ വിവിധ വശങ്ങള്‍ യു.എസ്. ആലോചിച്ചുകൊണ്ടിരിക്കുകയാണെന്ന് യു.എസ്. ഭരണകൂടത്തിലെ ഉന്നത ഉദ്യോഗസ്ഥന്‍ നേരത്തെ പറഞ്ഞിരുന്നു

മാതൃഭൂമി വാർത്ത.

ലാദന്റെ ഫോട്ടോ വ്യാജൻ.

2011-05-02T20:39:00.000-07:00

ഇന്നലെ രാവിലെ മുതൽ മാധ്യമങ്ങളിൽ വന്നുകൊണ്ടിരിക്കുന്ന പ്രധാന വാർത്ത ലാദനെ അമേരിക്കൻ സൈന്യം ഏറ്റ്മുട്ടലിൽ കൊലപെടുത്തിയെന്നതാണല്ലോ. പക്ഷേ വാർത്തകളിൽ ലാദൻ കൊല്ലപെട്ടതിന്റെ ഒരു ഫോട്ടോയൊ,വീഡിയോയൊ ഇതുവരെ പുറത്ത് വന്നിട്ടില്ല . ലാദന്റേതായി റ്റിവിയിൽ കണിച്ച് കൊണ്ടിരുന്ന ചിത്രം വ്യാജവുമാണത്രെ .മൃതദേഹം ഇനിയൊരു പരിശോദനക്കുകൂടി സാധ്യമല്ലാത്തവിധം കടലിൽ താഴ്ത്തുകയും ചെയ്തത്രെ.

എന്തേ അമേരിക്കക്കാരുടെ കയ്യിൽ ലാദന്റെ ഫോട്ടോ പതിയുന്ന ക്യാമറ ഇല്ലേ.....? ഇതൊക്കെ കാണുമ്പോൾ ഒരു സംശയം.ലാദൻ കൊല്ലപെട്ടിട്ടില്ലേ..? ഇത് ഒബാമയുടെ ഒരു തെരഞെടുപ്പ് തന്ത്രമാണോ?

ഈ ചിത്രം വ്യാജമോ?

Text Size:

ന്യൂയോര്‍ക്ക്‌: ഒസാമ ബിന്‍ ലാദന്റെ മുഖത്ത്‌ വെടിയേറ്റ രീതിയില്‍ പ്രചരിക്കുന്ന ചിത്രം വ്യാജമാണെന്ന്‌ എതിര്‍പ്രചരണം. ഈ ചിത്രം വാര്‍ത്തകളുടെ ഭാഗമായി സംപ്രേഷണം ചെയ്യുന്നത്‌ ശരിയല്ലെന്ന്‌ യു.എസ്‌. അധികൃതര്‍ തന്നെ അവിടത്തെ ടിവി ചാനലുകളോടു പറഞ്ഞിട്ടുണ്ടെന്നാണ്‌ ഇന്റര്‍നെറ്റ്‌ ബ്ലോഗുകളിലെ വാര്‍ത്ത.

ലാദന്റെതായി 1998-ല്‍ പുറത്തുവന്ന ചിത്രത്തില്‍ മാറ്റം വരുത്തിയാണത്രേ പുതിയ ചിത്രം ഇറങ്ങിയിരിക്കുന്നത്‌.

ലാദന്റെ ശരീരവും വസ്‌ത്രത്തിന്റെ നിറവും മുടിയുമെല്ലാം സൂക്ഷ്‌മമായി പരിശോധിക്കുകയാണെങ്കില്‍ ഇതു വ്യക്‌തമാകുമെന്നാണ്‌ വാര്‍ത്തയില്‍ നല്‍കുന്ന സൂചന. വായ്‌, താടി, മൂക്ക്‌ എന്നിവിടങ്ങളിലാണ്‌ കൃത്രിമത്വം കൂടുതല്‍ പ്രകടമായിട്ടുള്ളത്‌.

മംഗളം വാർത്ത.

ബിന്‍ ലാദന്‍ കൊല്ലപ്പെട്ടു

2011-05-01T23:06:00.000-07:00

Posted on: 02 May 2011

വാഷിങ്ടണ്‍: അല്‍ ഖ്വെയ്ദ നേതാവ് ഒസാമ ബിന്‍ ലാദന്‍ കൊല്ലപ്പെട്ടു. രഹസ്യ വിവരത്തിന്റെ അടിസ്ഥാനത്തില്‍ പാകിസ്താനില്‍ അമേരിക്ക നടത്തിയ സൈനിക നടപടിയിലാണ് ലാദന്‍ കൊല്ലപ്പെട്ടതെന്ന് പ്രസിഡന്റ് ബരാക്ക് ഒബാമ അടിയന്തരമായി വിളിച്ചുചേര്‍ത്ത പത്രസമ്മേളനത്തില്‍ പറഞ്ഞു. മൃതദേഹം അമേരിക്കന്‍ സൈന്യം കണ്ടെടുത്തായി അദ്ദേഹം കൂട്ടിച്ചേര്‍ത്തു. 2001 സപ്തംബര്‍ 11ന് അമേരിക്കയില്‍ നടന്ന ഭീകരാക്രമണം ഉള്‍പ്പെടെ നിരവധി തീവ്രവാദി ആക്രമണങ്ങളുടെ സൂത്രധാരനാണ് ലാദന്‍.

ലാദനെ പിടികൂടാനുള്ള പ്രത്യേക സൈനിക നടപടിയ്ക്ക് കഴിഞ്ഞ ആഴ്ചയിലാണ് തുടക്കം കുറിച്ചതെന്ന് ബരാക്ക് ഒബാമ പറഞ്ഞു. വടക്കന്‍ ഇസ്‌ലാമാബാദിലെ അബോട്ടാബാദില്‍ നടത്തിയ ആക്രമണത്തിലാണ് ലാദന്‍ കൊല്ലപ്പെട്ടത്. സപ്തംബര്‍ 11 ആക്രമണത്തിന് ഇരയായവര്‍ക്ക് ഒരു ദശാബ്ദത്തിനുശേഷം നീതി ലഭിച്ചുവെന്ന് ബരാക്ക് ഒബാമ കൂട്ടിച്ചേര്‍ത്തു.

ഒളിച്ചുകഴിഞ്ഞ വീട്ടില്‍ വെച്ചാണ് ലാദന്‍ കൊല്ലപ്പെട്ടത്. ലാദന്‍ മരിച്ചുവെന്ന വാര്‍ത്ത പുറത്തുവന്നതിനെ തുടര്‍ന്ന് ജനക്കൂട്ടം വൈറ്റ്ഹൗസിനുമുന്നില്‍ തടിച്ചുകൂടി. സൗദിയില്‍ ജനിച്ച ലാദനെ പിടികൂടാന്‍ 2001 മുതല്‍ അമേരിക്ക ശ്രമം നടത്തുകയാണ്. സപ്തംബര്‍ 11 ആക്രമണത്തിനു പുറമെ 1998ല്‍ കെനിയയിലെയും ടാന്‍സാനിയയിലെയും അമേരിക്കന്‍ സ്ഥാനപതി കാര്യാലയങ്ങള്‍ക്കുനേരെ നടന്ന ആക്രമണം, 2000ല്‍ യമനില്‍ വെച്ച് അമേരിക്കന്‍ യുദ്ധക്കപ്പലായ യു.എസ്.എസ് കോളിനുനേരെ ഉണ്ടായ ബോംബാക്രമണം എന്നിവയുടെ സൂത്രധാരനും ബിന്‍ ലാദനാണെന്നാണ് അമേരിക്ക കരുതുന്നത്.

സപ്തംബര്‍ 11 ആക്രമണത്തിന്റെ സൂത്രധാരനെ നിയമത്തിന്റെ മുന്നില്‍ കൊണ്ടുവരുമെന്ന് മുന്‍ അമേരിക്കന്‍ പ്രസിഡന്റ് ജോര്‍ജ്ജ് ഡബ്ല്യൂ ബുഷ് ആവര്‍ത്തിച്ച് വ്യക്തമാക്കിയിരുന്നു. എന്നാല്‍ 2009ല്‍ സ്ഥാനം ഒഴിയും വരെ അദ്ദേഹത്തിന് ലാദനെ കണ്ടെത്താന്‍ കഴിഞ്ഞില്ല. ലാദനുവേണ്ടി അഫ്ഗാനിസ്താനിലെ തോറാബോറാ മലനിരകളില്‍ അമേരിക്കന്‍ സൈന്യം ശക്തമായ ആക്രമണവും തിരച്ചിലും നടത്തിയിരുന്നു. പാകിസ്താന്‍ അഫ്ഗാനിസ്താന്‍ അതിര്‍ത്തിയില്‍ ലാദന്‍ ഒളിച്ചുകഴിയുകയാണെന്ന വിവരത്തെ തുടര്‍ന്ന് അഫ്ഗാനിസ്താനില്‍ അമേരിക്ക നടത്തിയ തിരച്ചില്‍ അവസാനിപ്പിച്ചിരുന്നു.

ലാദനെ വധിച്ചതിന് പ്രതികാരമായി തീവ്രവാദികള്‍ ആക്രമണം നടത്തുമോയെന്ന് ആശങ്കകള്‍ ഉയര്‍ന്നിട്ടുണ്ട്. സപ്തംബര്‍ 11ന് വേള്‍ഡ് ട്രേഡ് സെന്ററിന്റെ ഇരട്ട ടവറുകളിലും പ്രതിരോധ ആസ്ഥാനമായ പെന്റഗണിലും അല്‍ ഖ്വെയ്ദ നടത്തിയ ഭീകരാക്രമണത്തില്‍ 3000 പേര്‍ കൊല്ലപ്പെട്ടിരുന്നു.

ഒസാമ ബിന്‍ ലാദന്‍ 1957 മാര്‍ച്ച് 10ന് സൗദി അറേബ്യയിലെ റിയാദില്‍ ഒരു സമ്പന്ന കുടുംബത്തിലാണ് ജനിച്ചത്. സൗദി രാജകുടുംബവുമായി അടുത്ത ബന്ധമുള്ള വ്യവസായി മുഹമ്മദ് ബിന്‍ അവാദ് ബിന്‍ ലാദന്‍ ആയിരുന്നു ബിന്‍ ലാദന്റെ പിതാവ്. 1968 മുതല്‍ 1976 വരെ റിയാദിലെ അല്‍ താഗര്‍ മോഡല്‍ സ്‌കൂളില്‍ പഠിച്ച ലാദന്‍ പിന്നീട് കിങ് അബ്ദുള്‍ അസീസ് സര്‍വകലാശാലയില്‍ നിന്ന് സാമ്പത്തികശാസ്ത്രത്തിലും ബിസിനസ് അഡ്മിനിസ്‌ട്രേഷനിലും ബിരുദം നേടി. 1979ല്‍ ലാദന്‍ സിവില്‍ എഞ്ചിനീയറിങില്‍ ബിരുദം നേടിയതായും ചില റിപ്പോര്‍ട്ടുകളുണ്ട്. എന്നാല്‍ ബിരുദത്തിന് പഠിക്കുമ്പോള്‍ മൂന്നാം വര്‍ഷം ലാദന്‍ കോളേജ് വിട്ടതായും റിപ്പോര്‍ട്ടുകളുണ്ട്. മതപരമായ കാര്യങ്ങളിലായിരുന്നു പഠിക്കുമ്പോള്‍ ലാദന് താല്പര്യം. ഒരു കവി കൂടിയായിരുന്നു വിദ്യാര്‍ത്ഥിയായിരുന്ന ലാദന്‍.

മാതൃഭൂമി

പാഠപുസ്തകം എന്തേ ഇങ്ങിനെ?

2011-05-01T22:11:00.000-07:00

വിദ്യാഭ്യാസ വകുപ്പ് ഏർപെടുത്തിയ പുതിയ സം‍വിധാനമനുസരിച്ച് SCERT യുടെ വെബ് സൈറ്റിൽ എല്ലാക്ലാസുകളിലേയും പാഠ പുസ്തകങ്ങൾ പി.ഡി.എഫ്. ഫോർമാറ്റിൽ ലഭ്യമാക്കിയിരിക്കുന്നു. പാഠ പുസ്തകങ്ങൾ സ്കൂളിലെത്താൻ താമസമുണ്ടാവുന്ന അവസരത്തിൽ ഈയൊരു സം‍വിധാനം അധ്യാപകർക്കും ,വിദ്യാർത്ഥികൾക്കും ഉപകാരപ്രദമാണുതാനും.ആവശ്യമുള്ള പാഠ ഭാഗങ്ങൾ പ്രിന്റെടുത്ത് ഉപയോഗിക്കാമല്ലോ....

കാര്യങ്ങളിങ്ങിനെയൊക്കെ യാണെങ്കിലും ഇന്നലെ സുഹൃത്തായ ഒരധ്യാപകനുവേണ്ടി ലിൻകിൽ നിന്നും പാഠ പുസ്തകങ്ങൾ ഡൌൺലോഡ് ചെയ്ത് പി.ഡി.എഫ് ഫയൽ ഓപ്പൺ ചെയ്യുമ്പോൾ പല വിഷയങ്ങളും വായിക്കാൻ പറ്റുന്നില്ല. എന്റെ സിസ്റ്റത്തിൽ ഫോണ്ടില്ല പോലും. പിന്നെന്തിനാ .പി.ഡി.എഫ് ഫോർമാറ്റിലാക്കുന്നത് ? പി.ഡി എഫ് ഫോർമാറ്റിലുള്ള ഫയലുകൾ ഓപ്പൺ ചെയ്യുമ്പോൾ ഫോണ്ട് പ്രശനം ഇതുവരെ ഉണ്ടായിട്ടില്ല. അങ്നിനെ യൊരു പ്രശനം ഉണ്ടാവുന്നുണ്ടെൻകിൽ ആവശ്യമായ ഫോണ്ടുകൾ കൂടി ഡൌൺലോഡ് ചെയ്തെടുക്കുവാനുള്ള സൌകര്യം SCERT ലഭ്യമാക്കണം. അതല്ലാ എൻകിൽ പ്രശ്നങ്ങൾ തീർത്ത ഫയലുകൾ സൈറ്റിൽ അപ്ലോഡ് ചെയ്ത്. ഈ സൌകര്യം എല്ലാവർക്കും ഉപയോഗിക്കാൻ പറ്റുന്ന രീതിയിൽ ക്രമീകരിക്കണമെന്നുഅപേക്ഷ.

നാനോ‍എക്സലും മുങ്ങി.

2011-04-25T22:03:00.000-07:00

അധ്വാനിക്കാതെ വീട്ടിലിരുന്നാൽ സമ്പന്നനാവം എന്ന് വിചാരിക്കുന്ന വിഡ്ഡികൾക്ക് ഒരു തിരിച്ചടികൂടി നൽകികൊണ്ട് നാനോഎക്സലുകാരും മുങ്ങി.

മണിചെയിന്‍ കമ്പനി ഉടമകള്‍ 500 കോടിയുമായി മുങ്ങി



തൃശൂര്‍: നിക്ഷേപകരില്‍നിന്നു പിരിച്ചെടുത്ത കോടികളുമായി നാനോ എക്‌സല്‍ മണി ചെയിന്‍ കമ്പനിയുടെ ഉടമകള്‍ മുങ്ങി. നാലു ലക്ഷത്തിലേറെ ഇടപാടുകാരില്‍നിന്നായി അഞ്ഞൂറു കോടിയോളം രൂപ പിരിച്ചെടുത്ത ശേഷമാണ്‌ ഇവര്‍ മുങ്ങിയത്‌. കമ്പനിയുടെ എറണാകുളത്തേയും തൃശൂരിലേയും ഓഫീസുകളും അടച്ച നിലയിലാണ്‌. മണിചെയിന്‍ അംഗമായവര്‍ നല്‍കിയ പരാതികളില്‍ വിവിധ സ്‌റ്റേഷനുകളില്‍ കേസുകള്‍ നിലവിലുണ്ട്‌. ചെയര്‍മാന്‍ ഹരീഷ്‌ മദിനേനി, മാനേജിംഗ്‌ ഡയറക്‌ടറായ പാട്രിക്‌ തോമസ ്‌എന്നിവര്‍ ഒളിവിലാണെന്ന്‌ പോലീസ്‌ പറയുന്നു. ഇവരെ ബന്ധപ്പെടാന്‍ ശ്രമിച്ചെങ്കിലും ഫോണ്‍ ഓഫ്‌ ചെയ്‌ത നിലയിലായിരുന്നു. ഇതുമായി ബന്ധപ്പെട്ട്‌ ഡീലര്‍മാരായ അഷറഫ്‌, പ്രമോദ്‌ കിരണ്‍, പ്രമോദ്‌, ശശിധരന്‍ എന്നിവരെ അറസ്‌റ്റു ചെയ്‌തതായി ചേലക്കര സി.ഐ: ശശിധരന്‍ സ്‌ഥിരീകരിച്ചു. പദ്ധതിയില്‍ തട്ടിപ്പു നടത്തിയെന്ന്‌ ആരോപിച്ച്‌ മാനേജിംഗ്‌ ഡയറക്‌ടര്‍ പാട്രിക്‌ തോമസിനെ പുറത്താക്കി കമ്പനിയുടെ ആസ്‌തികളും നിയന്ത്രണവും ഒളിവിലിരുന്നു ചെയര്‍മാന്‍ ഹരീഷ്‌ മദിനേനി ഏറ്റെടുത്തതായി സൂചനയുണ്ട്‌. കമ്പനിയുടെ പ്രവര്‍ത്തനങ്ങള്‍ ഇനി തന്റെ നിയന്ത്രണത്തിലാണെന്ന്‌ ചെയര്‍മാന്‍ പുറത്തിറക്കിയ ഉത്തരവാണ്‌ ഈ സംശയം ബലപ്പെടുത്തുന്നത്‌. ഇതോടൊപ്പം പദ്ധതിയില്‍ ചേരുന്നതിനുള്ള നടപടിക്രമങ്ങള്‍ പുതുക്കിയിട്ടുമുണ്ട്‌. നേരത്തേ ചേര്‍ന്നവരും പുതിയ നടപടിക്രമമനുസരിച്ച്‌ വീണ്ടും ചേരണമെന്നു വ്യക്‌തമാക്കി ഇന്റര്‍നെറ്റില്‍ നോട്ടീസ്‌ നല്‍കിയിരിക്കുന്നു. കഴിഞ്ഞ തവണ കമ്പനി നടത്തിയ കോടികളുടെ നികുതി വെട്ടിപ്പ്‌ അധികൃതര്‍ കണ്ടെത്തിയിരുന്നു. 103 കോടി വിറ്റുവരവുള്ള കമ്പനി ഒരു കോടി മാത്രമാണ്‌ വിറ്റുവരവെന്നു വ്യാജരേഖ നല്‍കിയാണ്‌ നികുതി വെട്ടിപ്പ്‌ നടത്തിയിരുന്നത്‌. മണിചെയിന്‍ ചേര്‍ന്നവര്‍ക്കു നാലു മാസമായി ബോണസും പ്രതിഫലവും നല്‍കുന്നില്ല. നല്‍കിയ ചെക്കുകള്‍ പണമില്ലാത്തതുമായിരുന്നുവെന്ന്‌ ആരോപണമുണ്ട്‌. നാനോ കമ്പനിയുടെ ഓഹരിയായും സാധനങ്ങള്‍ വാങ്ങുന്നതിനുള്ള വിലയായും ജനങ്ങളില്‍നിന്ന്‌ പിരിച്ചെടുത്താണ്‌ തട്ടിപ്പ്‌ നടത്തിയത്‌. ഇന്റര്‍നെറ്റ്‌ മുഖേനയായിരുന്നു കമ്പനിയിലേക്ക്‌ പണം അടച്ചിരുന്നത്‌. രസീതുകള്‍ നല്‍കാതെയുള്ള വെട്ടിപ്പ്‌ ആയിരുന്നതിനാല്‍ തെളിവുകള്‍ക്ക്‌ ബുദ്ധിമുട്ടാകുമെന്നു നിയമവിദഗ്‌ദ്ധര്‍ പറയുന്നു. അതിനിടെ പണം ലഭിക്കാന്‍ ഇടപാടുകാര്‍ ആക്ഷന്‍ കൗണ്‍സില്‍ രൂപീകരിച്ചു. 2007 ലാണ്‌ നാനോ എക്‌സല്‍ കമ്പനി മണി ചെയിന്‍ പദ്ധതിയുമായി എത്തിയത്‌. ഹൈദരാബാദ്‌ ആസ്‌ഥാനമായാണ്‌ കമ്പനി പ്രവര്‍ത്തിച്ചിരുന്നത്‌. ഹരീഷ്‌ മദിനേനി ആന്ധ്രാ സ്വദേശിയാണ്‌. ഇയാളുടെ സുഹൃത്തായാണ്‌ തൃശൂര്‍ സ്വദേശി പാട്രിക്‌ തോമസ്‌ കമ്പനിയിലെത്തിയത്‌. 4000, 6000, 5000, 12000, 1.20 ലക്ഷം, 1.50 ലക്ഷം, 1.80 ലക്ഷം എന്നിങ്ങനെ വിവിധങ്ങളായ പാക്കേജുകളിലൂടെയാണ്‌ തട്ടിപ്പ്‌ മുന്നേറിയത്‌. ആരോഗ്യ പരിരക്ഷണത്തിനുള്ള നാനോ പവര്‍ കാര്‍ഡ്‌, വാട്ടര്‍ ബോട്ടില്‍, വാച്ച്‌, വാഷിംഗ്‌ ബോര്‍ഡ്‌, ബ്ലേസ്‌ലെറ്റ്‌ മുതലായ ഇനങ്ങളാണ്‌ പദ്ധതിയില്‍ ചേരുന്നവര്‍ക്ക്‌ നല്‍കിയത്‌. ഇതില്‍ നല്‍കിയ തുകയുടെ 20 ശതമാനം വിലയ്‌ക്കുള്ള ഉല്‍പന്നങ്ങള്‍ പോലും നല്‍കിയിരുന്നില്ല. മാത്രമല്ല കുറഞ്ഞ ഗുണനിലവാരമുള്ള ഉല്‍പന്നങ്ങളാണ്‌ നല്‍കിയിരുന്നത്‌. മണിചെയിനില്‍ ചേര്‍ന്നു വെറുതേയിരിക്കുന്നവര്‍ക്കും മാസംതോറും ലക്ഷങ്ങള്‍ ബോണസായി ലഭിക്കുമെന്ന്‌ ഇവര്‍ വിശ്വസിപ്പിച്ചിരുന്നു. തുടക്കത്തില്‍ ഏതാനുംപേര്‍ക്ക്‌ ബോണസ്‌ നല്‍കി വിശ്വാസം നേടിയിരുന്നു. ബോണസും പണവും ലഭിക്കാത്ത ഇടപാടുകാര്‍ പ്രതിഷേധിച്ചതോടെയാണ്‌ ഉടമകള്‍ മുങ്ങാനുള്ള പദ്ധതി തയ്യാറാക്കിയത്‌. തൃശൂര്‍ അയ്യന്തോളിലെ ഓഫീസ്‌ ആദ്യഘട്ടമായി അടച്ചുപൂട്ടി. ഇതിനുശേഷമാണ്‌ എറണാകുളം ഇടപ്പള്ളിയിലെ ഓഫീസ്‌ പൂട്ടിയത് മംഗളം വാർത്ത.	‌

ദൈവം മരിച്ചൂ.

2011-04-23T23:20:00.000-07:00

തൊണ്ണൂറ്റി ആറാം വയസ്സിൽ മരിക്കുമെന്ന തന്റെ തന്നെ പ്രവചനം തെറ്റിച്ചുകൊണ്ട് 84 വയസ്സിൽ ദൈവം വിടവാങ്ങി.

പുട്ടപ്പര്‍ത്തി: വിശ്വസ്‌നേഹത്തിന്റെ അവതാരരൂപമായി അറിയപ്പെട്ട ആത്മീയഗുരു ശ്രീ സത്യസായി ബാബ സമാധിയായി. 84 വയസ്സായിരുന്നു. മാസങ്ങള്‍ നീണ്ട ചികിത്സയ്‌ക്കൊടുവില്‍ ഞായറാഴ്ച കാലത്ത് 7.40ന് പുട്ടപ്പര്‍ത്തി സത്യസായി ഇന്‍സ്റ്റിറ്റിയൂട്ട് ഓഫ് ഹയര്‍ മെഡിക്കല്‍ സയന്‍സസില്‍ വെച്ചായിരുന്നു അന്ത്യം. പൂജയും പ്രാര്‍ഥനകളുമായി ഉറക്കമൊഴിച്ചിരുന്ന ആയിരക്കണക്കിന് വിശ്വാസികളെ ഞെട്ടിച്ചുകൊണ്ട് ഞായറാഴ്ച രാവിലെ പത്തരയോടെ ആസ്പത്രി അധികൃതര്‍ പുറത്തിറക്കിയ മെഡിക്കല്‍ റിപ്പോര്‍ട്ടിലാണ് മരണവിവരം അറിയിച്ചത്. തിങ്കളാഴ്ച്ചയും ചൊവ്വാഴ്ച്ചയും മൃതദേഹം പുട്ടപര്‍ത്തിയിലെ സായ് കുല്‍വന്ത് ഹാളില്‍ പൊതുദര്‍ശനത്തിന് വെക്കുമെന്ന് സായ് ട്രസ്റ്റ് അറിയിച്ചു. സംസ്‌കാരസമയം പ്രഖ്യാപിച്ചിട്ടില്ല.

മാര്‍ച്ച് 28 നാണ് ബാബയെ ശ്വാസകോശസംബന്ധമായ അസുഖത്തെ തുടര്‍ന്ന് ആസ്പത്രിയില്‍ പ്രവേശിപ്പിച്ചത്. പിന്നീട് വൃക്കകളുടെ പ്രവര്‍ത്തനവും തകരാറിലായി. വെന്‍റിലേറ്ററിന്റെ സഹായത്തോടെയാണ് കുറച്ചുനാളായി ബാബയുടെ ജീവന്‍ നിലനിര്‍ത്തിയിരുന്നത്. ഡയാലിസിസും തുടരുന്നുണ്ടായിരുന്നു. രാവിലെ പ്രത്യേക മെഡിക്കല്‍ സംഘം യോഗം ചേര്‍ന്നതിന് ശേഷമാണ് ദേഹവിയോഗം ഔദ്യോഗികമായി പ്രഖ്യാപിച്ചത്.

അനന്തപ്പുര്‍ ജില്ലയിലെ വിവിധ വകുപ്പ് മേധാവികള്‍ക്ക് സര്‍ക്കാര്‍ ജാഗ്രതാനിര്‍ദേശം നല്‍കിയിട്ടുണ്ട്. പുട്ടപര്‍ത്തിയില്‍ സുരക്ഷാ സാഹചര്യം നേരിടാന്‍ ക്രമീകരണങ്ങള്‍ ഉറപ്പുവരുത്താനും നിര്‍ദേശം നല്‍കിയിട്ടുണ്ട്. പുട്ടപര്‍ത്തിയിലേക്കുള്ള എല്ലാ റോഡുകളിലും പോലീസ് ബാരിക്കേഡുകള്‍ ഉയര്‍ത്തിയിരിക്കുയാണ്. രാജ്യത്തിന്റെ പല ഭാഗങ്ങളില്‍ നിന്നും ഭക്തര്‍ പുട്ടപര്‍ത്തിയിലേക്ക് എത്തിക്കൊണ്ടിരിക്കുകയാണ്.

ശനിയാഴ്ച വൈകീട്ട് ശ്രീ സത്യസായി ട്രസ്റ്റ് അടിയന്തരയോഗം ചേര്‍ന്ന് ചികിത്സാകാര്യങ്ങള്‍ അവലോകനം ചെയ്തിരുന്നു. ബാബയുടെ കുടുംബാംഗങ്ങളും ഈ യോഗത്തില്‍ പങ്കെടുത്തു. മരുന്നുകളോടും ചികിത്സയോടും ബാബയുടെ ശരീരം പ്രതികരിക്കാത്തതിനാല്‍ ഈ യോഗം നിര്‍ണായകമായിരുന്നു എന്നാണ് അറിയുന്നത്.

മാതൃഭൂമി വാർത്ത

ചെറിയൊരു കണ്ടെത്തൽ

2011-04-20T21:34:00.000-07:00

കാലു കൊണ്ട് ചവിട്ടി പ്രവർത്തിപ്പിക്കാവുന്ന ഞാൻ ഡിസൈൻ ചെയ്ത തേങ്ങാപൊളിക്കുന്ന ലഘു യന്ത്രം. അഭിപ്രായങ്ങളും നിർദ്ദേശങ്ങളും അറീക്കുമല്ലോ...
Coconut Dismantle

ബ്ലോഗേഴ്സ് മീറ്റ് കാഴ്ച്ചകള്‍

2011-04-18T00:58:00.000-07:00

ബ്ലോഗ് മീറ്റിന്റെ ഫോട്ടോകളൊന്നും ആരും പോസ്റ്റ് ചെയ്ത് കാണുന്നില്ല.

മുള്ളൂര്‍ക്കാരനും സംഘവുമൊക്കെ വലിയ ക്യാമറയും തൂക്കി പിടിച്ച് അതിലൂടെ നടന്നിരുന്നു..അവരൊക്കെയെടുത്ത നല്ല ഫോട്ടോകള്‍ പോസ്റ്റെട്ടെയെന്ന് കരുതിതയാ …..വൈകിച്ചത്.(ഞാനായിട്ട് മോശമാക്കരുതല്ലോ) ഒന്നും കാണുന്നില്ല. എന്റെ തുക്കാടാ ക്യാമറകൊണ്ടെടുത്ത തെളിച്ച കുറവുള്ള തുടക്കവും ഒടുക്കവുമൊന്നു മില്ലാതെ കുറേ…ഫോട്ടോകള്‍ പോസ്റ്റുന്നു....അടിക്കുറിപ്പുകളൊക്കെ നിങ്ങളുടെ ഇഷ്ട്ടം പോലെ ചേര്‍ത്തോള്ളൂ...

*റജിസ്ടേഷനുള്ള തിരക്ക് (250 രൂപ വാങ്ങിക്കാനും)

*ഓ...ഒരു പോട്ടോഗ്രാപറ് ...

*ശരീഫ്ക്കാക്ക് ബ്ലോഗെഴുത്തിന്റെ മസ്‍അല അറിയണം.

*കൊട്ടോട്ടിക്കാരൻ പ്രോജ്ക്റ്റ്ര് ശരിയാക്കുന്ന തിരക്കിലാ...

രാമനുണ്ണി മാഷ് പ്രകാശന തിരക്കിൽ

* ഒന്ന് വേഗം വെളമ്പൂന്നെ..

*പരിണാമ വാദികൾ

*മൈന ഉമൈബാനെ കടസിലേക്ക് ആവാഹിക്കുന്ന സജീവേട്ടൻ

* ആ ..ചിരികണ്ടാല്‍...........

*ഇട നാഴികയില്‍ അൽപ്പ നേരം

ആ... ഹലോ....ഞമ്മള് ബ്ലോഗ് മീറ്റിലാ..

* തമാശ..തമാശ

* ആ ...എവിടാ മാഷേ...

*സ്വാഗതം

* ഷരീക്കാ ക്ക് പിന്നേം സംശയം

* നേരത്തെ എത്തി

* എന്‍റെ ബ്ലോഗ് കേറി അലമ്പുണ്ടാക്കിയാ വിവരമറിയും കെട്ടൊ.

* നാലു ചുള്ളന്മാര്‍

* ഏതാ ഷാമ്പൂ ?

* മീറ്റിന്‍റെ ആവേശം

* സജീം മാഷിനു പ്രസംഗിക്കാന്‍ മുട്ടീട്ടു വയ്യ.

* ജൂബാ ചേട്ടന്‍

* ഞമ്മള് മാധ്യമത്തിന്നാ (വി.കെ.അബ്ദുക്ക)

* ഞനാരു തുടക്കക്കാരനാ..

ഞമ്മളീ നാട്ടുകാരന്‍ തന്നെ (മുഹമ്മദ്കുട്ടിക്ക)

* കൂതറയാണ് താരം. ഞാന്‍ ഹാഷിം. കൂതറ ഹാഷിം.

* അസ്സലാമു അലൈക്കും

* ന്നാ...ഇനിയൊരു കവിതയായാലോ...

* മലബാരി

*കുറച്ച് സമൂസീം,കുറച്ച് ഉന്നക്കായീം കൊണ്ടന്നിട്ടുണ്ട്...(ഐഷാബി)

പടച്ചോന്റെ ശത്രു (ജബ്ബാർ മാഷ്)

* മത്താപ്പൂത്തിരി

* കിങ്ങിണികുട്ടി.

* പാട്ടോന്ന് പാടീടാം

ഇന്ത്യയിലെ ഏറ്റവും ഭാരം കൂടിയ കാർട്ടൂണിസ്റ്റ് (സജീവേട്ടൻ)

അരീക്കോട് മാഷും കുട്ട്യോളും.

* ഇജ്ജ് ദങ്ങട്ട് വാങ്ങ് മോളെ.

* ഒരു പാട് ദൂരേന്നാ...(ഫെമിന ഫാറൂക്ക്)

* മഞ്ഞുതുള്ളി.

* ഡോ. ആർ.കെ. തിരൂർ

* ബിന്ദു ചേച്ചി

* മുള്ളൂക്കാരൻ

* ഒരു കവിതകൂടി, നിസ വെള്ളൂർ

* സമൂസ സൽക്കാരം

*കാവാരേഖ

* ഈറ്റ് മീറ്റ്

* ആരെ പിടിക്കണം.

*ചർച്ച.

* ഞമ്മളെ ക്ലാസ് നന്നായില്ലേ? (ഹാഷിം,ഹബീബ്)

* വരയോട് വര.

* നീ യീ മീറ്റ്ന്ന് പറഞ്ഞാ എന്താന്നാ കരുതിയേ...

*ബ്ലോഗർമാർക്കും ബാധകം

* തുഞ്ചൻ പറമ്പിലെ തത്ത

* എഴുത്താണി

* ഒന്നു കുളിക്കണോ..?

* ഊട് വഴി

* കവാടം

* സിന്ധു‍ഭാസ്കർ

* കാത്തിരിപ്പ്.

* നീ..പാടും...പാടിക്കും.

* കഴിഞ്ഞു തൃപ്തിയായി.

* ഊണിനു മുമ്പൊരു പായസം..ശേഷവും

* ബോഗർമാരെ കാത്ത്.

മതി .മതി..നിര്‍ത്തിക്കോ.....

ലതിക ചേച്ചി പറഞ്ഞതുകൊണ്ട് ഇവിടെ വെച്ച് നിര്‍ത്തുന്നു.

ബ്ലോഗ് മീറ്റ് പത്രങ്ങളിലൂടെ

2011-04-17T20:45:00.000-07:00

ബ്ലോഗ് മീറ്റിന്റെ നൂറിലേറെ ചിത്രങ്ങള്‍ ഇവിടെയുണ്ട്.
http://rafeeqkizhattur.blogspot.com/2011/04/blog-post_18.html

മൊബൈല്‍ വൈഫൈയുമായി വോഡഫോണ്‍

2011-03-26T05:35:00.000-07:00

മൊബൈല്‍ വെഫൈ ഉപകരണമായ ആര്‍201 ഇന്ത്യയില്‍ അവതരിപ്പിക്കുന്നതായി വോഡഫോണ്‍ പ്രഖ്യാപിച്ചു. ഒരേ സമയം അഞ്ച് പേരെ വോഡഫോണിന്റെ 3ജി നെറ്റ്‌വര്‍ക്കുമായി കണക്റ്റ് ചെയ്യാന്‍ സാധിക്കുന്ന സിം സ്ലോട്ട് സഹിതമാണ് ഈ പോര്‍ട്ടബിള്‍ വൈഫൈ ഉപകരണത്തിന്റെ രംഗപ്രവേശം.

സവിശേഷതകള്‍
ഒഎല്‍ഇഡി ഡിസ്‌പ്ലെ

3ജി, എച്ച്എസ്ഡിപിഎ 7.2 എംബിപിഎസും എച്ച്എസ്‌യുപിഎ 5.76 എംബിപിഎസ്, ഡിഎല്‍എന്‍എ സെര്‍ട്ടിഫൈഡ്

ക്വാള്‍കോം 7225 പ്രോസസസര്‍

പ്ലഗ് ആന്റ് പ്ലേ സോഫ്റ്റ്‌വെയര്‍

മൈക്രോഎസ്ഡിഎച്ച്‌സി(സെക്യൂര്‍ ഡിജിറ്റല്‍ ഹൈ കപ്പാസിറ്റി ) കാര്‍ഡ് പിന്തുണ 32 ജിബി വരെ

4 മണിക്കൂര്‍ വവരെ ബാറ്ററി ദൈര്‍ഘ്യം

ആര്‍201 ഉപയോഗിച്ച് എച്ച്എസ്ഡിപിഎ പിന്തുണയുള്ള ഉപകരണങ്ങളില്‍ സെക്കന്റില്‍ 7.2 എംബി വേഗതയില്‍ 3ജി ഇന്റര്‍നെറ്റ് സര്‍വ്വീസ് ആസ്വദിക്കാനാകുമെന്നതാണ് ഇതിന്റെ മറ്റൊരു പ്രധാന ഘടകം. 5,500 രൂപയാണ് വില.
gulfmalayaly.com

ചില ഡാറ്റഎന്ററി തട്ടിപ്പുകൾ

2011-03-17T07:41:00.000-07:00

മലപ്പുറം ജില്ലയിലെ ഡാറ്റ എന്ററി വർക്കുകൾക്ക് പരിശീലനം നൽകുകയും വർക്കുകൾ ഏറ്റടുത്ത് കൊടുക്കുകയും ചെയ്യുന്ന ഒരു സ്ഥാപനത്തിൽ കാര്യങ്ങളെ കുറിച്ച് അന്യേഷിക്കാനായി ചെന്നു. വിവരങ്ങളിങ്ങിനെ. മണികൂറുകളുടെ പരിശീലനം മാത്രം. ഫീസ് 3500 രൂപ. വർക്കു കൾക്കനുസരിച്ച് 3000 മുതൽ 10000 രൂപവരെ തിരിച്ച് കിട്ടാവുന്ന ഡിപ്പോസിറ്റ്. പ്രതിഫലം ഒരു A4 ഷീറ്റ് ഇമേജ് ഫയൽ വേർഡിലാക്കി ടൈപ്പ് ചെയ്താൽ 70രൂപ വരെ............................................................................................ ഇതു മാത്രം കേട്ട് തിരിച്ചൊന്നും ചേദിക്കാതെ വർക്കിൽ പരിശീലനം നേടി കെണിയിൽ വീഴിന്നവർ ധാരാളം. കാര്യങ്ങളുടെ കിടപ്പിങ്ങിനെ. ഒരു വർക്ക് എന്ന് പറയുന്നത് 200 മുതൽ 250 ഷീറ്റ് വരെ. ഒരു വർക്ക് പൂർത്തിയാക്കി കൊടുക്കേണ്ട സമയം 20 ദിവസം,( കൃത്യസമയത്ത് വർക്ക് പൂർത്തിയാക്കി കൊടുത്തിലെൻകിൽ പൈസകിട്ടില്ല.) ഒരു വർക്കിൽ 96.1 % വരെയെൻകിലും ശരിയായിരിക്കണം. ഇന്ങിനെ കുറഞ്ഞത് 4 വർക്കെൻകിലും ചെയത് തീർത്താൽ മാത്രമേ അഡ്വാൻസ് കൊടുത്ത സംഖ്യ പോലും തിരിച്ച് കിട്ടുകയുള്ളു. ഈ സ്ഥാപനവുമായി നമ്മൾ ഉണ്ടാക്കുന്ന കരാറിൽ പറയുന്ന ശതമാനകണക്ക് നോക്കുക. എന്നിട്ട് നിങ്ങൾ പറയൂ ...ഇവരുടെ കയ്യിൽ നിന്നും എത്രപണം നമുക്ക് തിരിച്ച് കിട്ടും. ഒരു പൈസക്ക് പോലും വകുപ്പില്ലെന്നാണ് എന്റെ അഭിപ്രായം.

സർക്കാർ വക പരസ്യ ചാകര

2011-03-01T01:29:00.000-08:00

കഴിഞ്ഞ കുറേ ദിവസങ്ങളായി ശ്രദ്ധിക്കുന്നു മാതൃഭൂമി,മനോരമ തുടങ്ങിയ പത്രങ്ങളില്‍ ജ്വല്ലറി പരസ്യങ്ങളെ വെല്ലുന്ന മുഴു പേജ് ,അരപേജ് കളര്‍, ബ്ലാക്ക്&വൈറ്റ് പര്യസ്യങ്ങള്‍ കേരളാ സര്‍ക്കാര്‍ വക. ഇന്നലേയും,മിനിഞ്ഞാന്നുമൊക്കെ നാലു ഫുള്‍ പേജില്‍ അധികമാണു സർക്കാർ പരസ്യങ്ങൾ.പൊതു ആവശ്യത്തിനായി ചെലവഴിക്കേണ്ട പണമിങ്ങിനെ ആർഭാടമായി പരസ്യം ചെയ്യാൻ ചെലവഴിക്കുന്നത് പ്രതിഷേധാർഹമാണ്. ഇതിനെതിരെ പ്രതികരിക്കേണ്ട പത്ര മാധ്യമങ്ങൾ ഇതിനെതിരെ വെണ്ടക്ക നിരത്തുമെന്ന് പ്രതീക്ഷിക്ക വയ്യ. അവർക്കാണല്ലോ..പരസ്യചാകര.

സഹോദരീ നിനക്കാദരാഞ്ജലികൾ

2011-02-06T02:32:00.000-08:00

സഹോദരീ നിനക്കാദരാഞ്ജലികൾ തൃശ്ശൂര്‍: തീവണ്ടിയാത്രക്കിടെ മാനഭംഗത്തിന് ഇരയായ യുവതി മരിച്ചു. ഷൊര്‍ണൂര്‍ മഞ്ഞക്കാട് സ്വദേശിനി സൗമ്യയാണ് മരിച്ചത്. തൃശ്ശൂര്‍ മെഡിക്കല്‍ കോളേജ് ആസ്പത്രിയില്‍ ഞായറാഴ്ച ഉച്ചയോടെയാണ് മരണം സംഭവിച്ചത്. ഗുരുതരമായ പരിക്കേറ്റ സൗമ്യയുടെ തലച്ചോറിന്റെ പ്രവര്‍ത്തനം ഞായറാഴ്ച രാവിലെ പൂര്‍ണ്ണമായും നിലച്ചിരുന്നു. പ്രയപ്പെട്ട സഹോദരീ...നിന്റെ ഈ ദയനീയ വിധിക്ക് മുൻപിൽ വേദന നിറഞ്ഞ കണ്ണീർപ്പൂക്കൾ....

അന്നും ഇന്നും

2010-12-15T06:40:00.000-08:00

വീട്ടിലെ പഴപെട്ടിയില്‍ നിന്നും കിട്ടിയ 1970 കളിലെ ഒരു ബാങ്ക് പാസ്‍ബുക്ക്. കവറിനു പുറത്ത് എഴുതിയ കാര്യന്ങള്‍ കണ്ടെപ്പോള്‍ കൌതുകം തോന്നി. കാറിനും,ഫ്ളാറ്റിനുമൊക്കെ ലോണ്‍ വാരികോരി കൊടുത്ത് നിങള്‍ അടിച്ചു പൊളിച്ചൂ ജീവിക്കൂ ...എന്ന് പരസ്യം ചെയ്യുന്ന ഇന്നത്തെ ബാങ്കുകളുടെ അവസ്ത വെച്ച് നോക്കുമ്പോള്‍.

പുതിയ തേന്ങപൊളിയന്ത്രം

2010-12-03T06:02:00.000-08:00

Coconut Dismantle

ഇതിഹാസം രചിക്കാന്‍ ഇന്ത്യന്‍ ബ്രൗസര്‍

2010-07-14T21:45:00.000-07:00

ബാംഗ്ലൂര്‍: ബ്രൗസിങ് രംഗത്തെ ലോക മേലാളന്മാരെ വെല്ലുവിളിച്ചുകൊണ്ട് ഇന്ത്യയില്‍ നിന്നൊരു ബ്രൗസര്‍ വരുന്നു. സ്വതന്ത്ര സോഫ്ട്‌വേറില്‍ അധിഷ്ഠിതമായ 'എപ്പിക്ക്' ആണ്, ബ്രൗസര്‍രംഗം അടക്കിവാഴുന്ന ഇന്റര്‍നെറ്റ് എക്‌സ്‌പ്ലോററിനും ഫയര്‍ഫോക്‌സിനും ഗൂഗിള്‍ ക്രോമിനുമിടയിലേക്ക് മത്സരത്തിന് എത്തുന്നത്. ഇന്ത്യയില്‍ രൂപംകൊടുത്ത ആദ്യ നെറ്റ്ബ്രൗസറായ 'എപ്പിക്' വ്യാഴാഴ്ച മുതല്‍ സൗജന്യമായി ഡൗണ്‍ലോഡ് ചെയ്യാം

ബാംഗ്ലൂര്‍ കേന്ദ്രമായി പ്രവര്‍ത്തിക്കുന്ന ചെറുകിട സോഫ്റ്റ്‌വേര്‍ സ്ഥാപനമായ ഹിഡന്‍ റിഫ്‌ളക്‌സാണ് 'എപ്പിക്കി'ന് പിന്നില്‍. വ്യാഴാഴ്ച ബാംഗ്ലൂരില്‍ നടക്കുന്ന ചടങ്ങില്‍ സോഫ്ട്‌വേര്‍ ടെക്‌നോളജി പാര്‍ക്ക്‌സ് ഓഫ് ഇന്ത്യ (എസ്.ടി.പി.ഐ.) മുന്‍ ഡയറക്ടര്‍ ബി.വി. നായിഡു എപ്പിക്ക് പുറത്തിറക്കും.

ഇന്റര്‍നെറ്റില്‍ പ്രവേശിക്കാനും അതില്‍നിന്ന് വിവരങ്ങള്‍ തേടാനും വിവിധ ഇന്റര്‍നെറ്റ് സേവനങ്ങള്‍ ഉപയോഗിക്കാനും സഹായിക്കുന്ന സോഫ്റ്റ്‌വേര്‍ ആപ്ലിക്കേഷനാണ് ബ്രൗസര്‍. ലോകത്ത് ഇപ്പോള്‍ മൈക്രോസോഫ്റ്റിന്റെ ഇന്റര്‍നെറ്റ് എക്‌സ്‌പ്ലോററാണ് ഭൂരിപക്ഷം പേരും ഉപയോഗിക്കുന്ന ബ്രൗസര്‍. ഫയര്‍ഫോക്‌സ്, ഗൂഗിള്‍ക്രോം, ഒപ്പേറ എന്നിവയാണ് മറ്റു പ്രധാന ബ്രൗസറുകള്‍.

സ്വതന്ത്ര സോഫ്റ്റ്‌വേറായ മോസില്ലയില്‍ അധിഷ്ഠിതമായാണ് എപ്പിക് നിര്‍മിച്ചിരിക്കുന്നതെന്ന് പദ്ധതിക്ക് നേതൃത്വംകൊടുത്ത ഹിഡന്‍ റിഫ്‌ളക്‌സ് മേധാവി അലോക് ഭരദ്വാജ് പറഞ്ഞു. ഇംഗ്ലീഷിനുപുറമെ, മലയാളമുള്‍പ്പെടെ 12 ഇന്ത്യന്‍ ഭാഷകളില്‍ അഡ്രസ് ടൈപ്പ് ചെയ്യാന്‍ കഴിയുന്ന ഇന്‍ഡി ട്രാന്‍സ്‌ലേറ്ററിന്റെ സഹായത്തോടെ പ്രവര്‍ത്തിക്കുന്ന ബ്രൗസറാണ് എപ്പിക്ക്.

മറ്റ് ബ്രൗസറുകളില്‍ നിന്ന് വ്യത്യസ്തമായി, ആന്റി വൈറസ് സംവിധാനവും ഇതില്‍ ഉള്‍പ്പെടുത്തിയിട്ടുണ്ട്. അതിനാല്‍ എപ്പിക്ക് ഉപയോഗിക്കുമ്പോള്‍ പണം കൊടുത്ത് ആന്റി വൈറസ് സോഫ്ട്‌വേറുകള്‍ വാങ്ങുകയോ അവ പുതുക്കുകയോ വേണ്ട. ഇന്ത്യക്കാര്‍ക്ക് ഏറ്റവും പ്രിയങ്കരമായ ഒന്നായി എപ്പിക്കിനെ മാറ്റാന്‍ ഈ പ്രത്യേകത സഹായിക്കുമെന്ന് അലോക് ഭരദ്വാജ് പറഞ്ഞു. ദുര്‍ലക്ഷ്യങ്ങളുള്ള വെബ്‌സൈറ്റുകളെ തിരിച്ചറിയാനുള്ള സംവിധാനവും എപ്പിക്കില്‍ സന്നിവേശിപ്പിച്ചിട്ടുണ്ട്.

മറ്റ് ബ്രൗസറുകളേക്കാള്‍ ആയിരത്തിയഞ്ഞൂറിലധികം അധിക സൗകര്യങ്ങള്‍ (ഫീച്ചറുകള്‍) എപ്പിക്കിലുണ്ട്. സൈഡ് ബാറുകളില്‍ ടെക്സ്റ്റ്, ഫോട്ടോ, വീഡിയോ ഫയലുകള്‍ ശേഖരിക്കാനും എഡിറ്റു ചെയ്യാനുമുള്ള സംവിധാനമുണ്ട്. ഇക്കാര്യം നെറ്റ് ഉപയോക്താവിന് ഏറ്റവും ഉചിതമായ ബ്രൗസറായി എപ്പിക്കിനെ മാറ്റിയേക്കാം.

സൈഡ്ബാറില്‍ തന്നെ ആര്‍.എസ്.എസ്. ഫീഡ് ഉപയോഗിച്ച് അപ്പപ്പോഴുള്ള വാര്‍ത്തകള്‍ നിരത്താനും ഇതിന് കഴിയും. യൂണികോഡിലായതിനാല്‍ മാതൃഭൂമി ഓണ്‍ലൈന്‍ എഡിഷനിലെ വാര്‍ത്തകള്‍ മറ്റു ബ്രൗസറുകളിലെപ്പോലെ തന്നെ ഒട്ടും തടസ്സമില്ലാതെ പുതിയ ബ്രൗസറില്‍ വായിക്കാന്‍ കഴിയും.

വ്യാഴാഴ്ച രാവിലെ മുതല്‍ www.epicbrowser.com എന്ന വെബ്‌സൈറ്റില്‍ നിന്ന് സൗജന്യമായി ബ്രൗസര്‍ ഡൗണ്‍ ലോഡ് ചെയ്യാനാകും. കമ്പ്യൂട്ടറിലേത് ഏത് ഓപ്പറേറ്റിങ്‌സിസ്റ്റമായാലും എപ്പിക്' ഡൗണ്‍ലോഡ് ചെയ്ത് പ്രവര്‍ത്തിപ്പിക്കാന്‍ കഴിയുമെന്ന് അലോക് ഭരദ്വാജ് അറിയിച്ചു.

മാതൃഭൂമി വാർത്ത

നമുക്കന്യമാവുന്ന കാഴ്ച്ചകൾ

2010-07-13T06:50:00.000-07:00

സച്ചിന് ഡബിള്‍സെഞ്ച്വറി-പുതിയ ചരിത്രം

2010-02-24T05:58:00.000-08:00

ഗ്വാളിയോര്‍; ഏകദിന ക്രിക്കറ്റിന്റെ ചരിത്രത്തില്‍ ആദ്യമായി ഇരട്ടസെഞ്ച്വറി നേടുന്ന ബാറ്റസ്മാന്‍ എന്ന ബഹുമതി മാസ്റ്റര്‍ ബ്ലാസ്റ്റര്‍ സച്ചിന്‍ തെണ്ടുല്‍ക്കര്‍ക്ക്.

ഗ്വാളിയറില്‍ ദക്ഷിണാഫ്രിക്കയ്‌ക്കെതിരായ രണ്ടാം ഏകദിനത്തിലാണ് സച്ചിന്‍ ഈ അപൂര്‍വ്വ നേട്ടം കുറിച്ചത്. 147 പന്തില്‍ നിന്ന് 200 റണ്‍സുമായി സച്ചിന്‍ പുറത്താകെ നിന്നു. 1997 ല്‍ ഇന്ത്യക്കെതിരെ ചെപ്പോക്കില്‍ സയിദ് അന്‍വറും സിംബാബ്‌വയുടെ ചാള്‍സ് കവന്ററിയും സ്ഥാപിച്ച 194 റണ്‍സിന്റെ റെക്കോഡാണ് ഇതോടെ പഴങ്കഥയാകുന്നത്.

ടെസ്റ്റിലും ഏകദിനത്തിലും ഏറ്റവും കൂടുതല്‍ റണ്‍സും ഏറ്റവും കൂടുതല്‍ സെഞ്ച്വറികളും നേടിയ സച്ചിന്‍ ഈ ഇന്നിങ്‌സോടെ പുതിയ ചരിത്രമാണ് എഴുതിച്ചേര്‍ത്തത്.

കരിയറില്‍ 46-ാം സെഞ്ച്വറി പൂര്‍ത്തിയാക്കിയ സച്ചിന്റെ നേതൃത്വത്തില്‍ ആദ്യം ബാറ്റ് ചെയ്ത ഇന്ത്യ 50 ഓവറില്‍ മൂന്നു വിക്കറ്റ് നഷ്ടത്തില്‍ 401 റണ്‍സ് അടിച്ചുകൂട്ടി. ദിനേഷ് കാര്‍ത്തിക്ക്(79), യൂസഫ് പഠാന്‍(36) ധോനി (68 നോട്ടൗട്ട്) എന്നിവര്‍ സച്ചിന് ഉറച്ച പിന്തുണ നല്‍കി.

25 ബൗണ്ടറികളും മൂന്നു സിക്‌സറുകളും അടങ്ങുന്നതായിരുന്നു ലിറ്റില്‍ മാസ്റ്ററുടെ റെക്കോഡ് ഇന്നിങ്‌സ്.

മാതൃഭൂമി വാർത്ത

മതത്തിന്റെ പേരിലുള്ള ഭൂമികൈയേറ്റം തടയണം-സുപ്രീംകോടതി

2010-02-16T19:07:00.000-08:00

ന്യൂഡല്‍ഹി: മത-ആരാധനാകേന്ദ്രങ്ങള്‍ പണിയാനായി സര്‍ക്കാര്‍ഭൂമി കൈയേറുന്നത് തടയാന്‍എല്ലാ സംസ്ഥാനസര്‍ക്കാറുകളും എട്ടാഴ്ചയ്ക്കകം സമഗ്രനയം ആവിഷ്‌കരിക്കണമെന്ന് സുപ്രീംകോടതി ഉത്തരവിട്ടു.

നിലവിലുള്ള ഇത്തരം കൈയേറ്റങ്ങളുടെ കാര്യത്തില്‍ എന്തു ചെയ്യാനാവുമെന്ന് അറിയിക്കാനും ജസ്റ്റിസ് ദല്‍വീര്‍ ഭണ്ഡാരിയുടെ അധ്യക്ഷതയിലുള്ള ബെഞ്ച് സംസ്ഥാന സര്‍ക്കാറുകളോട് നിര്‍ദേശിച്ചു.

അഹമ്മദാബാദില്‍ സര്‍ക്കാര്‍ഭൂമിയില്‍ അനധികൃതമായി പണിത ആരാധനാകേന്ദ്രങ്ങള്‍ പൊളിക്കുന്നതിനെതിരെ ഗുജറാത്ത് ഹൈക്കോടതി 'സ്റ്റേ' പുറപ്പെടുവിച്ചിരുന്നു. ഇതിനെതിരെ കേന്ദ്രം സമര്‍പ്പിച്ച അപ്പീല്‍ഹര്‍ജിയിലാണ് സുപ്രീംകോടതിയുടെ നടപടി.
മതത്തിന്റെ പേരിലുള്ള കൈയേറ്റംമൂലം സര്‍ക്കാറിന് അന്യാധീനപ്പെട്ട ഭൂമിയുടെ വിശദാംശങ്ങള്‍ എല്ലാ സംസ്ഥാനസര്‍ക്കാറുകളും നേരത്തേ സുപ്രീംകോടതിക്ക് സമര്‍പ്പിച്ചിരുന്നു.

മാതൃഭൂമി വാർത്ത.

ഒളിഞ്ഞുനോട്ടവും നിയമവാഴ്ചയും

2010-02-01T18:50:00.000-08:00

ഒളിഞ്ഞുനോട്ടവും നിയമവാഴ്ചയും
ഇവിടെ നിന്നും വായിക്കാം.

ഒളിഞ്ഞുനോട്ടവും നിയമവാഴ്ചയും

2010-02-01T06:58:00.000-08:00

ഒളിഞ്ഞുനോട്ടവും നിയമവാഴ്ചയും

മലയാളികള്‍ പൊതുവില്‍ അനുഭവിക്കുന്ന ലൈംഗിക പട്ടിണിയുടെ സ്വാഭാവിക പരിണതഫലമാണ് ഒളിഞ്ഞുനോട്ടപ്രവണത. ആണ്‍-പെണ്‍ വിഭജനം ഇത്ര കൃത്രിമമായി നിലനിര്‍ത്തുന്ന പ്രദേശം ലോകത്ത് മറ്റെവിടെയും ഉണ്ടെന്നു തോന്നുന്നില്ല. മറ്റൊരു ഇന്ത്യന്‍ സംസ്ഥാനത്തും സ്ഥിതി ഇത്ര ഭീകരമല്ല. കൊച്ചുകുട്ടിക്കാലം മുതല്‍ക്കേ, സ്‌കൂളിലും സമൂഹത്തിലും ആണ്‍-പെണ്‍ ഇടപെടലിനെ ബോധപൂര്‍വം തടഞ്ഞുനിര്‍ത്തുന്ന ഒരു സാമൂഹികാന്തരീക്ഷമാണ് ഇവിടെ നിലനില്ക്കുന്നത്.

പട്ടണങ്ങളില്‍പ്പോലും ബസ്സിലും ട്രെയിനിലും ആണുങ്ങള്‍ക്കും പെണ്ണുങ്ങള്‍ക്കും ഇടകലര്‍ന്നിരിക്കാന്‍ തീരെ സാധ്യമല്ലാത്ത സംസ്ഥാനവും കേരളം മാത്രമായിരിക്കും. പൗരാണികമായി, താരതമ്യേന സ്വതന്ത്രാന്തരീക്ഷം നിലനിന്നിരുന്ന കേരളത്തില്‍, ഇപ്പോള്‍ ആണുങ്ങളും പെണ്ണുങ്ങളും ഇടപഴകുന്നതുപോകട്ടെ സംസാരിക്കുന്നതുപോലും സദാചാരപ്രശ്‌നമായി കാണുന്ന അന്തരീക്ഷം വളര്‍ന്നുവന്നത് എങ്ങനെ എന്നത് ഗവേഷണവിഷയമാണ്.

ചില സംഭവങ്ങള്‍ ചൂണ്ടിക്കാട്ടാം. ഏതാനും വര്‍ഷം മുമ്പ് ഗുരുവായൂരില്‍ ലോഡ്ജില്‍ റൂമെടുത്തു താമസിച്ച കാമുകീകാമുകന്മാരെ പോലീസ് കസ്റ്റഡിയിലെടുത്ത് കേസെടുത്തതിന്റെ പേരില്‍ പിറ്റേ ദിവസം ആ പെണ്‍കുട്ടി ആത്മഹത്യ ചെയ്യാനിടയായി. ദിവസേനയെന്നോണം നടക്കുന്ന ഇത്തരം സംഭവങ്ങള്‍ എല്ലാം ആത്മഹത്യയിലേക്ക് നയിക്കാറില്ലെങ്കിലും ഇങ്ങനെ കേസില്‍പ്പെടുന്നവരുടെ ഭാവിജീവിതം ദുരന്തപൂര്‍ണമായിത്തീരും.

കൊച്ചിയിലെ തോപ്പുംപടിയില്‍ ലോഡ്ജില്‍ റൂമെടുത്ത ഭാര്യാഭര്‍ത്താക്കന്മാരെ പോലീസ് റെയ്ഡ് ചെയ്ത് കേസെടുത്തു. തങ്ങള്‍ ഭാര്യാഭര്‍ത്താക്കന്മാരാണെന്നു പറഞ്ഞിട്ടും പോലീസ് ആദ്യം വിശ്വസിച്ചില്ല. സ്റ്റേഷനില്‍ കൊണ്ടുപോയി ചോദ്യം ചെയ്തതിനുശേഷമാണ് വിട്ടയച്ചത്. സ്ത്രീയും പുരുഷനും ഒരുമിച്ച് ഹോട്ടലില്‍ മുറിയെടുക്കണമെങ്കില്‍ ഭാര്യാഭര്‍ത്തൃബന്ധം തെളിയിക്കുന്ന രേഖകളുമായി നടക്കേണ്ടിവരുന്നത് എത്ര ഭീകരമാണ്!

ഏഷ്യാനെറ്റില്‍ 'കേരളസ്‌കാന്‍' എന്ന പരിപാടിയില്‍ ഈ സംഭവവുമായി ബന്ധപ്പെട്ട പോലീസ് ഉദ്യോഗസ്ഥനെ ക്യാമറയ്ക്കു മുന്നില്‍ ചോദ്യം ചെയ്തപ്പോള്‍ അദ്ദേഹം പറഞ്ഞത് നാട്ടുകാരുടെ സമ്മര്‍ദം മൂലമാണ് അറസ്റ്റ് ചെയ്തതെന്നാണ്. നിലവിലുള്ള നിയമപ്രകാരം അറസ്റ്റിനുസാധൂകരണമില്ലെന്നും സമ്മതിച്ചു.

തിരുവനന്തപുരം ഭാഗത്ത് ഒരുയര്‍ന്ന എകൈ്‌സസ് ഉദ്യോഗസ്ഥന്റെ വീട്ടിലേക്ക് ഒരു സ്ത്രീ ചെന്നതിനു പിന്നാലെ പോലീസും ചെന്ന് രണ്ടുപേരെയും കസ്റ്റഡിയിലെടുത്തു. ആ സ്ത്രീയുടെ ഹാന്‍ഡ്ബാഗില്‍നിന്ന് കുറച്ചുപണം കണ്ടെടുത്തു എന്നതായിരുന്നു ഏക തെളിവായി ഉണ്ടായിരുന്നത്. അവരെ അറസ്റ്റ് ചെയ്ത പോലീസ് ഉദ്യോഗസ്ഥനും ക്യാമറയ്ക്ക് മുന്നില്‍ പറഞ്ഞത് നിയമമൊന്നുമില്ലെന്നും ജനം കൂടിയതുകൊണ്ട് അറസ്റ്റ് ചെയ്യാതിരിക്കാന്‍ നിര്‍വാഹമില്ലാതെ വന്നു എന്നുമാണ്.

ഇതു സംബന്ധമായി ഇന്ത്യയില്‍ നിലവിലുള്ള നിയമം 1956-ലെ വ്യഭിചാരനിരോധനനിയമമാണ്. (Iuuvnam dnaiilc (ynhzhrdlvr) acd). ലൈംഗികചൂഷണം മൂന്നാമതൊരു കൂട്ടര്‍ വാണിജ്യാടിസ്ഥാനത്തില്‍ ദുരുപയോഗപ്പെടുത്തുമ്പോള്‍ മാത്രമാണ് ഈ നിയമപ്രകാരം കുറ്റമാകുന്നത്. പ്രായപൂര്‍ത്തിയായ സ്ത്രീയും പുരുഷനും പരസ്പരസമ്മതപ്രകാരം നടത്തുന്ന ലൈംഗികബന്ധം ഒരു തരത്തിലും കുറ്റമാകുന്നില്ല.

ഡല്‍ഹി ഹൈക്കോടതിയുടെ വിധിപ്രകാരം വാണിജ്യാടിസ്ഥാനത്തിലല്ലാത്ത വേശ്യാവൃത്തിപോലും കുറ്റകരമല്ല. ഹോട്ടലുകളും ലോഡ്ജുകളുമെല്ലാം റെയ്ഡ് ചെയ്ത് മുറികളില്‍ താമസിക്കുന്ന സ്ത്രീയെയും പുരുഷനെയും അവിഹിതബന്ധത്തിന്റെ പേരില്‍ അറസ്റ്റ് ചെയ്യുന്ന പോലീസാണ് യഥാര്‍ഥത്തില്‍ കുറ്റം ചെയ്യുന്നത്; നിയമം ലംഘിക്കുന്നത്.

നിയമവാഴ്ചയുടെ കാര്യത്തില്‍ ഏറ്റവും മെച്ചപ്പെട്ട സംസ്ഥാനമായി കണക്കാക്കപ്പെടുന്ന കേരളം ഇക്കാര്യത്തില്‍ നിയമവാഴ്ചയെ പരിഹസിക്കുന്ന അവസ്ഥയിലാണെന്നു കാണാം. ഒളിച്ചുനോട്ടക്കാരായ നാട്ടുകാരും അവരോടൊപ്പം ചേരുന്ന പോലീസുകാരും ചേര്‍ന്നാല്‍ ആരുടെയും സ്വകാര്യജീവിതത്തിലേക്ക് കടന്നുചെല്ലാനും അവരുടെ സാമൂഹികജീവിതം താറുമാറാക്കാനും കഴിയും. എളുപ്പത്തില്‍ ലഭ്യമാവുന്ന ഒരു പോലീസ് ഉദ്യോഗസ്ഥന്റെ സഹായമുണ്ടെങ്കില്‍ വൈരാഗ്യമുള്ളവരെ നശിപ്പിക്കാന്‍ ആര്‍ക്കുമാകും. രാഷ്ട്രീയശത്രുക്കളെ തകര്‍ക്കാനുള്ള ഏറ്റവും ഏളുപ്പവഴിയായും കേരളത്തില്‍ ഇത് ഉപയോഗപ്പെടുത്തുന്നുണ്ട്.
ഏറ്റവും അവസാനം കോണ്‍ഗ്രസ് നേതാവ് രാജ്‌മോഹന്‍ ഉണ്ണിത്താന്റെ കേസ് നോക്കുക. ഉണ്ണിത്താന്റെയോ കൂടെ സഞ്ചരിച്ച സഹപ്രവര്‍ത്തകയുടെയോ വ്യക്തിപരമായ പശ്ചാത്തലത്തെക്കുറിച്ച് എനിക്കറിയില്ല; അറിയേണ്ട ആവശ്യവുമില്ല. പത്രങ്ങളിലൂടെയും ദൃശ്യമാധ്യമങ്ങളിലൂടെയും അറിഞ്ഞ വിവരങ്ങള്‍ വെച്ചുനോക്കിയാല്‍ ഉണ്ണിത്താനെതിരായി നാട്ടുകാര്‍ ഇടപെടേണ്ടതോ പോലീസ് കേസെടുക്കേണ്ടതോ ആയ ഒന്നും സംഭവിച്ചിട്ടില്ല.

ഉണ്ണിത്താന്‍ ആരോപിക്കുംപോലെ സംഭവത്തിനു പിന്നില്‍ ഗൂഢാലോചന ഉണ്ടായിക്കൊള്ളണമെന്നുമില്ല. നാട്ടുകാരുടെ ഒളിഞ്ഞുനോട്ട പ്രവണതയായിരിക്കണം പ്രശ്‌നം സൃഷ്ടിച്ചത്. രാഷ്ട്രീയ എതിരാളികള്‍ അതിനെ മുതലാക്കിയിട്ടുമുണ്ടാകാം. എന്തായാലും ആരംഭത്തില്‍ സൂചിപ്പിച്ച മലയാളിയുടെ പ്രാകൃത മാനസികാവസ്ഥയുടെ സൃഷ്ടിതന്നെയാണ് ഈ സംഭവവും. എന്നിട്ടും ഒരു ഡിവൈ.എസ്.പി. കേസ് ചാര്‍ജ് ചെയ്തിരിക്കുന്നു എന്നത് ഇവിടത്തെ നിയമവാഴ്ചയുടെ പരിഹാസ്യമായ അവസ്ഥയെയാണ് സൂചിപ്പിക്കുന്നത്.

ഇത്തരം വിഷയങ്ങളില്‍ കേരളത്തില്‍ നിയമവാഴ്ച പുനഃസ്ഥാപിക്കുക എളുപ്പമല്ല. ആദ്യംതന്നെ സര്‍ക്കാര്‍ ഇക്കാര്യത്തില്‍ വ്യക്തമായ നയം തീരുമാനിക്കണം. നിലവിലുള്ള നിയമപ്രകാരമല്ലാത്ത നടപടികളൊന്നും ജനങ്ങളുടെ പേരുംപറഞ്ഞ് എടുക്കരുതെന്ന് പോലീസിനു കര്‍ശനമായ നിര്‍ദേശം നല്കണം. എന്നാലും പഴയ ശൈലികള്‍ തുടരാനിടയുണ്ട്. അങ്ങനെ തുടരാതിരിക്കാനുള്ള മേല്‍നോട്ടത്തിനു സംവിധാനമുണ്ടാക്കുകയും വേണം.

നാട്ടുകാരുടെ മനോഭാവത്തിലും മാറ്റമുണ്ടാവണം. നിലവിലുള്ള നിയമപ്രകാരം ലൈംഗികപ്രശ്‌നങ്ങളിലും മറ്റും ഏതുതരം പ്രവൃത്തികളാണ് കുറ്റകരമാവുന്നതെന്ന് ജനങ്ങളെ ബോധവത്കരിക്കേണ്ടതുണ്ട്. മനുഷ്യാവകാശ കമ്മീഷന് ഇക്കാര്യത്തില്‍ ഫലപ്രദമായി ഇടപെടാവുന്നതാണ്. ജനങ്ങളെ ബോധവത്കരിക്കുന്ന കാര്യത്തില്‍ മാധ്യമങ്ങളാണ് പ്രധാന കര്‍ത്തവ്യം ഏറ്റെടുക്കേണ്ടത്.

പക്ഷേ, മാധ്യമങ്ങള്‍ പലപ്പോഴും ഒളിഞ്ഞുനോട്ട പ്രവണതയെ പ്രോത്സാഹിപ്പിക്കുന്നതു കാണാറുണ്ട്. ആ സമീപനം മാറ്റി, നിയമവാഴ്ചയെപ്പറ്റി ജനങ്ങളെ ബോധവാന്മാരാക്കാന്‍ മാധ്യമങ്ങള്‍തന്നെയാണ് മുന്‍കൈയെടുക്കേണ്ടത്. എങ്കില്‍ മാത്രമേ ദീര്‍ഘകാലാടിസ്ഥാനത്തിലെങ്കിലും മലയാളിയുടെ പ്രാകൃതമായ ഈ ഒളിഞ്ഞുനോട്ട മനോഭാവത്തിന് അറുതിവരുത്താനാകൂ.

കെ. വേണു

കടപ്പാട്- മാതൃഭൂമീ.

മനോരമയിൽ വീണ്ടും ഗ്രഹണശാസ്ത്രം

2010-01-21T20:10:00.000-08:00

മനോരമയിൽ വീണ്ടും ഗ്രഹണശാസ്ത്രം.

21,1,2010 നു മലയാള മനോരമ പത്രത്തിൽ വന്ന ലേഖനം.

പോത്തു പൂട്ടു ദൃശ്യങ്ങൾ

2010-01-17T01:48:00.000-08:00

ജ്യോതിബസു വിടവാങ്ങി

2010-01-16T22:59:00.001-08:00

കൊല്‍ക്കത്ത: മുതിര്‍ന്ന സി.പി.എം. നേതാവും പശ്ചിമ ബംഗാള്‍ മുന്‍ മുഖ്യമന്ത്രിയുമായ ജ്യോതിബസു(95) അന്തരിച്ചു. സി.പി.എം സംസ്ഥാന സെക്രട്ടറി ബിമന്‍ ബോസ് ആണ് മരണവിവരം അറിയിച്ചത്. മരണസമയത്ത് ബസുവിന്റെ മകന്‍ ചന്ദന്‍ ബസു, പ്രകാശ് കാരാട്ട്, മുഖ്യമന്ത്രി ബുദ്ധദേവ് ഭട്ടാചാര്യ എന്നിവര്‍ സമീപത്തുണ്ടായിരുന്നു.

ഇന്ന് 11.47ന് കൊല്‍ക്കത്ത സാള്‍ട്ട്‌ലേക്കിലെ എ.എം.ആര്‍.ഐ. ആസ്പത്രിയിലായിരുന്നു അന്ത്യം. നെഞ്ചിലെ അണുബാധയെ തുടര്‍ന്ന് പുതുവര്‍ഷ ദിനത്തില്‍ ആസ്പത്രിയില്‍ പ്രവേശിപ്പിക്കപ്പെട്ട ബസു രണ്ടു ദിവസമായി വെന്റിലേറ്ററില്‍ ചികിത്സയിലായിരുന്നു. ശ്വാസതടസ്സം വര്‍ധിച്ചതിനാല്‍ കൃത്രിമ ശ്വാസോച്ഛാസം നല്‍കിവരുന്നതിനിടെയാണ് അന്ത്യം സംഭവിച്ചത്.

ചരിത്രം സൃഷ്ടിച്ച ഇരുപത്തിമൂന്ന് വര്‍ഷത്തെ ഭരണത്തിനുശേഷം മുഖ്യമന്ത്രിപദം ഒഴിഞ്ഞ ബസു കഴിഞ്ഞ രണ്ടു വര്‍ഷമായി സര്‍ക്കാര്‍ നല്‍കിയ വസതിയായ ഇന്ദിരാഭവനില്‍ പൂര്‍ണ വിശ്രമത്തിലായിരുന്നു. വിടാതെ തുടരുന്ന ഉദരസംബന്ധമായ അസുഖംമൂലം പാര്‍ട്ടിപ്രവര്‍ത്തനിലും ബസു സജീവമായിരുന്നില്ല.

1914 ജൂലായ് എട്ടിന് കൊല്‍ക്കത്തയില്‍ ജനിച്ച ബസു നിയമപഠനത്തിനായി ബ്രിട്ടണില്‍ പോയപ്പോഴാണ് കമ്മ്യൂണിസ്റ്റ് പാര്‍ട്ടിയില്‍ ആകൃഷ്ടനായത്. 1940ല്‍ നിയമപഠനം പൂര്‍ത്തിയാക്കി ഇന്ത്യയില്‍ തിരിച്ചെത്തിയ ബസു വൈകാതെ കമ്മ്യൂണിസ്റ്റ് പാര്‍ട്ടിയുടെ മുഴുവന്‍സമയ പ്രവര്‍ത്തകനായി. 1944ല്‍ റെയില്‍വേ ജീവനക്കാരെ സംഘടിപ്പിച്ചുകൊണ്ടാണ് രാഷ്ട്രീയത്തില്‍ സജീവമായത്. 1946ലാണ് ആദ്യമായി നിയമസഭയിലേയ്ക്ക് തിരഞ്ഞെടുക്കപ്പെടുന്നത്. 1964ല്‍ സി.പി.എം. രൂപവത്കരിച്ചപ്പോള്‍ ആദ്യ ഒന്‍പതംഗ പോളിറ്റ്ബ്യൂറോയില്‍ അംഗമായി. 1967ലും 69ലും പശ്ചിമ ബംഗാള്‍ ഉപമുഖ്യമന്ത്രിയായി.

1977 ജൂണ്‍ 21നാണ് ചരിത്രം കുറിച്ച് കമ്മ്യൂണിസ്റ്റ് സര്‍വാധിപത്യത്തിന് നാന്ദികുറിച്ചുകൊണ്ട് ആദ്യമായി മുഖ്യമന്ത്രിപദമേറുന്നത്. 23 വര്‍ഷത്തെ ഭരണത്തിനുശേഷം ആരോഗ്യപരമായ കാരണങ്ങളാല്‍ 2000ല്‍ സ്വമേധയാ പടിയിറങ്ങുകയായിരുന്നു. ഏറ്റവും ദീര്‍ഘ കാലം മുഖ്യമന്ത്രിപദം കൈയാളിയ വ്യക്തിയെന്ന റെക്കോഡ് സ്വന്തമാക്കിയാണ് ബസു ഭരണം ബുദ്ധദേവ് ഭട്ടാചാര്യയ്ക്ക് കൈമാറിയത്.
1996ല്‍ പ്രധാനമന്ത്രിസ്ഥാനത്തേയ്ക്ക് നിര്‍ദേശിക്കപ്പെട്ടെങ്കിലും പാര്‍ട്ടി പോളിറ്റ്ബ്യൂറോ അതിന് പച്ചക്കൊടി കാട്ടിയില്ല. ഇതിനെ ചരിത്രപരമായ വിഡ്ഡിത്തമെന്ന് ബസു തന്നെ പില്‍ക്കാലത്ത് വിശേഷിപ്പിച്ചിരുന്നു. എച്ച്.ഡി.ദേവഗൗഡയാണ് പിന്നീട് പ്രധാനമന്ത്രിയായത്.
ബസുവിന്റെ അപേക്ഷ മാനിച്ച് 2008ലാണ് അദ്ദേഹത്തെ പോളിറ്റ്ബ്യൂറോയില്‍ നിന്ന് ഒഴിവാക്കിയത്. എങ്കിലും പി.ബി.യിലെ പ്രത്യേക ക്ഷണിതാവായും കേന്ദ്ര കമ്മിറ്റിയംഗമായും അദ്ദേഹം തുടര്‍ന്നു

മാതൃഭൂമി-വാർത്ത

കുളിസീൻ

2010-01-13T06:45:00.000-08:00

ഖുർ‌ആൻ

2009-12-28T23:34:00.000-08:00

ഖുർ‌ആൻ- ഇവിടെ ക്ലിക്കുക

സാഹിത്യകാരന്മാരെ സാക്ഷികളാക്കി വിസ്തരിക്കും

2009-12-06T05:05:00.000-08:00

പൂന്താനം ഇല്ലം സംബന്ധിച്ച് പെരിന്തല്‍മണ്ണ മുന്‍സിഫ് കോടതിയിലുള്ള കേസില്‍ വിചാരണ തിങ്കളാഴ്ച തുടങ്ങാനിരിക്കെ മൂന്നാം എതിര്‍കക്ഷിയായ പൂന്താനം സ്മാരകസമിതി സാഹിത്യകാരന്മാരെ സാക്ഷികളാക്കി വിസ്തരിക്കുന്നതിനുള്ള പട്ടിക കോടതിയില്‍ സമര്‍പ്പിച്ചു.

പൂന്താനം ഇല്ലത്ത് അനുചിതമായ പരിപാടികളും യോഗങ്ങളും നടത്താന്‍ ദേവസ്വം രാഷ്ട്രീയമായ കാരണങ്ങളാല്‍ അനുവാദം നല്‍കാന്‍ സാധ്യതയുണ്ടെന്നും ഇത് തടയണമെന്നും ആവശ്യപ്പെട്ട് പെരിന്തല്‍മണ്ണയിലെ പി.വി.ശശിധരന്‍ നല്‍കിയ കേസാണ് വിചാരണയ്ക്ക് വരുന്നത്. ഗുരുവായൂര്‍ ദേവസ്വം, ദേവസ്വം ചെയര്‍മാന്‍, പൂന്താനം സ്മാരക കമ്മിറ്റി, പൂന്താനം ഇല്ലം ക്ഷേത്ര സംരക്ഷണ സമിതി എന്നിവരാണ് പ്രതികള്‍.

അന്യായക്കാരന്റെ വാദങ്ങള്‍ക്ക് ദേവസ്വം കോടതിയില്‍ മറുപടി നല്‍കാത്തത് വിവാദമായിരുന്നു. കേസിലെ എതിര്‍കക്ഷിയായ പൂന്താനം സ്മാരകസമിതിയാണ് ഡോ. കെ.ജി.പൗലോസ്, സി.രാധാകൃഷ്ണന്‍, അബ്ദുസ്സമദ് സമദാനി, ടി.കെ.ഹംസ, പാലക്കീഴ് നാരായണന്‍, മണമ്പൂര്‍ രാജന്‍ബാബു, നാലകത്ത് സൂപ്പി, വി.ശശികുമാര്‍ എം.എല്‍.എ, ശ്രീരാമകൃഷ്ണന്‍, കീഴാറ്റൂര്‍ പഞ്ചായത്ത് പ്രസിഡന്റ് പി.ഹംസ എന്നിവരെ സാക്ഷികളാക്കി വിസ്തരിക്കാന്‍ കോടതിയില്‍ പട്ടിക നല്‍കിയത്.

മാതൃഭൂമി വാർത്ത

ലക്ഷക്കണക്കിന്‌ വ്യാജ സെല്‍ഫോണുകള്‍ ഇന്ന്‌ രാത്രിയോടെ പ്രവര്‍ത്തനരഹിതമാകും

2009-11-29T20:26:00.000-08:00

ഭീകര പ്രവര്‍ത്തനത്തിന്റെയും നുഴഞ്ഞുകയറ്റത്തിന്റെയും പശ്ചാത്തലത്തില്‍, വ്യാജ ഫോണുകള്‍ നിരോധിക്കാനുള്ള കേന്ദ്ര സര്‍ക്കാരിന്റെ തീരുമാനം നിലവില്‍ വന്നതോടെ സംസ്ഥാനത്തെ ലക്ഷക്കണക്കിന് വ്യാജ ഫോണുകള്‍ തിങ്കളാഴ്ച രാത്രി 12 മണിയോടെ പ്രവര്‍ത്തന രഹിതമാകും. അതേസമയം വ്യാജഫോണുകള്‍ അധികൃതമാക്കാന്‍ സര്‍ക്കാര്‍ നിര്‍ദേശിച്ചിട്ടുള്ള 'ഐ.എം.ഇ.ഐ. ഇംപ്ലാന്റ്' പ്രവര്‍ത്തനം സംസ്ഥാനമെങ്ങും തകൃതിയായി നടക്കുകയാണ്.

മൊബൈല്‍ ഫോണിന്റെ തിരിച്ചറിയില്‍ നമ്പരായ ഐ.എം.ഇ.ഐ (ഇന്റര്‍നാഷണല്‍ മൊബൈല്‍ എക്വിപ്‌മെന്റ് ഐഡന്റിഫിക്കേഷന്‍ നമ്പര്‍) ഇല്ലാത്ത ഫോണുകളെയാണ് വ്യാജ ഫോണുകളുടെ പട്ടികയില്‍ കേന്ദ്ര വാര്‍ത്താ വിനിമയ മന്ത്രാലയം ഉള്‍പ്പെടുത്തിയിരിക്കുന്നത്. ഇത്തരത്തില്‍ രണ്ടരക്കോടിയോളം ഫോണുകള്‍ രാജ്യത്ത് ഉപയോഗിച്ചുവരുന്നതായി കണക്കാക്കിയിട്ടുണ്ട്. മുപ്പതിനായിരത്തോളം രൂപ വിലവരുന്ന ആപ്പിള്‍ ഐ-ഫോണിന്റെ അതേ മാതൃകയില്‍ നിര്‍മിച്ച ചൈനീസ് മൊബൈല്‍ ഫോണുകള്‍ നാലായിരം രൂപയ്ക്ക് ലഭ്യമായിത്തുടങ്ങിയതോടെ കേരളത്തിലും വ്യാജ ഫോണുകള്‍ ഹരമായി മാറി.

നവംബര്‍ മുപ്പതോടെ, ഐ.എം.ഇ.ഐ. നമ്പര്‍ ഇല്ലാത്ത ഫോണുകളില്‍ നിന്ന് കാളുകള്‍ പോകുന്നത് തടയാന്‍ മൊബൈല്‍ ഫോണ്‍ ഓപ്പറേറ്റര്‍മാര്‍ക്ക് കേന്ദ്രസര്‍ക്കാര്‍ നിര്‍ദേശം നല്‍കിയിരിക്കുകയാണ്. ഇത്തരം ഫോണുകളിലേക്ക് തല്‍ക്കാലം ഇന്‍കമിങ് കാളുകള്‍ ലഭ്യമാകും. 'ഐ.എം.ഇ.ഐ. നമ്പര്‍ ഇംപ്ലാന്റ്' പ്രവര്‍ത്തനം നടത്താന്‍ മൊബൈല്‍ ഫോണ്‍ നിര്‍മാതാക്കളുടെ സംഘടനയായ ഇന്ത്യന്‍ സെല്ലുലാര്‍ അസോസിയേഷനാണ് (ഐ.സി.എ.) ചുമതല നല്‍കിയിരിക്കുന്നത്. ഗ്ലോബല്‍ സിസ്റ്റം ഓഫ് മൊബൈല്‍ കമ്മ്യൂണിക്കേഷന്‍സ് (ജി.എസ്.എം.) മാനദണ്ഡമനുസരിച്ച് തയ്യാറാക്കിയ ഐ.എം.ഇ.ഐ. നമ്പര്‍
ചയ്താല്‍ മതിയാകും. നമ്പരിന് നിയമസാധുത ഉണ്ടോയെന്നറിയാന്‍ 53232 എന്ന നമ്പരിലേക്ക് ഐ.എം.ഇ.ഐ. നമ്പര്‍ എസ്.എം.എസ്. ചെയ്യണം. ഫോണ്‍ വ്യാജമാണെങ്കില്‍ കുറച്ചുനാളുകള്‍ക്കുള്ളില്‍ ഐ.എം.ഇ.ഐ. ഇംപ്ലാന്റ് നടത്തി അവയ്ക്ക് നിയമ സാധുത നല്‍കാം.

പി.എസ്.ജയന്‍
മാതൃഭൂമി വാർത്ത

വീണ്ടും 'അത്ഭുത'ക്കുട്ടി

2009-11-09T20:49:00.000-08:00

കണ്ണൂര്‍: സകല പ്രവചനങ്ങളെയും കാറ്റിപ്പറത്തിക്കൊണ്ടാണ് എ.പി. അബ്ദുള്ളക്കുട്ടി കണ്ണൂരില്‍ പഴയ രാഷ്ട്രീയഗുരുവിനെതിരെ വിജയക്കൊടി പാറിച്ചത്. ലോക്‌സഭാ തിരഞ്ഞെടുപ്പില്‍ മുല്ലപ്പള്ളിയെ തറപറ്റിച്ച് അത്ഭുതക്കുട്ടി എന്ന ഓമനപ്പേരു സമ്പാദിച്ച അബ്ദുള്ളക്കുട്ടി താന്‍ അക്ഷരാര്‍ഥത്തില്‍ തന്നെ അത്ഭുതക്കുട്ടിയാണെന്ന് ആവര്‍ത്തിച്ച് ഉറപ്പിച്ചിരിക്കുകയാണ്. ചേരിമാറ്റത്തിനും വിവാദ പ്രസ്താവനകള്‍ക്കും ഏറെ പഴി കേട്ടെങ്കിലും കണ്ണൂരിന്റെ ചുവന്ന മണ്ണില്‍ മുല്ലപ്പള്ളിയേക്കാള്‍ കരുത്തനായ എം.വി. ജയരാജനെ തന്നെ മുട്ടുകുത്തിച്ചാണ് അബ്ദുള്ളക്കുട്ടി നിയമസഭയിലേയ്ക്കും കാലെടുത്തുവച്ചത്. കഴിഞ്ഞ തവണ കെ.സുധാകരന്‍ എന്ന അതികായന്റെ ഭൂരിപക്ഷം പോലും അബ്ദുള്ളക്കുട്ടിയുടെ മുന്നേറ്റത്തിന് മുന്നില്‍ അപ്രസക്തമായിപ്പോയി എന്നതാണ് ചരിത്രം.

ഒരര്‍ഥത്തില്‍ കെ.സുധാകരന് കൂടി അവകാശപ്പെട്ടതാണ് അബ്ദുള്ളക്കുട്ടിയുടെ വിജയം. ഒരു മാസം മുന്‍പ് മാത്രം സി.പി.എം വിട്ട് കോണ്‍ഗ്രസിലേയ്ക്ക് കൂറുമാറിയ അബ്ദുള്ളക്കുട്ടിയെ സുധാകരന്റെ സ്ഥാനാര്‍ഥിയായാണ് അവതരിപ്പിക്കപ്പെട്ടത്. ഡി.സി.സി. പ്രസിഡന്റ് പി. രാമകൃഷ്ണന്‍ അടക്കമുള്ള പ്രാദേശിക നേതാക്കളുടെ ആവശ്യം മാറ്റിനിര്‍ത്തി അബ്ദുള്ളക്കുട്ടിയെ സ്ഥാനാര്‍ഥിയാക്കിയതിന് പിന്നില്‍ സുധാകരന്റെ പിടിവാശി തന്നെയായിരുന്നു. ഇതില്‍ പ്രതിഷേധിച്ച് കോണ്‍ഗ്രസ് നേതാക്കളുടെ തിരഞ്ഞെടുപ്പ് പ്രചാരണരംഗത്ത് സജീവമമായിരുന്നില്ലെന്നും റിപ്പോര്‍ട്ടുകളുണ്ടായിരുന്നു. അതുകൊണ്ടു തന്നെ ഈ വിജയം കെ.സുധാകരന്റെ അപ്രമാദിത്തം ഒരിക്കല്‍ക്കൂടി കണ്ണൂരില്‍ അരക്കിട്ടുറപ്പിക്കപ്പെട്ടിരിക്കുകയാണ്.

ഗുരുവും ശിഷ്യനും തമ്മിലുള്ള പോരില്‍ സകല അടവുകളും പരീക്ഷിക്കപ്പെട്ടു. വര്‍ഗശത്രുവായി മുദ്രകുത്തിയ അബ്ദുള്ളക്കുട്ടിയെ തോല്‍പിക്കുക സി.പി.എമ്മിന്റെ അഭിമാനപ്രശനവുമായിരുന്നു. കണ്ണൂരിന്റെ ചരിത്രം എല്ലാകാലത്തും കോണ്‍ഗ്രസിനൊപ്പമാണെന്ന് അറിഞ്ഞിട്ടും ഇത്ര കടുത്ത പോരാട്ടത്തിന് സി.പി.എം രണ്ടും കല്‍പിച്ചിറങ്ങിയത് എതിരാളി അബ്ദുള്ളക്കുട്ടിയായതുകൊണ്ട് മാത്രമായിരുന്നു. തങ്ങളുടെ തട്ടകത്തില്‍ കെ.സുധാകരനെ കൂടാതെ മറ്റൊരു ശത്രകൂടി ഉയര്‍ന്നുവരുന്നത് ഒരു തരത്തിലും സി.പി.എമ്മിന് അംഗീകരിക്കാന്‍ കഴിയില്ലായിരുന്നു. തീവ്രവാദ ബന്ധം ആരോപിക്കപ്പെടുന്ന എന്‍.ഡി.എഫിന്റെ രാഷ്ട്രീയ പ്രസ്ഥാനമായ എസ്.ഡി.പി.ഐ സ്ഥാനാര്‍ഥി നിര്‍ത്തിയത് ചെറിയ തോതില്‍ കോണ്‍ഗ്രസ് വോട്ടുകള്‍ നഷ് ടപ്പെടുത്തിയെന്ന് രാഷ് ട്രീയവിഗ്ധര്‍ വിലയിരുത്തുന്നു.

ആദ്യമായി തിരഞ്ഞെടുപ്പ് ഗോദയിലിറങ്ങിയ സാഹചര്യത്തില്‍ പരമാവധി വോട്ടുകള്‍ സമാഹകരിക്കേണ്ടത് എസ്.ഡി.പി.ഐക്ക് അഭിമാനപ്രശ്‌നവുമായിരുന്നു. എസ്.ഡി.പി.ഐ കോണ്‍ഗ്രസിന് ദോഷമുണ്ടാക്കിയെങ്കില്‍ ആര്‍ക്കും വോട്ട് ചെയ്യേണ്ടെന്ന ജമാത്തെ ഇസ് ലാമിയുടെ തീരുമാനം സി.പി.എമ്മിനും ക്ഷീണമുണ്ടാക്കി. ഏറക്കുറേ എസ്.ഡി.പി.ഐക്ക് കിട്ടിയ വോട്ടുകളുടെ അത്ര തന്നെ വോട്ടുകള്‍ പോള്‍ ചെയ്യാപ്പെടാതെ പോയത് സി.പിഎമ്മിന് കിട്ടേണ്ടവയായിരുന്നുവെന്ന് വേണം കരുതാന്‍. ബി.ജെ.പിയാകട്ടെ യുവനേതാവ് രഞ്ജിത്തിനെ നിര്‍ത്തിയാണ് പോരാടിയത്. വോട്ട് വില്‍പന ആരോപണം എല്ലാക്കാലവും നേരിടാറുള്ള ബി.ജെ.പിക്ക് പക്ഷേ കണ്ണൂരില്‍ മുഖ്യശത്രു സി.പി.എമ്മായതുകൊണ്ട് തന്നെ അവരുടെ കുറേ വോട്ടുകള്‍ യു.ഡി.എഫിന് അനുകൂലമായി പോള്‍ ചെയ്യപ്പെട്ടിട്ടുണ്ടാകാന്‍ സാധ്യതയുണ്ട്.

ഇന്ന് കണ്ണൂരില്‍ നിര്‍ത്താവുന്ന ഏറ്റവും മികച്ച സ്ഥാനാര്‍ഥി തന്നെയായിരുന്നു സി.പി.എമ്മിനെ സംബന്ധിച്ച് എം.വി ജയരാജന്‍. മുമ്പ് രണ്ട് വട്ടം എടക്കാട് നിന്ന് എം.എല്‍.എയായിട്ടുള്ള ജയരാജനെ ഏറക്കുറേ അസാധ്യമായ ദൗത്യം തന്നെയാണ് പാര്‍ട്ടി ഏല്‍പിച്ചത്. നേരെ മറിച്ച് കോണ്‍ഗ്രസിലാകട്ടെ സ്ഥാനാര്‍ഥി മോഹികളെ ഒട്ടാകെ വെട്ടിയാണ് കെ.സുധാകരന് അബ്ദുള്ളക്കുട്ടിയുടെ പേര് ഹൈക്കമാന്‍ഡിനെ കൊണ്ട് അംഗീകരിപ്പിച്ചത്. ഡി.സി.സി. പ്രസിഡന്റ് പി രാമകൃഷ്ണന്‍, ഐ.എന്‍.ടി.യു.സി ജനറല്‍ സെക്രട്ടറി കെ.സുരേന്ദ്രന്‍, മുന്‍ ഡി.സി.സി പ്രസിഡന്റ് സണ്ണി ജോസഫ് അങ്ങനെ പലരേയും പിന്തള്ളിയാണ് അബ്ദുള്ളക്കുട്ടി രംഗത്തുവന്നത്.

കോണ്‍ഗ്രസില്‍ തന്നെ പലര്‍ക്കും ഇതില്‍ അമര്‍ഷമുണ്ടായിരുന്നു. കോണ്‍ഗ്രസിലെ ഈ അപസ്വരം മുതലാക്കാനും സി.പി.എം കിണഞ്ഞുശ്രമിച്ചു. പ്രകാശന്‍ മാസ്റ്ററുടെ നേതൃത്വത്തില്‍ എണ്ണയിട്ട യന്ത്രം പോലെയാണ് സിപി.എം പ്രവര്‍ത്തിച്ചത്. ഒരുപക്ഷേ സി.പി.എ കണ്ണൂര്‍ ജില്ലയില്‍ ഇത്രയധികം വാശിയോടെ തിരഞ്ഞെടുപ്പ് ഗോദയിലിറങ്ങിയത് 1987 ലാണ്. എം.വി രാഘവനെതിരെ. സി. കണ്ണന്‍ ഒരു തവണ ജയിച്ചത് ഒഴിച്ചാല്‍ കണ്ണൂരില്‍ എല്ലാത്തവണയും ജയം കോണ്‍ഗ്രസിനായിരുന്നു.

ആലപ്പുഴയും എറണാകുളവും അത്രകാര്യമാക്കാതെ കണ്ണൂരില്‍ മാത്രമാണ് സി.പി.എം എല്ലാ അടവുകളും പയറ്റിയത്. പലതുകൊണ്ടും വിവാദങ്ങളിലൂടെ ദേശീയ ശ്രദ്ധ തന്നെ ആകര്‍ഷിച്ച തിരഞ്ഞെടുപ്പായിരുന്നു. രാഷ്ട്രീയത്തിന്റെ നേരും നെറികേടും വിലയിരുത്തപ്പെട്ടു. വോട്ടര്‍മാരെ അപ്പാടെ കാമറയില്‍ പകര്‍ത്തി നടത്തിയ അപൂര്‍വ്വ തിരഞ്ഞെടുപ്പും കേരളത്തില്‍ ആദ്യത്തേതുമായിരുന്നു കണ്ണൂരില്‍ നടന്നത്. ബാരക്കിലിരിക്കുമെന്ന് സംസ്ഥാന മുഖ്യമന്ത്രി പറഞ്ഞ കേന്ദ്രസേനയുടെ കാവലിലാണ് ഓരോ ബൂത്തിലും വോട്ടിങ് നടന്നത്. വീട്ടുടമസ്ഥന്‍ അറിയാതെ സ്വന്തം വീട് വിലാസമാക്കി നാലും അഞ്ചും പേരുടെ പേര് വോട്ടര്‍പട്ടികയില്‍ കണ്ട് അന്തം വിട്ട വീട്ടുടമസ്ഥന്‍ ഉള്‍പ്പടെ ക്രമക്കേടുകളുടെ പട്ടിക തന്നെ തിരഞ്ഞെടുപ്പ് വേളയില്‍ ഉന്നയിക്കപ്പെട്ടു.

കഴിഞ്ഞ തവണത്തെ പട്ടികയില്‍ നിന്ന് 6386 പേര്‍ നീക്കം ചെയ്യപ്പെട്ടു. അതേ സമയം കുടിയേറ്റ വോട്ടായി ആക്ഷേപം വന്ന 7987 വോട്ടുകള്‍ ചേര്‍ക്കപ്പെട്ടു. ഇതിന് പുറമേ വ്യാജ വോട്ടര്‍മാരായി മുദ്രകുത്തിയ 893 പേരില്‍ 511 പേരും വോട്ട് ചെയ്തു. കഷ്ടിച്ച് ആയിരത്തില്‍ താഴെ വോട്ടുകള്‍ക്കാണ് ഏതെങ്കിലും സ്ഥാനാര്‍ഥി ജയിച്ചിരുന്നെങ്കില്‍ തിരഞ്ഞെടുപ്പ് കോടതി കയറുമെന്നുറപ്പായിരുന്നു. സി.പി.എമ്മിന് വേണ്ടി പ്രവര്‍ത്തിക്കുന്നുവെന്ന പരാതിയില്‍ കളക് ടര്‍ വി.കെ ബാലകൃഷ്ണനെ വരെ തിരഞ്ഞെടുപ്പ് കമ്മീഷന്‍ ഇടപെട്ട് മാറ്റിയ അവസ്ഥയുണ്ടായി. പകരം കളക്ടറുടെ നിയമകാര്യത്തില്‍ കമ്മീഷനും സംസ്ഥാന സര്‍ക്കാരും തമ്മില്‍ ഏറ്റുമുട്ടലിന്റെ വക്കിലെത്തിയിരുന്നു. ഇത്രയൊക്കെ അടവുകള്‍ പയറ്റിയിട്ടും

രണ്ട് തവണ എം.എല്‍.എയായ ജയരാജനും രണ്ട് തവണ എം.പിയായ അബ്ദുള്ളക്കുട്ടിയും തമ്മില്‍ അക്ഷരാര്‍ത്ഥത്തില്‍ നടന്നത് പൊരിഞ്ഞ പോരാട്ടമായിരുന്നു. ഓരോ വോട്ടും ഉറപ്പാക്കാന്‍ ഇരുവിഭാഗവും കച്ചകെട്ടിയിറങ്ങുകയായിരുന്നു. നേതാക്കളുടെയും പ്രവര്‍ത്തകരുടെയും വീറും വാശിയും ജനങ്ങളിലെത്തിയതിന്റെ പ്രതിഫലനമായിരുന്നു വോട്ടിങ് ശതമാനത്തിലെ വര്‍ധനവ്. സി.പി.എമ്മില്‍ നിന്ന് പുറത്താക്കപ്പെട്ട അബ്ദുള്ളക്കുട്ടിയെ തന്നെ നിര്‍ത്തി സി.പി.എമ്മിനിട്ട് പണികൊടുക്കുക എന്ന കോണ്‍ഗ്രസ് തന്ത്രമാണ്.

2006 ലെ നിയമസഭാ തിരഞ്ഞെടുപ്പില്‍ സുധാകരന്‍ നേടിയ 8613 വോട്ടിന്റെ ഭൂരിപക്ഷം മറികടക്കാനുള്ള തന്ത്രങ്ങള്‍ തിരഞ്ഞെടുപ്പ് പ്രഖ്യാപിക്കുന്നതിന് മുമ്പ് തന്നെ സി.പി.എം ആവിഷ്‌കരിച്ചിരുന്നു. സ്ഥലത്തില്ലാത്തും യു.ഡി.എഫിന് അനുകൂലമായതുമായ വോട്ടര്‍മാരെ കൃത്യമായി കണ്ടെത്തി പട്ടികയില്‍ നീക്കാന്‍ സി.പി.എമ്മിന് കഴിഞ്ഞിരുന്നു. ലോക്‌സഭാ തിരഞ്ഞെടുപ്പിലെ തോല്‍വിക്ക് പിന്നാലെ തന്നെ സി.പി.എം ഓപ്പറേഷന്‍ കണ്ണൂര്‍ ആസൂത്രണം ചെയ്തിരുന്നു. തങ്ങളുടെ വോട്ടര്‍മാരെ കൃത്യമായി പട്ടികയില്‍ ചേര്‍ത്ത് അവര്‍ വളരെ നേരത്തെ തയാറെടുപ്പ് പൂര്‍ത്തിയാക്കി. 2006 ലെ 8613 വോട്ട് സി.പി.എ ടാര്‍ജറ്റാക്കിയപ്പോള്‍ ലോക്‌സഭാ തിരഞ്ഞെടുപ്പില്‍ സുധാകരന് കിട്ടിയ 23,000 വോട്ടിന്റെ ഭൂരിപക്ഷമായിരുന്നു യു.ഡി.എഫിന് ആദ്യവസാനം ആത്മവിശ്വാസം പകര്‍ന്നത്.

കടപ്പാട്- മാതൃഭൂമി

മണ്ണും വെള്ളവും വായുവും അന്യമാകുന്ന നാളെയെപറ്റി....

2009-11-04T05:13:00.000-08:00

ശ്രീ അബ്ദുള്ള കുട്ടിയുടെ യുക്തിചിന്ത

2009-10-09T06:42:00.000-07:00

ചന്ദ്രനിലെ ജലസാന്നിധ്യം

2009-09-23T23:24:00.000-07:00

ചന്ദ്രനിലെ ജലസാന്നിധ്യം: നാസ ഇന്ന് സ്ഥിരീകരിക്കും

Posted on: 23 Sep 2009

മുംബൈ: ഇന്ത്യയുടെ പ്രഥമ ചന്ദ്രപര്യവേഷണ വാഹനം ചന്ദ്രയാന്‍-1 ചന്ദ്രോപരിതലത്തില്‍ ജലാംശം കണ്ടെത്തിയെന്ന വിലപ്പെട്ട വിവരം ശാസ്ത്രലോകം സ്ഥിരീകരിച്ചു. നാസയിലെ ശാസ്ത്രജ്ഞനായ അമിതാഭ ഘോഷാണ് ഇന്ത്യയിലെ വിവിധ ടി.വി. ചാനലുകള്‍ക്ക് നല്‍കിയ ടെലിഫോണ്‍ അഭിമുഖത്തില്‍ ഈ വിവരം സ്ഥിരീകരിച്ചത്. നൂറ്റാണ്ടിന്റെ കണ്ടെത്തല്‍ എന്നാണ് ഘോഷ് ഈ നേട്ടത്തെ വിലയിരുത്തിയത്. നേരത്തെ നാസയുടെ ഉപഗ്രഹങ്ങളായ ലൂണാര്‍ റിക്കൊണൈസന്‍സ് ഓര്‍ബിറ്ററും ലൂണാര്‍ ക്രേറ്റര്‍ ഒബ്‌സര്‍വേഷന്‍ ആന്‍ഡ് സെന്‍സിങ് സാറ്റലൈറ്റും ചന്ദ്രനിലെ ജലസാന്നിധ്യത്തിന്റെ സൂചനകള്‍ നല്‍കിയിരുന്നെങ്കിലും നാസ ഇക്കാര്യം ഇതുവരെ സ്ഥിരീകരിച്ചിരുന്നില്ല.

ചന്ദ്രയാനില്‍ നിന്നു ലഭിച്ച പുതിയ വിവരങ്ങള്‍ ഈ പഴയ ഡാറ്റയുമായി ഒത്തുനോക്കിയശേഷമാണ് നാസ ജലസാന്നിധ്യം ഉറപ്പിച്ചതെന്ന് ഘോഷ് പറഞ്ഞു. ചന്ദ്രയാന്റെ പ്രോജക്റ്റ് ഡയറക്ടറായിരുന്ന ഐ.എസ്.ആര്‍.ഒ ശാസ്ത്രജ്ഞന്‍ മയില്‍സ്വാമിയെ ഉദ്ധരിച്ച് ഇംഗ്ലണ്ടിലെ ടൈംസ് ദിനപത്രവും ജലസാന്നിധ്യം കണ്ടെത്തിയ വാര്‍ത്ത റിപ്പോര്‍ട്ട് ചെയ്തിട്ടുണ്ട്. എന്നാല്‍, ചന്ദ്രയാന്‍ ചന്ദ്രോപരിതലത്തില്‍ ജലസാന്നിധ്യം കണ്ടെത്തിയെന്ന വാര്‍ത്ത സ്ഥിരീകരിക്കാന്‍ ഐ.എസ്.ആര്‍.ഒ ചെയര്‍മാന്‍ ഡോ. ജി. മാധവന്‍ നായര്‍ തയ്യാറായിട്ടില്ല.

ഇക്കാര്യത്തില്‍ നാസയുടെ ഔദ്യോഗിക സ്ഥിരീകരണം ഇന്നുണ്ടാകും. ഇന്ന് വൈകീട്ട് നാസ ഒരു പത്രസമ്മേളനം വിളിച്ചുചേര്‍ത്തിട്ടുണ്ട്. വാഷിംഗ്ടണിലെ നാസയുടെ ആസ്ഥാനത്ത് മൂണ്‍ മിനറോളജി മാപ്പര്‍ നിരീക്ഷിക്കുന്ന ബ്രൗണ്‍ സര്‍വ്വകലാശാലയിലെ സംഘത്തിന്റെ മേധാവിയും പ്രശസ്ത ചാന്ദ്ര ശാസ്ത്രജ്ഞയുമായ കാര്‍ലെ പീറ്റേഴ്‌സാണ് വ്യാഴാഴ്ച വാര്‍ത്താ സമ്മേളനം നടത്തുന്നത്. വാര്‍ത്താസമ്മേളനത്തിന്റെ ഉള്ളടക്കം എന്താണന്ന് വ്യക്തമാക്കാന്‍ തയ്യാറാകാത്ത ബ്രൗണ്‍ സര്‍വ്വകലാശാല വക്താവ് അത് ഒരു പ്രധാനപ്പെട്ട പ്രഖ്യാപനമായിരിക്കുമെന്നും, ചന്ദ്രയാനെ അത് മഹത്തരമാക്കുമെന്നും മാത്രമാണ് വെളിപ്പെടുത്തിയത്.

ചന്ദ്രയാനില്‍ ഘടിപ്പിച്ചിരുന്ന നാസയുടെ മൂണ്‍ മിനറോളജി മാപ്പര്‍ ചന്ദ്രോപരിതലത്തിലെ ജലാംശം കണ്ടെത്തിയത്. നേര്‍ത്ത പാളിയായാണ് ജലസാന്നിധ്യം മൂണ്‍ മാപ്പറില്‍ പതിഞ്ഞത്. ഇതോടെ വര്‍ഷങ്ങളായുള്ള ശാസ്ത്രലോകത്തിന്റെ നിരന്തരമായ അന്വേഷണത്തിനാണ് ഫലപ്രാപ്തിയാകുന്നത്. ഇതിന് വഴിയൊരുക്കിയത് ഒരു ഇന്ത്യന്‍ ഉപഗ്രഹമായത് ഇന്ത്യന്‍ ശാസ്ത്രലോകത്തിനും ചരിത്രനേട്ടമായി.

ചന്ദ്രയാന്റെ ഏറ്റവും പ്രധാനപ്പെട്ട ദൗത്യം തന്നെ ചന്ദ്രനിലെ ജലസാന്നിധ്യം കണ്ടെത്തുകയായിരുന്നു. ഭൗമനിലയവുമായുള്ള ബന്ധം പൂര്‍ണമായും നഷ്ടപ്പെട്ടതിനെത്തുടര്‍ന്ന് ആഗസ്തില്‍ ചന്ദ്രയാന്റെ ദൗത്യം അവസാനിച്ചിരുന്നു. രണ്ടുവര്‍ഷം ലക്ഷ്യമിട്ട ദൗത്യം കാലാവധിക്ക് ഒരു വര്‍ഷവും 55 ദിവസവും മുമ്പ് നിര്‍ത്തേണ്ടിവന്നെങ്കിലും ചന്ദ്രയാന്‍ ഉദ്ദേശ്യലക്ഷ്യങ്ങളില്‍ നൂറ് ശതമാനവും പൂര്‍ത്തിയാക്കിയതായി ഐ.എസ്.ആര്‍.ഒ ചെയര്‍മാന്‍ ജി. മാധവന്‍നായര്‍ പറഞ്ഞു. ചന്ദ്രനിലെ ജലസാന്നിധ്യം സംബന്ധിച്ച വിവരങ്ങള്‍ ഈയാഴ്ച ലഭിക്കും എന്നു മാത്രമാണ് അദ്ദേഹം പറഞ്ഞത്. ചന്ദ്രോപരിതലത്തെക്കുറിച്ച് പഠിക്കാനായി 2008 ഒക്ടോബര്‍ 22ന് ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍ നിന്നാണ് ചന്ദ്രയാന്‍- 1 വിക്ഷേപിച്ചത്.

മാതൃഭൂമി വാര്ത്ത

അനുസരിക്കുന്ന പന്ത്

2009-09-13T07:21:00.000-07:00

കമല സുരയ്യക്ക് ആദരാഞ്ജലികള്‍

2009-05-30T18:51:00.000-07:00

മലയാളിയുടെ പ്രിയപ്പെട്ട കഥാകാരി കമല സുരയ്യക്ക് ആദരാഞ്ജലികള്‍

കമല സുരയ്യ അന്തരിച്ചു

More Photos
പുണെ: മലയാളിയുടെ വായനാലോകത്ത്‌ സര്‍ഗ്ഗാത്മതകതയുടെ പുതുവസന്തം തീര്‍ത്ത എഴുത്തുകാരി കമല സുരയ്യ(75) അന്തരിച്ചു. പുണെയിലെ ജഹാങ്കീര്‍ ആസ്‌പത്രിയില്‍ ഞായറാഴ്‌ച പുലര്‍ച്ചെ രണ്ടുമണിയോടെയായിരുന്നു അന്ത്യം. ഏറെക്കാലമായി അസുഖബാധിതയായ കമല ഒരുമാസമായി ആസ്‌പത്രിയില്‍ വെന്റിലേറ്ററിലായിരുന്നു.

മാധവിക്കുട്ടി എന്ന പേരില്‍ മലയാളത്തില്‍ ചെറുകഥകളും നോവലുകളും കമലാദാസ്‌ എന്നപേരില്‍ ഇംഗ്ലീഷില്‍ കവിതകളുമെഴുതി രണ്ടുഭാഷകളിലും ഏറെ ആരാധകരെ നേടിയ വ്യക്തിത്വമായിരുന്നു കമലയുടേത്‌.

ബാല്യകാലസ്‌മരണകള്‍, നീര്‍മാതളം പൂത്ത കാലം, പക്ഷിയുടെ മണം, യാ അല്ലാഹ്‌ എന്നിവയാണ്‌ പ്രധാനകൃതികള്‍. ധീരമായ തുറന്നുപറച്ചിലുകള്‍ കൊണ്ട്‌ വിവാദം സൃഷ്‌ടിച്ച 'എന്റെ കഥ' എന്ന ആത്മകഥയും കമലയുടേതായി പുറത്തിറങ്ങി. കേരള സാഹിത്യ അക്കാദമി അവാര്‍ഡ്‌, വയലാര്‍ അവാര്‍ഡ്‌, എഴുത്തച്ഛന്‍ അവാര്‍ഡ്‌ തുടങ്ങി ഒട്ടേറെ പുരസ്‌കാരങ്ങള്‍ നേടിയിട്ടുണ്ട്‌. കേരള സാഹിത്യ അക്കാദമി വൈസ്‌ ചെയര്‍പേഴ്‌സണ്‍, സംസ്ഥാന ഫോറസ്‌ട്രി ബോര്‍ഡ്‌ ചെയര്‍പേഴ്‌സണ്‍, കേരള ചില്‍ഡ്രന്‍സ്‌ ഫിലിം സൊസൈറ്റി പ്രസിഡന്റ്‌ എന്നീ നിലകളിലും നപ്രവര്‍ത്തിച്ചു.

1999ല്‍ ഇസ്ല്‌ളാംമതവും കമല സുരയ്യ എന്ന പുതിയ പേരും സ്വീകരിച്ച കമലയുടെ തീരുമാനം ഏറെ വിവാദങ്ങളുയര്‍ത്തിയിരുന്നു. രണ്ടുവര്‍ഷം മുമ്പ്‌ കൊച്ചിയില്‍ നിന്ന്‌ ഇളയമകന്‍ ജയസൂര്യയുടെ വസതിയിലേക്ക്‌ താമസം മാറ്റുകയായിരുന്നു.

മാതൃഭൂമി മുന്‍ മാനേജിങ്‌ എഡിറ്റര്‍ വി.എം. നായരുടെയും കവയിത്രി ബാലാമണി അമ്മയുടെയും മകളാണ്‌. ഭര്‍ത്താവ്‌ പരേതനായ എം.കെ. ദാസ്‌. മക്കള്‍: മാതൃഭൂമി മുന്‍പത്രാധിപര്‍ എം.ഡി. നാലപ്പാട്‌, ചിന്നന്‍, ജയസൂര്യ.

14 വര്‍ഷത്തെ താമസത്തിനുശേഷം 2007 ജനുവരിയിലായിരുന്നു കമലാ സുരയ്യ കൊച്ചിയോട്‌ വിടപറഞ്ഞത്‌. കടവന്ത്രയിലെ റോയല്‍ സ്‌റേഡിയം മാന്‍ഷന്‍ ഫ്‌ളാറ്റില്‍ നിന്ന്‌ ഇളയ മകന്‍ ജയസൂര്യയ്‌ക്കൊപ്പം പൂനയിലെ ഫ്‌ളാറ്റിലേക്കായിരുന്നു കമലാസുരയ്യ പോയത്‌. പുണെയില്‍ മീഡിയ കണ്‍സള്‍ട്ടന്റായി ജോലിചെയ്യുന്ന ജയസൂര്യയുടെ ഫ്‌ലാറ്റിലെ മുകളിലത്തെ നിലയിലെ ഫ്‌ളാറ്റിലായിരുന്നു കമലാ സുരയ്യയുടെ ജീവിതം.

മതിലുകള്‍, നരിച്ചീറുകള്‍ പറക്കുമ്പോള്‍, തരിശുനിലം, എന്റെ സ്‌നേഹിത അരുണ, ചുവന്ന പാവാട, പക്ഷിയുടെ മണം, തണുപ്പ്‌, മാനസി, മാധവിക്കുട്ടിയുടെ തിരഞ്ഞെടുത്ത കഥകള്‍, എന്റെ കഥ, ബാല്യകാലസ്‌മരണകള്‍, വര്‍ഷങ്ങള്‍ക്കുമുമ്പ്‌, ചന്ദനമരങ്ങള്‍, മനോമി, ഡയറിക്കുറിപ്പുകള്‍, നീര്‍മാതളം പൂത്ത കാലം, ചേക്കേറുന്ന പക്ഷികള്‍, ഒറ്റയടിപ്പാത, മാധവിക്കുട്ടിയുടെ മൂന്നു നോവലുകള്‍, നഷക്കടപ്പെട്ട നിലാംഭഭരി, അമാവാസി (കെ. എല്‍. മോഹനവര്‍മ്മയോടൊത്ത്‌), കവാടം (സുലോചനയോടൊത്ത്‌) സമ്മര്‍ ഹൗസ്‌, കലക്‌ടഡ്‌ പോയംസ്‌ തുടങ്ങിയ ഇംഗ്ലീഷ്‌ കവിതാസമാഹാരങ്ങളുമാണ്‌ പ്രധാന രചനകള്‍. അവയില്‍ ചിലതിന്റെ മലയാള വിവര്‍ത്തനങ്ങളും പ്രസിദ്ധീകരിച്ചു. ഓണ്‍ലി ദി സോള്‍ നോസ്‌ ഹൗ റ്റു സിങ്‌ 1996 ഒക്‌ടോബറില്‍ ഡി.സി. ബുക്‌സ്‌ പ്രസിദ്ധപ്പെടുത്തി. എന്റെ കഥ 15 വിദേശഭാഷകളിലേക്ക്‌ വിവര്‍ത്തനം ചെയ്യപ്പെട്ടിട്ടുണ്ട്‌.

1984 ല്‍ സാഹിത്യത്തിനുള്ള നോബല്‍ സമ്മാനത്തിന്‌ നാമനിര്‍ദേശം ചെയ്യപ്പെട്ടു. 99 ല്‍ ഇസ്ല്‌ളാം മതം സ്വീകരിച്ചു.

1964ല്‍ ഏഷ്യന്‍ പോയട്രി പ്രൈസ്‌ (ദി സൈറന്‍സ്‌), 1965ലെ ഏഷ്യന രാജയങ്ങളിലെ ഇംഗ്ലിഷ്‌ കൃതികള്‍ക്കുളള കെന്റ്‌ അവാര്‍ഡ്‌ (സമ്മര്‍ ഇന്‍ കല്‍ക്കത്ത), ആശാന്‍ വേള്‍ഡ്‌ പ്രൈസ്‌, അക്കാദമി പുരസ്‌കാരം (കലക്‌ടഡ്‌ പോയംസ്‌) എന്നിവ ലഭിച്ചു. 1969ല്‍ കേരള സാഹിത്യ അക്കാദമിയുടെ ചെറുകഥയ്‌ക്കുളള അവാര്‍ഡ്‌ (തണുപ്പ്‌) നേടി. നഷ്‌ടപ്പെട്ട നിലാംബരിക്ക്‌ 1969ലേ എന്‍.വി. പുരസ്‌കാരം രഭിച്ചു. 1997ല്‍ നിര്‍മാതളം പൂത്ത കാലം എന്ന കൃതിക്ക്‌ വയലാര്‍ അവാര്‍ഡും ലഭിച്ചിട്ടുണ്ട്‌.

ഇലസ്‌ട്രേറ്റഡ്‌ വീക്കിലി ഒഫ്‌ ഇന്ത്യയുടെ പോയട്രി എഡിറ്റര്‍, കേരള ചില്‍ഡ്രന്‍സ്‌ ഫിലിം സൊസൈറ്റി പ്രസിഡന്റ്‌, കേരള പോറസ്‌റ്ററി ബോരഡ്‌ ചെയര്‍മാന്‍, ''പോയറ്റ്‌'' മാസികയുടെ ഓറിയന്റ്‌ എഡിറ്റര്‍ എന്നീ പ്രമുഖ സ്‌ഥാനങ്ങള്‍ വഹിച്ചിരുന്നു. ''ബഹുതന്ത്രി''യുടെ സ്‌ഥാപക. ശ്രിലങ്ക, ഓസ്‌ട്രേലിയ, ജര്‍മനി, സിങ്കപ്പൂര്‍, മസ്‌കറ്റ്‌, അമേരിക്ക, വെസ്‌റ്റിന്‍ഡീസ്‌ എന്നീ വിദേശ രാജയങ്ങള്‍ സന്ദര്‍ശിച്ചിട്ടുണ്ട്‌.

മാതൃഭൂമി വാര്‍ത്ത.

അതിവേഗ വയര്‍ലെസ്‌ ഇന്റര്‍നെറ്റ്‌

2009-05-07T00:23:00.000-07:00

റിലയന്‍സ്‌ കമ്യൂണിക്കേഷന്‍സ്‌ ലിമിറ്റഡിന്റെ അതിവേഗ വയര്‍ലെസ്‌ ബ്രോഡ്‌ബാന്‍ഡ്‌ സര്‍വീസായ 'നെറ്റ്‌കണക്ട്‌ ബ്രോഡ്‌ബാന്‍ഡ്‌ പ്ലസ്‌' വിപണിയില്‍ അവതരിപ്പിച്ചു.

3.1 എം.ബി.പി.എസ്‌. വേഗതയുള്ള ഈ ബ്രോഡ്‌ബാന്‍ഡ്‌ സര്‍വീസ്‌ കേരളത്തില്‍ കൊച്ചിയിലും തിരുവനന്തപുരത്തുമാണ്‌ ആദ്യഘട്ടത്തില്‍ ലഭ്യമാവുക. മറ്റ്‌ ജില്ലകളിലേക്കും താമസിയാതെ സേവനം വ്യാപിപ്പിക്കുമെന്ന്‌ റിലയന്‍സ്‌ കമ്യൂണിക്കേഷന്‍സ്‌ ലിമിറ്റഡ്‌ കേരള സി.ഇ.ഒ. ചെറിയാന്‍ പീറ്റര്‍ പറഞ്ഞു.

കേരളത്തിലുള്‍പ്പെടെ രാജ്യത്തെ 35 നഗരങ്ങളിലാണ്‌ പദ്ധതി തുടക്കമിടുന്നത്‌. ഉയര്‍ന്ന ഡൗണ്‍ലിങ്ക്‌ വേഗതയ്‌ക്കൊപ്പം മികച്ച ബ്രൗസിങ്‌ നിലവാരവും പദ്ധതിയുടെ നേട്ടങ്ങളായി കമ്പനി അവതരിപ്പിക്കുന്നു. ലാപ്‌ടോപ്പിലും ഡെസ്‌ക്‌ ടോപ്പിലുമിത്‌ ഒരേപോലെ ഉപയോഗിക്കാം. പ്രതിമാസ വരിസംഖ്യാ നിരക്ക്‌ 299 രൂപയാണ്‌.

ഏകദേശം 15 ദശലക്ഷം ഉപഭോക്താക്കളെയാണ്‌ കമ്പനി ലക്ഷ്യമിടുന്നത്‌. ആദ്യഘട്ടത്തില്‍തന്നെ 99 ശതമാനം ഇന്റര്‍നെറ്റ്‌ ഉപഭോക്താക്കളിലും ചെന്നെത്താനാണ്‌ ഉദ്ദേശിക്കുന്നതെന്ന്‌ ചെറിയാന്‍ പീറ്റര്‍ പറഞ്ഞു.

രാജ്യത്തെ ഐ.ടി. റീട്ടെയില്‍ ഔട്ട്‌ലെറ്റുകള്‍, റിലയന്‍സ്‌ കമ്യൂണിക്കേഷന്‍സ്‌ സ്റ്റോറുകള്‍, റിലയന്‍സ്‌ ശാഖകള്‍ തുടങ്ങിയവ വഴി നെറ്റ്‌ കണക്ട്‌ ബ്രോഡ്‌ബാന്‍ഡ്‌ പ്ലസ്‌ ലഭ്യമാകും.

സെയില്‍സ്‌ ആന്‍ഡ്‌ മാര്‍ക്കറ്റിങ്‌ വിഭാഗം മേധാവി രാധാകൃഷ്‌ണന്‍ വേലായുധന്‍ പിള്ളയ്‌ക്ക്‌ നല്‍കിക്കൊണ്ട്‌ ചെറിയാന്‍ പീറ്റര്‍ പദ്ധതി ഉദ്‌ഘാടനം ചെയ്‌തു.

മാതൃഭൂമി വാര്‍ത്ത.

സംസ്ഥാന പാഠ്യപദ്ധതിയോട്‌ താത്‌പര്യം കുറയുന്നു

2009-05-01T20:57:00.000-07:00

സംസ്ഥാന പാഠ്യപദ്ധതിയോട്‌ താത്‌പര്യം കുറയുന്നു

കഴിഞ്ഞവര്‍ഷം കുറഞ്ഞത്‌ എണ്‍പതിനായിരത്തിലേറെ വിദ്യാര്‍ഥികള്‍

തിരുവനന്തപുരം: കേരളത്തിലെ രക്ഷിതാക്കള്‍ക്കും വിദ്യാര്‍ഥികള്‍ക്കും സംസ്ഥാന പാഠ്യപദ്ധതിയോടുള്ള താത്‌പര്യം വര്‍ഷംതോറും കുറഞ്ഞുവരുന്നു. 2009 വരെയുള്ള ഒരു വ്യാഴവട്ടക്കാലത്തിനുള്ളില്‍ സംസ്ഥാനത്തെ സര്‍ക്കാര്‍, എയ്‌ഡഡ്‌ മേഖലകളിലെ സ്‌കൂളുകളില്‍നിന്നും പത്തുലക്ഷത്തോളം കുട്ടികള്‍ കുറഞ്ഞതായാണ്‌ കണക്കുകള്‍ സൂചിപ്പിക്കുന്നത്‌. എണ്ണം ഓരോ വര്‍ഷവും ക്രമാനുഗതമായി കുറഞ്ഞാണ്‌ ആശങ്കാജനകമായ ഈ നിലയിലെത്തി നില്‍ക്കുന്നത്‌. 2008-09 വര്‍ഷംമാത്രം സംസ്ഥാന സിലബസ്‌ പഠിക്കുന്ന കുട്ടികളില്‍ വന്ന കുറവ്‌ 80,000 ആണ്‌.
സംസ്ഥാന പാഠ്യപദ്ധതി വിടുന്ന കുട്ടികളുടെ എണ്ണം ഏറ്റവും പ്രകടമാകുന്നത്‌ തിരുവനന്തപുരം, എറണാകുളം, തൃശ്ശൂര്‍ ജില്ലകളിലെ നഗരപരിധിയില്‍പ്പെട്ട സ്‌കൂളുകളിലാണ്‌. തിരുവനന്തപുരത്ത്‌ കഴിഞ്ഞവര്‍ഷം 11,168 പേരും എറണാകുളത്ത്‌ 12,844 പേരും തൃശ്ശൂരില്‍ 10,858 പേരും കുറഞ്ഞു. എന്നാല്‍, വയനാട്‌ ജില്ലയില്‍ 412 വിദ്യാര്‍ഥികള്‍ സര്‍ക്കാര്‍ സ്‌കൂളുകളില്‍ വര്‍ധിച്ചതായാണ്‌ കണക്ക്‌. ആലപ്പുഴ ജില്ലയിലും സര്‍ക്കാര്‍ പാഠ്യപദ്ധതിക്ക്‌ അനുകൂലമായ നേരിയ മാറ്റം കണ്ടുതുടങ്ങുന്നുണ്ട്‌.
സംസ്ഥാന പാഠ്യപദ്ധതി പിന്തുടരുന്ന സ്‌കൂളുകളില്‍ ഒന്നാംക്ലാസില്‍ ചേരുന്ന വിദ്യാര്‍ഥികളുടെ എണ്ണത്തിലും പ്രകടമായ കുറവുണ്ട്‌. 1998-99ല്‍ 4,64,925 കുട്ടികള്‍ ഒന്നില്‍ ചേര്‍ന്നപ്പോള്‍ 2008-09ല്‍ ഇത്‌ 3,73,807 ആയി കുറഞ്ഞു. എന്നാല്‍ സി.ബി.എസ്‌.ഇ., ഐ.സി.എസ്‌.ഇ. തുടങ്ങിയ കേന്ദ്രസിലബസുകള്‍ പഠിപ്പിക്കുന്ന സ്‌കൂളുകളിലെ പ്രവേശനനിരക്ക്‌ ഉയരുന്നുണ്ട്‌. 1998-99ല്‍ 160 സി.ബി.എസ്‌.ഇ. സ്‌കൂളുകള്‍ ഉണ്ടായിരുന്ന സ്ഥാനത്ത്‌ ഇന്നത്‌ അറുനൂറ്‌ കവിയും.
അതേസമയം, കേന്ദ്ര സിലബസ്സിലേക്ക്‌ കുട്ടികള്‍ മാറുന്നതുകൊണ്ടുമാത്രമല്ല സംസ്ഥാന പാഠ്യപദ്ധതിയില്‍ കുട്ടികള്‍ കുറയുന്നത്‌ എന്നതും കണക്കിലെടുക്കണം. കുട്ടികളുടെ എണ്ണത്തിലും ജനനനിരക്കിലും വര്‍ഷംതോറും വരുന്ന കുറവും ഒരു ഘടകമാണ്‌.

തുടര്‍ന്നു ഇവിടെ നിന്നും വായിക്കാം.

http://www.mathrubhumi.com/php/showParam.php?pmCat=12552&Fdate=&Farc=

കടപ്പാട്-മാതൃഭൂമി

അഭയക്കേസ്‌ വഴിത്തിരിവില്‍: വൈദികരും കന്യാസ്‌ത്രീയും അറസ്റ്റില്‍

2008-11-19T00:08:00.000-08:00

കൊച്ചി: അഭയക്കേസിന്റെ ചുരുളഴിയുന്നു. കേസ്‌ അന്വേഷിക്കുന്ന സി.ബി.ഐയുടെ പുതിയ സംഘം രണ്ട്‌ വൈദികരെയും ഒരു കന്യാസ്‌ത്രീയേയും അറസ്റ്റ്‌ ചെയ്‌തു. തോമസ്‌ എം കോട്ടൂര്‍, ജോസ്‌ പുതൃക്ക എന്നീ വൈദികരും സെഫിയെന്ന കന്യാസ്‌ത്രീയെയുമാണ്‌ കസ്റ്റഡിയിലെടുത്തത്‌.
ഇതാദ്യമായാണ്‌ കേരളത്തില്‍ ഏറെ വിവാദമായ ഈ കേസില്‍ അറസ്റ്റ്‌ നടക്കുന്നത്‌.

ഇന്നലെ വൈകുന്നേരം കോട്ടയത്ത്‌ നിന്നാണ്‌ സി.ബി.ഐ സംഘം വൈദികരെ കസറ്റഡിയിലെടുത്തത്‌. സിസ്റ്റര്‍ സെഫിയെ ഇന്ന്‌ രാവിലെയുമാണ്‌ അറസ്റ്റ്‌ ചെയ്‌തത്‌. ഉച്ചയ്‌ക്ക്‌ ശേഷം ഇവരെ കോടതിയില്‍ ഹാജരാക്കും. രാവിലെ 11 മണിയോടെ സി.ബി.ഐ ഇവരുടെ അറസ്‌റ്റ്‌ രേഖപ്പെടുത്തി. കോട്ടയം രൂപതാ ചാന്‍സലറാണ്‌ തോമസ്‌ കോട്ടൂര്‍ ഇപ്പോള്‍

കേസ്‌ നേരത്തെ അന്വേഷിച്ച സി.ബി.ഐ സംഘം ഇവര്‍ രണ്ട്‌ പേരെയും നാര്‍ക്കോ അനാലിസിസ്‌ പരിശോധനയ്‌ക്ക്‌ വിധേയമാക്കിയിരുന്നു. കഴിഞ്ഞ ദിവസം സി.ബി.ഐ സംഘത്തിന്‌ സിസ്‌റ്റര്‍ അഭയ താമസിച്ചിരുന്ന പയസ്‌ ടെന്‍ത്‌ കോണ്‍വെന്റിന്‌ സമീപം താമസിച്ചിരുന്ന സഞ്‌ജു പി മാത്യു എന്നയാള്‍ നല്‍കിയ മൊഴിയാണ്‌ നിര്‍ണായകമായത്‌. സിസ്‌റ്റര്‍ അഭയ കൊല്ലപ്പെടുന്ന സമയത്ത്‌ സഞ്‌ജു കോളജ്‌ വിദ്യാര്‍ഥിയായിരുന്നു. ഇയാളുടെ മൊഴിയെ തുടര്‍ന്നാണ്‌ സി.ബി.ഐ ഇപ്പോള്‍ രണ്ട്‌ വൈദികരെ അറസ്‌റ്റ്‌ ചെയ്‌തത്‌.

സിസ്റ്റര്‍ അഭയ കൊല്ലപ്പെട്ടിട്ട്‌ 16 വര്‍ഷമായി. ഇതിനോടകം ഏഴ്‌ അന്വേഷണ സംഘങ്ങള്‍ അന്വേഷിച്ചിട്ടും കേസ്‌ എങ്ങുമെത്താത്ത അവസ്ഥയില്‍ നീളുകയായിരുന്നു. കേസ്‌ അന്വേഷിക്കുന്നതില്‍ സി.ബി.ഐക്ക്‌ ആത്മാര്‍ത്ഥതയില്ലെന്ന്‌ കോടതി തന്നെ രൂക്ഷമായ ഭാഷയില്‍ അഭിപ്രായപ്പെട്ടിരുന്നു.

ഡി.വൈ.എസ്‌.പി കെ നന്ദകുമാരന്‍ നായരുടെ നേതൃത്വത്തിലുള്ള പുതിയ സംഘമാണ്‌ ഇപ്പോള്‍ കേസ്‌ അന്വേഷിക്കുന്നത്‌

മാതൃഭൂമി വാര്‍ത്ത

പുരുഷന് സ്ത്രീയുടെ ഇരട്ടി ബുദ്ധി-കാന്തപുരം പറഞ്ഞത്.

2008-11-02T07:41:00.000-08:00

ഏഷ്യാനെറ്റിന്‍റെ‘ ഓണ്‍ റിക്കാര്‍ഡ് ‘പരിപാടിയില്‍. ബഹു: കാന്തപുരം എ.പി.അബൂബക്കര്‍ മുസ്ലിയാര്‍പറഞ്ഞത് കേട്ടു നോക്കൂ ... .
നിങ്ങള്‍ക്കെന്ത് തോന്നുന്നു സുഹൃത്തുക്കളെ?

'മോനേക്കാള്‍ വലുത്‌ രാജ്യാണ്‌....' - ഫയാസിന്റെ ഉമ്മ

2008-10-26T01:53:00.000-07:00

കണ്ണൂര്‍: 'ഓന്‍ നമ്മുടെ രാജ്യത്തിനെതിരെ പ്രവര്‍ത്തിച്ചെങ്കില്‍ ശിക്ഷ അനുഭവിക്കണം. നമ്മക്ക്‌ മോനേക്കാള്‍ വലുത്‌ രാജ്യാണ്‌....ഒരുമ്മക്കും ഇനി ഈ ഗതി വരരുത്‌'. ഇത്‌ പറയുമ്പോള്‍ കശ്‌മീരില്‍ ഏറ്റുമുട്ടലില്‍ കൊല്ലപ്പെട്ട കണ്ണൂര്‍ മൈതാനപ്പള്ളി സ്വദേശി മുഹമ്മദ്‌ ഫയാസിന്റെ ഉമ്മ സഫിയയുടെ കണ്ണ്‌ നിറഞ്ഞു. ഒരു തീവ്രവാദിയുടെ ഉമ്മയെന്ന്‌ ആള്‍ക്കാര്‍ പറയുകയും കാണുകയും ചെയ്യുമ്പോള്‍ സഹിക്കാന്‍ പറ്റ്വോ? അവര്‍ പറഞ്ഞു.

തയ്യില്‍ മൈതാനപ്പള്ളിയിലെ വീട്ടില്‍ കശ്‌മീര്‍ താഴ്‌വരയില്‍ കൊല്ലപ്പെട്ട മകന്റെ വിധിയോര്‍ത്ത്‌ കണ്ണീര്‍ വാര്‍ക്കുകയാണുമ്മ. ഓന്റെ മയ്യത്ത്‌ എനിക്ക്‌ കാണണംന്നില്ല. ഖബറടക്കുന്ന സമയം പറയാമെന്ന്‌ പോലീസ്‌ പറഞ്ഞിട്ടുണ്ട്‌. അത്‌ മതി -അവര്‍ പറഞ്ഞു.

ചെറുപ്പത്തിലേ ഓനെ നല്ലനിലയിലാണ്‌ പോറ്റിയത്‌. സിറ്റി സ്‌കൂളില്‍ എട്ടാം ക്ലാസ്‌ വരെയേ ഫയാസ്‌ പഠിച്ചിട്ടുള്ളൂ. രാത്രിനേരം വൈകി വീട്ടിലെത്തിയാല്‍ ഞാന്‍ വാതില്‌ തൊറന്ന്‌കൊടുക്കാറില്ല. അത്ര ശ്രദ്ധിച്ചിരുന്നു. പൊറത്തെ കൂട്ടുകെട്ടൊന്നും എനക്ക്‌ അറിയില്ല -അവര്‍ പറഞ്ഞു.

അവന്‍ ആരുടെയോ മാല പൊട്ടിച്ച വിവരം അറിഞ്ഞ്‌ ഞെട്ടിപ്പോയി. രണ്ടുമാസം തലശ്ശേരി ജയിലിലായിരുന്നു. ജയിലിലെ കൂട്ടാണെന്ന്‌ തോന്നുന്ന്‌ പിന്നെയാകെ മാറി. ഒന്നും പറഞ്ഞാ കേക്കില്ല. അപ്പോഴാണ്‌ ഈ ഫൈസലുമായി കൂട്ടുകൂടുന്നത്‌. ഓനാ എന്റെ മോനെ ബാംഗ്ലൂരിലേക്ക്‌ കൊണ്ടോയത്‌. ഒരു നോമ്പ്‌ അത്താഴത്തിന്റെ സമയം രാത്രിയാണ്‌ ഫൈസല്‍ വീട്ടിലെത്തിയത്‌. എന്തെങ്കിലും പണിയെടുത്ത്‌ നാട്ടില്‍ കയിഞ്ഞാമതീന്ന്‌ കൊറേ പറഞ്ഞുനോക്കി, കേട്ടില്ല. പിന്നെ വിചാരിച്ചു, മാല പൊട്ടിച്ച കേസിന്റെ നാണക്കേട്‌കൊണ്ടാ പോയതെന്ന്‌. പക്ഷേ, ഇതിപ്പോ ഇങ്ങനെയായില്ലേ.

ബാംഗ്ലൂരില്‍ പോയശേഷം ഒരു വിവരവും ഇല്ലായിരുന്നു. ഓനെ കൊണ്ടോയ ഫൈസല്‍ നാട്ടില്‍ വന്നപ്പോള്‍ ഞാന്‍ കാണാന്‍ പോയി. ഓന്‍ നന്നായി എന്നും അഹമ്മദാബാദില്‍ ഖുറാന്‍ പഠിക്കാന്‍ പോയെന്നുമാ പറഞ്ഞത്‌. ഞാന്‍ കരുതി പടച്ചോന്‍ ഓനെ നന്നാക്കീന്ന്‌. പക്ഷേ... അവര്‍ കണ്ണ്‌ തുടച്ചു.

30 വര്‍ഷമായി ഓന്റെ ബാപ്പ ഞങ്ങളെ വിട്ടുപോയിട്ട്‌, ഒഴിവാക്കിയപോലെന്നെയാണ്‌. രണ്ട്‌ ആങ്ങളമാര്‍ എന്തെങ്കിലും തന്നിട്ടാ കയിഞ്ഞുപോകുന്നത്‌. അവര്‍ക്കും കഷ്ടപ്പാടാണ്‌. സഫിയ പറഞ്ഞു. 'ഒന്നല്ലേ ആകെയുള്ളൂ, ഓനല്ലേ നമ്മളെ നോക്കേണ്ടത്‌'. ഫയാസിനെ കൂടാതെ ഒരു മകളുണ്ട്‌ സഫിയക്ക്‌, ആഫിയ. അവരുടെ വിവാഹം കഴിഞ്ഞു.

'സംഭവം അറിഞ്ഞപ്പോത്തന്നെ ഓന്റെ മയ്യത്ത്‌ കാണേണ്ടാന്ന്‌ വിചാരിച്ചതാണ്‌. നാട്ടിന്‌ വേണ്ടാത്തോനായില്ലേ' -അവര്‍ കണ്ണ്‌ തുടച്ചു.

'ഞങ്ങളെ ഒരിക്കലും ഒരു തീവ്രവാദിയുടെ കുടുംബമായി കാണരുത്‌. ജീവനേക്കാള്‍ വലുത്‌ നമ്മള്‍ക്ക്‌ രാജ്യമാണ്‌. രാജ്യത്തിന്‌ എതിരെ പ്രവര്‍ത്തിക്കുന്നവര്‍ ആരായാലും അവരെ തകര്‍ക്കണം' -സഫിയയുടെ സഹോദരനും മൈതാനപ്പള്ളി ഐസ്‌ പ്ലാന്റ്‌ തൊഴിലാളിയുമായ സാദിഖ്‌ പറഞ്ഞു. അവനെ ആരൊക്കെയോകൂടി ചതിച്ചതാണ്‌. ഏതായാലും അവന്റെ തെറ്റിന്‌ പടച്ചോന്‍ കൊടുത്ത ശിക്ഷയാണിതെന്ന്‌ നമ്മള്‍ കരുതിക്കോളും -സാദിഖ്‌ പറഞ്ഞു. നമ്മള്‍ ഇന്നുവരെ ഒരു തെറ്റും ചെയ്‌തിട്ടില്ല. ഇന്നാട്ടിലെ ആരോട്‌ ചോദിച്ചാലും പറയും -അദ്ദേഹം പറഞ്ഞു.

ദിനകരന്‍ കൊമ്പിലാത്ത്‌

മാതൃഭൂമി വാര്‍ത്ത.

ഇന്ത്യന്‍ ശാസ്ത്രലോകത്തിന് അഭിന്ദനങ്ങള്‍

2008-10-22T02:10:00.000-07:00

നൂറ്റി പത്ത്കോടി വരുന്ന ഇന്ത്യന്‍ ജനതയുടെയും ശാസ്ത്രലോകത്തിന്‍റെയും ചന്ദ്രസ്വപ്നങ്ങള്‍ക്ക് വിജയകരമായ തുടക്കം.

ഇന്ത്യന്‍ ശാസ്ത്രലോകത്തിന് അഭിന്ദനങ്ങള്‍ നേരുന്നു.

ചെന്നൈ: ഇന്ത്യക്ക്‌ ഇത്‌ ചരിത്ര നിമിഷം. ചന്ദ്രനില്‍ ഇനി ദിവസങ്ങള്‍ക്കുള്ളില്‍ ഇന്ത്യന്‍ പതാക പാറും. ബുധനാഴ്‌ച രാവിലെ കൃത്യം 6.22 ന്‌ രാജ്യത്തിന്റെ അഭിമാനമായ ചന്ദ്രയാന്‍ ഒന്നുമായി പി.എസ്‌.എല്‍.വി. സി. 11 ശ്രീഹരിക്കോട്ടയിലെ സതീഷ്‌ധവാന്‍ സ്‌പേസ്‌ സെന്ററില്‍ നിന്ന്‌ കുതിച്ചുയര്‍ന്നു. സെക്കന്‍ഡില്‍ 9.89 കിലോമീറ്റര്‍ വേഗത്തില്‍ ഭ്രമണപഥത്തിലേക്ക്‌ കുതിച്ചുപാഞ്ഞ റോക്കറ്റ്‌ കൃത്യം 18 ാം മിനിറ്റില്‍ തന്നെ ഭൂമിയുടെ ഭ്രമണപഥത്തില്‍ ഉപഗ്രഹത്തെ എത്തിച്ചു. തുടര്‍ന്ന്‌ ഉപഗ്രഹം റോക്കറ്റുമായി വേര്‍പ്പെട്ടു.

ഇതോടെ ചന്ദ്രനിലേക്ക്‌ ഉപഗ്രഹം അയക്കുന്ന ആറാമത്തെ രാജ്യമായിരിക്കുകയാണ്‌ ഇന്ത്യ. അമേരിക്ക, മുന്‍ സോവിയറ്റ്‌ യൂണിയന്‍, യൂറോഷ്യന്‍ സ്‌പേസ്‌ ഏജന്‍സി, ചൈന, ജപ്പാന്‍ എന്നിവരാണ്‌ ചാന്ദ്രയാത്രയില്‍ ഇന്ത്യയുടെ മുന്‍ഗാമികള്‍.

ശാസ്‌ത്ര ലോകത്തിന്റെ സുപ്രധാന നാഴികക്കല്ലായ ചാന്ദ്രയാന്‍ ഒന്ന്‌ ദൗത്യത്തിന്റെ പ്രാഥമികവും ഏറ്റവും വെല്ലുവിളി നിറഞ്ഞതുമായ പ്രാഥമികഘട്ടം വിജയകരമായി. ഇതോടെ വരും കാലങ്ങളില്‍ രാജ്യത്തെ സംബന്ധിച്ച്‌ ഏറെ നിര്‍ണായകമാകുമെന്ന്‌ കരുതപ്പെടുന്ന ദൗത്യത്തിന്റെ പാതി ഭാഗം പിന്നിട്ടു കഴിഞ്ഞു.

ഇന്ത്യയും ചന്ദ്രനുമായുള്ള കൂടിക്കാഴ്‌ച ലക്ഷ്യമിട്ടുള്ള ചന്ദ്രയാന്‍ 1 അതിന്റെ പ്രയാണം വൈകാതെ തുടങ്ങും. 15 ദിവസത്തിനുള്ളില്‍ ഉപഗ്രഹം ചന്ദ്രന്റെ ഭ്രമണപഥത്തിലെത്തും. ഒക്‌ടോബര്‍ 22 ബുധനാഴ്‌ച സമയം രാവിലെ 6.22 അങ്ങനെ ചരിത്ര താളുകളില്‍ രേഖപ്പെടുത്തപ്പെട്ടു. ബഹിരാകാശ ശാസ്‌ത്രജ്ഞര്‍ക്കും ഐ.എസ്‌.ആര്‍.ഒയ്‌ക്കും ഒപ്പം 110 കോടി ജനങ്ങള്‍ക്കും അഭിമാനിക്കാവുന്ന നിമിഷം.

കാലാവസ്ഥയായിരുന്നു വിക്ഷേപണത്തിനുള്ള ഏക പ്രതികൂല ഘടകം. എന്നാല്‍ ഐ.എസ്‌.ആര്‍.ഒയും ശാസ്‌ത്രജ്ഞന്മാരും പ്രതീക്ഷിച്ച പോലെ രാവിലെയായപ്പോഴേക്കും മഴ കുറഞ്ഞു. അതോടെ ആശങ്കകള്‍ അകന്നു. നിശ്ചയിച്ച സമയത്ത്‌ തന്നെ സ്വപ്‌നക്കുതിപ്പിന്‌ തയാറെടുപ്പുകള്‍ പൂര്‍ത്തിയായി. കൃത്യം 6.22 ന്‌ തന്നെ വിക്ഷേപണം. ലോകത്തിന്റെ മുന്‍ നിരയിലേക്കുള്ള ഇന്ത്യയുടെ കുതിപ്പിനാണ്‌ ചന്ദ്രയാന്‍ പരീക്ഷണം അടിവരയിടുന്നത്‌.

ഇന്ത്യന്‍ ജനതയും ശാസ്‌ത്രലോകവും കാത്തിരിക്കുന്ന ചന്ദ്രയാനും ചന്ദ്രനുമായുള്ള ആദ്യ കൂടിക്കാഴ്‌ച നവംബര്‍ എട്ടിനായിരിക്കും നടക്കുക. അതിനുശേഷം ഒരാഴ്‌ച കൂടി കഴിഞ്ഞായിരിക്കും ചന്ദ്രയാനില്‍ നിന്നുള്ള മൂണ്‍ ഇംപാക്ട്‌ പ്രോബ്‌ (എം.ഐ.പി.) എന്ന പരീക്ഷണ ഉപകരണം ചന്ദ്രോപരിതലത്തില്‍ ഇറങ്ങുക. രണ്ട്‌ വര്‍ഷത്തോളം ചന്ദ്രയാന്‍ ചന്ദ്രനെ ചുറ്റും. ചന്ദ്രോപരിതലത്തില്‍ വീണ്‌ ചിതറുന്നതിന്‌ മുമ്പ്‌ എം.ഐ.പി. അയയ്‌ക്കുന്ന ചിത്രങ്ങള്‍ ഇന്ത്യയുടെ ചാന്ദ്രഗവേഷണത്തിന്‌ നിര്‍ണായക സംഭാവനയാകുമെന്നാണ്‌ കരുതപ്പെടുന്നത്‌. എം.ഐ.പി. കൂടാതെ 10 പരീക്ഷണ ഉപകരണങ്ങള്‍ കൂടി പേടകം വഹിക്കുന്നുണ്ട്‌.

ചന്ദ്രനില്‍ വെള്ളമുണ്ടോയെന്ന്‌ കണ്ടുപിടിക്കുന്നതിനുള്ള മിനിയേച്ചര്‍ സിന്തറ്റിക്‌ അപ്പര്‍ച്ചര്‍ റഡാര്‍ അയയ്‌ക്കുന്ന സിഗ്ന ലുകളും നിര്‍ണായകമായിരിക്കും. അമേരിക്കന്‍ ബഹിരാകാശ സംഘടനയായ നാസയാണ്‌ ഈ ഉപകരണം നിര്‍മിച്ചിട്ടുള്ളത്‌.

''ബഹിരാകാശത്തിന്റെ ഉള്‍ത്തട്ടുകളിലേക്ക്‌ യാത്ര ചെയ്യുന്നതിനുള്ള നമ്മുടെ സാങ്കേതിക മികവിന്റെ മാറ്റുരയ്‌ക്കുന്ന സംരംഭമാണിത്‌. ചന്ദ്രോപരിതലത്തിന്റെ വ്യക്തമായൊരു ഭൂപടം സ്വായത്തമാക്കാന്‍ ഇതിലൂടെ കഴിയും. ചന്ദ്രനിലുള്ള ധാതുലവണങ്ങളെക്കുറിച്ചുള്ള വിശദവിവരങ്ങളും ലഭ്യമാകും. സര്‍വോപരി പ്രപഞ്ചത്തിന്റെ വിസ്‌മയങ്ങളിലേക്ക്‌ യുവതലമുറയ്‌ക്ക്‌ ശാസ്‌ത്രീയമായ അവബോധം നല്‍കുന്നതിനുള്ള ഇന്ത്യയുടെ സുധീരമായ ദൗത്യം കൂടിയാണിത്‌''- ശ്രീഹരിക്കോട്ടയിലെ സതീഷ്‌ധവാന്‍ സ്‌പേസ്‌ സെന്ററില്‍ നിന്ന്‌ ഡോ.ജി. മാധവന്‍നായര്‍ പറഞ്ഞു.

ചന്ദ്രനില്‍ മനുഷ്യനെയും യന്ത്രമനുഷ്യനെയും ഇറക്കിയ അമേരിക്കയെയും റഷ്യയെയുംകാള്‍, ഈ ദൗത്യത്തെ ഉറ്റുനോക്കുന്നത്‌ ഏഷ്യയിലെ മറ്റു രണ്ട്‌ ശൂന്യാകാശ ശക്തികളായ ചൈനയും ജപ്പാനുമാണ്‌. അമേരിക്കന്‍ ബഹിരാകാശ ഏജന്‍സിയായ നാസപോലും രണ്ട്‌ ശാസ്‌ത്രീയ ഉപകരണങ്ങള്‍ (പേ ലോഡുകള്‍) വിക്ഷേപിക്കാന്‍ ഏല്‌പിച്ചിരിക്കുന്നത്‌ ഈ ചന്ദ്രയാന്‍ ദൗത്യത്തിലാണ്‌. ഇന്ത്യന്‍ ശാസ്‌ത്രജ്ഞരിലുള്ള നാസയുടെ വിശ്വാസമാണ്‌ അതിന്‌ കാരണം. ഇത്‌ ഇന്ത്യയ്‌ക്ക്‌ ഈ രംഗത്തുള്ള അംഗീകാരമായിട്ടാണ്‌ ഇപ്പോള്‍ മറ്റുരാജ്യങ്ങള്‍ കാണുന്നത്‌.

ഇന്ത്യന്‍ ശാസ്‌ത്രലോകത്തിന്‌ ഇത്‌ ചരിത്ര നിമിഷമാണന്ന്‌ വിക്ഷേപണത്തിന്‌ ശേഷം സംസാരിച്ച ഐ.എസ്‌.ആര്‍.ഒ ചെയര്‍മാന്‍ ജി.മാധവന്‍ നായര്‍ അഭിപ്രായപ്പെട്ടു. കഴിഞ്ഞ നാലു ദിവസമായി എല്ലാ പ്രതികൂല ഘടകങ്ങളോടും പൊരുതി വിക്ഷേപണം വിജയകരമാക്കാന്‍ പ്രവര്‍ത്തിച്ച എല്ലാ ശാസ്‌ത്രജ്ഞര്‍ക്കും മാധവന്‍ നായര്‍ നന്ദി പറഞ്ഞു.

രാഷ്ട്രപതി പ്രതിഭാ പാട്ടീല്‍, ഉപരാഷ്ട്രപതി ഹമീദ്‌ അന്‍സാരി, പ്രധാനമന്ത്രി മന്‍മോഹന്‍സിങ്‌, പ്രതിപക്ഷ നേതാവ്‌ എല്‍.കെ. അദ്വാനി എന്നിവര്‍ ചരിത്രനേട്ടം കൈവരിച്ച ഐ.എസ്‌.ആര്‍.ഒയിലെ ശാസ്‌ത്രജ്ഞരെ അനുമോദിച്ചു.

ഇത്‌ ചരിത്രനിമിഷം, 2015ല്‍ മനുഷ്യനെ അയക്കാം: മാധവന്‍ നായര്‍

ശ്രീഹരിക്കോട്ട: ചന്ദ്രയാന്‍-ഒന്നിന്റെ വിജയകരമായ വിക്ഷേപണം ഇന്ത്യന്‍ ശാസ്‌ത്രരംഗത്തിന്റെ ചരിത്രനിമിഷമാണെന്ന്‌ ഐ.എസ്‌.ആര്‍.ഒ ചെയര്‍മാന്‍ ഡോ. ജി. മാധവന്‍നായര്‍. 2015ല്‍ ചന്ദ്രനിലേക്ക്‌ മനുഷ്യനെ അയക്കാമെന്നാണ്‌ പ്രതീക്ഷിക്കുന്നതെന്നും മാധവന്‍നായര്‍ പറഞ്ഞു.

ചന്ദ്രനിലേക്കുള്ള നിര്‍ണായകമായ ഒരു യാത്ര ആരംഭിച്ചിരിക്കുകയാണ്‌. യാത്രയുടെ രണ്ടാംഘട്ടം രണ്ടാഴ്‌ചയ്‌ക്കകം പൂര്‍ത്തിയാകും. ഇതിന്റെ അണിയറയില്‍ പ്രവര്‍ത്തിച്ചവര്‍ക്കെല്ലാം എന്റെ അഭിനന്ദനങ്ങള്‍-വിക്ഷേപണം കഴിഞ്ഞയുടനെ ശ്രീഹരിക്കോട്ടയിലെ സതീഷ്‌ധാവന്‍ സ്‌പേസ്‌ സെന്ററില്‍ മാധവന്‍ നായര്‍ പറഞ്ഞു.

ഒരുപാട്‌ എതിര്‍പ്പുകളോട്‌ അടരാടിയാണ്‌ നമ്മള്‍ ഈ വിജയം കൈവരിച്ചിരിക്കുന്നത്‌. പ്രതികൂല കാലാവസ്‌ഥയായിരുന്നു ഏറ്റവും വലിയ പ്രതിബന്ധം. എന്നാല്‍ ഇതൊക്കെ മറികടക്കാന്‍ നമുക്കായി. ബഹിരാകാശത്തിന്റെ ഉള്‍ത്തട്ടുകളിലേക്ക്‌ യാത്ര ചെയ്യുന്നതിനുള്ള നമ്മുടെ സാങ്കേതിക മികവിന്റെ മാറ്റുരയ്‌ക്കുന്ന സംരംഭമാണിത്‌. ചന്ദ്രോപരിതലത്തിന്റെ വ്യക്തമായൊരു ഭൂപടം സ്വായത്തമാക്കാന്‍ ഇതിലൂടെ കഴിയും. ചന്ദ്രനിലുള്ള ധാതുലവണങ്ങളെക്കുറിച്ചുള്ള വിശദവിവരങ്ങളും ലഭ്യമാകും. സര്‍വോപരി പ്രപഞ്ചത്തിന്റെ വിസ്‌മയങ്ങളിലേക്ക്‌ യുവതലമുറയ്‌ക്ക്‌ ശാസ്‌ത്രീയമായ അവബോധം നല്‍കുന്നതിനുള്ള ഇന്ത്യയുടെ സുധീരമായ ദൗത്യം കൂടിയാണിത്‌-മാധവന്‍നായര്‍ പറഞ്ഞു.

ചന്ദ്രയാന്റെ വിജയകരമായ വിക്ഷേപണത്തിന്‌ പിന്നില്‍ പ്രവര്‍ത്തിച്ച മുഴുവന്‍ ശാസ്‌ത്രജ്‌ഞരെയും രാഷ്ട്രപതി പ്രതിഭാ പാട്ടീല്‍ അഭിനന്ദിച്ചു.

മാതൃഭൂമി വാര്‍ത്ത


സ്വന്തം ലേഖകന്‍ ഹെഡ് ഓഫിസ്, തൃക്കരിപ്പൂര്‍ Email : newsdesk@gulfmalayaly.com Office : 00914672213848 Mobile : 00914672213848