വീണ്ടും അപകടം: കണികാപരീക്ഷണം രണ്ടു മാസത്തേക്ക് നിര്‍ത്തി
ബാസല്‍ (സ്വിറ്റ്‌സര്‍ലന്‍ഡ്‌): ദ്രവീകൃത ഹീലിയം ചോര്‍ന്നുണ്ടായ അപകടംമൂലം കണികാപരീക്ഷണം വീണ്ടും നിര്‍ത്തിവെച്ചു. ഗുരുതരമായ ഈ തകരാര്‍ പരിഹരിച്ച്‌ പരീക്ഷണം പുനരാരംഭിക്കാന്‍ ചുരുങ്ങിയത്‌ രണ്ടുമാസമെങ്കിലും വേണ്ടിവരുമെന്ന് പരീക്ഷണത്തിന്‌ നേതൃത്വം നല്കുന്ന യൂറോപ്യന്‍ ആണവോര്‍ജ ഏജന്‍സി (സേണ്‍) അറിയിച്ചു.
പ്രപഞ്ചരഹസ്യങ്ങള്‍ തേടിയുള്ള ലോകത്തെ ഏറ്റവും വലിയ പരീക്ഷണമെന്നു വിശേഷിപ്പിക്കപ്പെടുന്ന കണികാ പരീക്ഷണം സപ്‌തംബര്‍ 10നാണ് തുടങ്ങിയത്‌. ശീതീകരണിയിലെ തകരാര്‍മൂലം ഇടയ്‌ക്ക്‌ നിര്‍ത്തേണ്ടിവന്ന പരീക്ഷണം വ്യാഴാഴ്‌ച പുനരാരംഭിച്ചതിനുശേഷമാണ്‌ ഹീലിയം ചോര്‍ച്ച ശ്രദ്ധയില്‍പെട്ടത്‌.
പരീക്ഷണം നടക്കുന്ന തുരങ്കത്തിലേക്ക് വെള്ളിയാഴ്‌ച ഉച്ചതിരിഞ്ഞാണ്‌ വന്‍തോതില്‍ ഹീലിയം ചോര്‍ച്ച ഉണ്ടായത്‌. യന്ത്രത്തിന്റെ ഒരു ഭാഗം കേടായതായി സേണ്‍ വക്താവ് ജെയിംസ്‌ ഗില്ലിസ് പറഞ്ഞു. രണ്ടു കാന്തങ്ങളെ ബന്ധിപ്പിക്കുന്ന വൈദ്യുതിബന്ധത്തിലുണ്ടായ തകരാറാണ് അപകടത്തിന്‌ കാരണം. ഉയര്‍ന്ന വൈദ്യുതിപ്രവാഹത്തില്‍ ചാലകങ്ങള്‍ ഉരുകിപ്പോയി. ഇതുമൂലം മറ്റ് അപായത്തിനൊന്നും സാധ്യതയില്ലെന്ന്‌ സേണ്‍ വക്താവ് പറഞ്ഞു. പരീക്ഷണസംവിധാനത്തിലുള്ള അതിചാലകകാന്തങ്ങളില്‍ ചിലത്‌ ചൂടാവുകയും വെള്ളിയാഴ്‌ച അവയുടെ പ്രവര്‍ത്തനം നിലയ്‌ക്കുകയും ചെയ്‌തു. തുടര്‍ന്ന്‌ ഒരു ടണ്ണോളം ഹീലിയം ദ്രാവകം ചോര്‍ന്ന്‌ ലാര്ജ് ഹാഡ്രണ്‍ കൊളൈഡര്‍ സ്ഥാപിച്ചിട്ടുള്ള ടണലിലേക്ക്‌ ഒലിച്ചിറങ്ങുകയായിരുന്നു. അമ്പതടി നീളവും 35 ടണ്‍ തൂക്കവുമുള്ള അതിചാലകകാന്തങ്ങളിലുള്ള വയറുകള്‍ പെട്ടെന്ന്‌ അത്യധികമായി ചൂടുപിടിച്ചതാണ്‌ അപകടത്തിനു വഴിവെച്ചത്‌.
എത്ര കാന്തങ്ങള്‍ക്ക്‌ തകരാര്‍ സംഭവിച്ചിട്ടുണ്ടെന്ന്‌ കൃത്യമായി അറിവായിട്ടില്ല. നൂറു കാന്തങ്ങള്‍ക്കുവരെ തകരാര്‍ സംഭവിച്ചിട്ടുണ്ടാകാമെന്നാണ്‌ പ്രാഥമിക നിഗമനം. എന്‍ജിനീയര്‍മാര്‍ തകരാറിന്റെ വ്യാപ്‌തി പരിശോധിച്ചുവരികയാണ്‌. ചില കാന്തങ്ങള്‍ പൂര്‍ണമായും മറ്റുചിലതിന്റെ ഭാഗങ്ങളും മാറ്റി സ്ഥാപിക്കേണ്ടിവരുമെന്നു കരുതുന്നു. ഇതിനുതന്നെ ആഴ്‌ചകള്‍ എടുത്തേക്കും. അതിനുശേഷംവേണം യന്ത്രത്തെ പൂജ്യത്തിലും 271 ഡിഗ്രി താഴെയുള്ള ഊഷ്‌മാവിലേക്ക്‌ തണുപ്പിക്കാന്‍. ഇതിനു സമയമെടുക്കും.
ഒക്ടോബര്‍ മധ്യത്തോടെ കണികകളെ തമ്മില്‍ കൂട്ടി ഘടിപ്പിക്കാന്‍ സാധിക്കുമെന്നായിരുന്നു പരീക്ഷണം ആരംഭിച്ചപ്പോഴത്തെ ധാരണ. പ്രോട്ടോണ്‍ധാരകളെ 27 കി.മി. നീളംവരുന്ന ലാര്ജ് ഹാഡ്രണ്‍ കൊളൈഡറിനുള്ളിലൂടെ നിശ്ചിതദിശയിലും സ്ഥിതിയിലും വേഗത്തിലും പായിക്കുവാന്‍ സഹായിക്കുന്നത്‌ 35 ടണ്ണോളം തൂക്കംവരുന്ന 1,700 ലധികം കൂറ്റന്‍ അതിചാലക കാന്തങ്ങളാണ്‌. ഇവയുടെ താപനില മൈനസ്‌ 271 ഡിഗ്രി ഊഷ്‌മാവിലേക്ക്‌ താഴ്‌ത്തുന്നത്‌ ഹീലിയം ദ്രാവകത്തിന്റെ സഹായത്തോടെ പ്രവര്‍ത്തിക്കുന്ന ശീതീകരണസംവിധാനവും. ഇതിലാണ്‌ അപകടമുണ്ടായത്‌.
ജെയിംസ്‌ കെ. അവറാന്‍
മാതൃഭൂമി വാര്‍ത്ത
കണികാ പരീക്ഷണം പ്രശ്നം സങ്കീര്‍ണം 2 മാസത്തേക്ക് നിര്‍ത്തിവയ്ക്കും
ജനീവ: ലോകത്തിലെ ഏറ്റവും വലിയ കണത്വരിത്രമായ ലാര്ജ് ഹാഡ്രോ കൊളൈഡറിന്റെ പ്രവര്‍ത്തനം രണ്ട് മാസത്തേക്കെങ്കിലും നിര്‍ത്തിവയ്ക്കേണ്ടിവരുമെന്ന് യൂറോപ്യന്‍ ആണവ ഗവേഷണ സംഘടന (സേ) അധീകൃതര്‍. കണികാപരീക്ഷണം ഒന്നുരണ്ട് ദിവസത്തേയ്ക്ക് നിര്‍ത്തിവയ്ക്കേണ്ടിവരുമെന്നാണ് കരുതിയിരുന്നതെങ്കിലും പ്രശ്നം അല്‍പ്പംകൂടി ഗുരുതരമാണെന്ന് സേ വക്താവ് ജയിംസ് ഗില്ലിസ് വാര്‍ത്താ ഏജന്‍സികളെ അറിയിച്ചു. ഭൂമിക്കടിയില്‍ 27 കിലോമീറ്റര്‍ ചുറ്റളവിലുള്ള തുരങ്കത്തില്‍ സ്ഥാപിച്ചിട്ടുള്ള ലാര്ജ് ഹാഡ്രോ കൊളൈഡര്‍ (എല്‍എച്ച്സി) പരിശോധിക്കുന്നതിന് തുരങ്കത്തിലേക്ക് ഇറങ്ങിച്ചെല്ലേണ്ടതുണ്ടെന്ന് ഗില്ലിസ് പറഞ്ഞു. കൊളൈജര്‍ ശീതീകരിക്കുന്നതിനുപയോഗിച്ചിരുന്ന ട്രാന്‍സ്ഫോര്‍മറിന്റെ തകരാറാണ് പ്രശ്നമെന്നാണ് ആദ്യം കരുതിയത്. ട്രാന്‍സ്ഫോര്‍മര്‍ മാറ്റിയശേഷം പരീക്ഷണം തുടരാന്‍ ശ്രമിച്ചെങ്കിലും വിജയിച്ചില്ല. തുടര്‍ന്നാണ് ശാസ്ത്രജ്ഞര് തുരങ്കത്തിലേക്കിറങ്ങി പരിശോധിക്കണമെന്ന് തീരുമാനിച്ചത്. കൊളൈഡര്‍ സ്ഥാപിച്ച തുരങ്കത്തില്‍ പൂജ്യത്തിനും താഴെയാണ് താപനില. ഇത് ഉയര്‍ത്തിയ ശേഷമേ അറ്റകുറ്റപ്പണി നടക്കൂ. ഇതിന് സമയം പിടിക്കും. പ്രശ്നം കണ്ടെത്തി പരിഹരിച്ചശേഷം വീണ്ടും താപനില താഴ്ത്തണം. ഇതിനും സമയം വേണം. എല്‍എച്ച്സി സ്ഥാപിച്ചിട്ടുള്ള തുരങ്കത്തിലെ താപനില കൂട്ടാനും താഴ്ത്താനും അറ്റകുറ്റപ്പണി ചെയ്യാനും മറ്റുമായി രണ്ട് മാസത്തോളം സമയം വേണ്ടിവരുമെന്ന് ഗില്ലിസ് പറഞ്ഞു. മറ്റ് കണത്വരിത്രങ്ങളില്‍ ഇത്തരം പ്രശ്നങ്ങള്‍ ഉണ്ടാകാറുണ്ടെങ്കിലും രണ്ടുമൂന്നു ദിവസംകൊണ്ട് പരിഹരിക്കാന്‍ കഴിയും. എല്‍എച്ച്സി ലോകത്തില്‍ ഇന്നുവരെ ഉണ്ടാക്കിയിട്ടുള്ളതില്‍വച്ച് ഏറ്റവും വലിയ കണത്വരിത്രമാണ്. മാത്രവുമല്ല, അത് പ്രവര്‍ത്തിക്കുന്നത് കേവല പൂജ്യത്തിനടുത്ത താപനിലയിലാണ്. അതുകൊണ്ടാണ് കൂടുതല്‍ സമയം വേണ്ടിവരുന്നത്. കണത്വരിത്രത്തില്‍ ഇത്തരം പ്രശ്നങ്ങള്‍ പതിവാണെന്നും അവ പരിഹരിക്കാനാവുമെന്നും ഗില്ലിസ് പറഞ്ഞു. ആയിരം കോടി ഡോളറോളം ചെലവിട്ട് 20 വര്‍ഷത്തിലേറെ സമയംകൊണ്ട് നിര്‍മിച്ച എല്‍എച്ച്സി ഉപയോഗിച്ച് നടത്തുന്ന കണികാപരീക്ഷണത്തിന് നേതൃത്വം നല്‍കുന്നത് സേ (സിഇആര്‍എന്‍) ആണെങ്കിലും ഇന്ത്യയടക്കമുള്ള 32 രാജ്യങ്ങള്‍ ഇതില്‍ സഹകരിക്കുന്നുണ്ട്. പ്രപഞ്ച സൃഷ്ടിയെക്കുറിച്ചും പദാര്‍ഥങ്ങളുടെ ഘടനയെപ്പറ്റിയും കൂടുതല്‍ വ്യക്തത നല്‍കുമെന്ന് കരുതുന്ന പരീക്ഷണത്തെക്കുറിച്ച് ലോകമെമ്പാടും വിവാദങ്ങളും നടക്കുന്നുണ്ട്.
ദേശാഭിമാനി വാര്‍ത്ത
Showing posts with label കണികാ പരീഷണം. Show all posts
Showing posts with label കണികാ പരീഷണം. Show all posts
Saturday, 20 September 2008
Wednesday, 10 September 2008
Tuesday, 9 September 2008
ലോക ചരിത്രത്തിലെ ഏറ്റവും വലിയ പരീക്ഷണം
ബാസല്‍ (സ്വിറ്റ്‌സര്‍ലന്‍ഡ്‌): ശാസ്‌ത്രലോകത്ത്‌ ജിജ്ഞാസയും ആശങ്കയും നിറച്ചുകൊണ്ട്‌ പ്രപഞ്ചോല്‌പത്തിയുടെയും പ്രപഞ്ച ഘടനയുടെയും രഹസ്യങ്ങള്‍ കണ്ടെത്താനുള്ള ലോക ചരിത്രത്തിലെ ഏറ്റവും വലിയ പരീക്ഷണം സ്വിറ്റ്‌സര്‍ലന്‍ഡിലെ ജനീവയില്‍ ബുധനാഴ്‌ച ആരംഭിക്കും. ഇന്ത്യന്‍ സമയം രാവിലെ ആറുമണിക്കാണ്‌ പരീക്ഷണം തുടങ്ങുക. ആണവ ഗവേഷണ ഏജന്‍സി (സേണ്‍) യുടെ നേതൃത്വത്തില്‍ ഇന്ത്യയുള്‍പ്പെടെ ഒട്ടേറെ രാജ്യങ്ങളുടെ പങ്കാളിത്തത്തോടെയാണ്‌ പരീക്ഷണം നടക്കുന്നത്. പരീക്ഷണം ലോകത്തിന്റെ നാശത്തിന്‌ വഴിവെക്കുമെന്ന ആശങ്ക പ്രകടിപ്പിച്ചുകൊണ്ട്‌ നൂറുകണക്കിന്‌ സന്ദേശങ്ങളാണ്‌ സേണിലെത്തുന്നത്‌. പരീക്ഷണം നിര്‍ത്തണമെന്നാവശ്യപ്പെട്ട്‌ ശാസ്‌ത്രജ്ഞര്‍ക്ക്‌ വധഭീഷണിയും വന്നിട്ടുണ്ട്‌.
ഫ്രാന്‍സിന്റെയും സ്വിറ്റ്‌സര്‍ലന്‍ഡിന്റെയും അതിര്‍ത്തിയില്‍ ഭൂമിക്കടിയിലായി നിര്‍മിച്ചിട്ടുള്ള വൃത്താകൃതിയിലുള്ള പടുകൂറ്റന്‍ തുരങ്കത്തിനുള്ളിലെ ലാര്ജ് ഹാഡ്രണ്‍ കൊളൈഡര്‍ എന്ന കൂറ്റന്‍ യന്ത്രത്തിനുള്ളിലാണ്‌ പരീക്ഷണം നടക്കുക.
യന്ത്രത്തിനുള്ളിലേക്ക്‌ പ്രോട്ടോണ്‍ ധാരകളെ കടത്തിവിട്ട്‌ ഇരുദിശകളിലേക്കുമായി പായിച്ച്‌ പിന്നീട്‌ പ്രകാശവേഗത്തിനടുത്തെത്തിച്ച്‌ പടുകൂറ്റന്‍ ഡിറ്റക്ഷന്‍ ചേമ്പറുകളിലേക്ക്‌ കടത്തിവിട്ട്‌ അത്യുന്നതോര്‍ജത്തില്‍ കൂട്ടിയിടിപ്പിക്കുകയാണ്‌ ചെയ്യുക. കൂട്ടിയിടിയെത്തുടര്‍ന്ന്‌ കണികകള്‍വിഘടിച്ച്‌ പുതിയ അറിയപ്പെടാത്ത ചെറുകണികകള്‍ ഉണ്ടാകുമെന്നും ഈ ചെറുകണികകളിലൂടെ പ്രപഞ്ച രഹസ്യങ്ങള്‍ മനസ്സിലാക്കാനാകുമെന്നുമാണ്‌ കരുതുന്നത്‌.
1370 കോടിവര്‍ഷം മുമ്പ്‌ മഹാവിസ്‌ഫോടനത്തിലൂടെ പ്രപഞ്ചം സൃഷ്ടിക്കപ്പെട്ട അവസ്ഥയുടെ ചെറുമാതൃക പരീക്ഷണശാലയില്‍ സൃഷ്ടിക്കാനാണ്‌ ശാസ്ത്രജ്ഞരുടെ ശ്രമം.
ലാര്ജ് ഹാഡ്രണ്‍ കൊളൈഡറില്‍ നടക്കുന്ന അത്യുന്നതോര്‍ജത്തിലുള്ള കൂട്ടിയിടിയില്‍ ദ്രവ്യത്തിന്‌ പിണ്ഡം നല്കുന്ന ഹിഗ്‌സ്‌ ബോസോണ്‍ കണികകള്‍ കണ്ടെത്തുവാന്‍ കഴിയുമെന്ന്‌ വിശ്വസിക്കപ്പെടുന്നു.
മൗലിക കണകങ്ങള്‍ക്കെല്ലാം പ്രതികണികകളുണ്ടെന്ന്‌ അവകാശപ്പെടുന്ന സൂപ്പര്‍ സിമ്മെട്രി സിദ്ധാന്തത്തെ പിന്തുണയ്‌ക്കുന്നവര്‍, നിലവിലുണ്ടെന്ന്‌ പറയുന്ന സൂപ്പര്‍ പാര്‍ട്ട്‌ണര്‍ എന്ന കണികകളും പരീക്ഷണത്തില്‍ കണ്ടെത്തിയേക്കാം. പ്രപഞ്ചത്തിന്റെ 24 ശതമാനം വരുന്ന ശ്യാമദ്രവ്യം, സൂപ്പര്‍ പാര്‍ട്ട്‌ണര്‍ കണികകളെകൊണ്ടാണ്‌ നിര്‍മിച്ചിട്ടുള്ളതെന്ന്‌ പറയപ്പെടുന്നു.
കൂടിയിടികളെ തുടര്‍ന്ന്‌ ലഭിക്കുന്ന സൂക്ഷ്‌മവിവരങ്ങള്‍ സേണില്‍ നിന്നും പ്രത്യേക കമ്പ്യൂട്ടര്‍ ഗ്രിഡ്‌ വഴി ലോകത്തിന്റെ വിവിധ ഭാഗങ്ങളിലുള്ള പരീക്ഷണ - പഠന കേന്ദ്രങ്ങളിലെത്തിച്ച്‌ വിശകലനം ചെയ്‌ത്‌ നിഗമനങ്ങളിലെത്തും. ഇതിനായി ഒരു ലക്ഷം കമ്പ്യൂട്ടറുകള്‍ സജ്ജമാക്കിയിട്ടുണ്ട്‌.
ബുധനാഴ്‌ച ഒരു കൂട്ടം പ്രോട്ടോണ്‍ ധാരകളെ ലാര്ജ് ഹാഡ്രണ്‍ കൊളൈഡറിലേക്ക്‌ കടത്തിവിട്ട്‌ ഒരു ദിശയില്‍ പാകിയാണ്‌ പരീക്ഷണം തുടങ്ങുക. അടുത്ത 4-6 ആഴ്‌ചകള്‍ക്കുള്ളില്‍ എതിര്‍ദിശകളിലേക്കും പ്രോട്ടോണുകളെ അയച്ചുതുടങ്ങും. അതിനുശേഷമേ ഈ ധാരകളെ തമ്മില്‍ പരസ്പരം കൂട്ടിയിടിപ്പിക്കുവാന്‍ തുടങ്ങുകയുള്ളൂ.
പരീക്ഷണം 15 വര്‍ഷം മുതല്‍ 20 വര്‍ഷം വരെ നീണ്ടു നില്‍ക്കും. 20 വര്‍ഷമായി ഈ പരീക്ഷണത്തിനുള്ള തയ്യാറെടുപ്പുകള്‍ നടത്തിവരുന്നു. 40,000 കോടി രൂപയാണ്‌ ചെലവ്‌. ഒക്ടോബര്‍ 21 നാണ് ഔദ്യോഗിക ഉദ്‌ഘാടനം. ഒട്ടേറെ രാജ്യത്തലവന്മാര്‍ അന്ന്‌ ചടങ്ങില്‍ പങ്കെടുക്കും.
പരീക്ഷണത്തിനെത്തുടര്‍ന്ന്‌ ചെറുതമോഗര്‍ത്തങ്ങള്‍രൂപം കൊള്ളുമെന്നും ഇവ വളര്‍ന്നുവലുതായി ഭൂമിയെ വിഴുങ്ങുമെന്നും ഒരു കൂട്ടം ശാസ്ത്രജ്ഞര് ഭയക്കുന്നു.
അമേരിക്കയിലെ ഹവായിലെ കോടതിയിലും യൂറോപ്പ്യന്‍ മനുഷ്യാവകാശ കമ്മീഷന്‌ മുന്നിലും പരീക്ഷണം നടത്തരുതെന്നാവശ്യപ്പെട്ട്‌ ശാസ്ത്രജ്ഞര് കേസു കൊടുത്തിട്ടുണ്ട്‌.
പരീക്ഷണം ഉടന്‍ ഉപേക്ഷിച്ചില്ലെങ്കില്‍ സേണിലെ ശാസ്‌ത്രജ്ഞരെ വധിക്കുമെന്ന്‌ പറഞ്ഞ്‌ ഒട്ടേറെ സന്ദേശങ്ങള്‍ സേണിലെത്തിയിട്ടുണ്ട്‌.
ജെയിംസ്‌ കെ. അവറാന്‍
മാതൃഭൂമി വാര്‍ത്ത
ബിഗ് ബാങ്ങ് തുടങ്ങി--( ദേശാഭിമാനി)
ജനീവ: പ്രപഞ്ചരഹസ്യം തേടിയുള്ള മനുഷ്യ ചരിത്രത്തിലെ ഏറ്റവും വലിയ പരീക്ഷണം ജനീവയില്‍ തുടങ്ങി. പ്രപഞ്ച സൃഷ്ടിക്കാധാരമായ കൂട്ടയിടി ബിഗ് ബാങ്ങിന്റെ ഈ പുനഃസൃഷ്ടിയുടെ തുടക്കമായി ഇന്ത്യന്‍ സമയം ഉച്ചക്ക് 12.30നാണ് പ്രോട്ടോണുകളെ കടത്തിവിട്ടത്. ഏതാണ്ട് ഒരുമാസം കഴിഞ്ഞാണ് എതിര്‍ദിശകളിലുള്ള കണികകള്‍ പ്രകാശ വേഗത്തില്‍ സഞ്ചരിച്ച് കൂട്ടിയിടിക്കുക. പ്രപഞ്ചോല്‍പ്പത്തിയുടെ രഹസ്യം തേടുന്നതിനൊപ്പം ഒട്ടേറെ പുതിയ ചോദ്യങ്ങള്‍ ഉയര്‍ത്തുന്നതുമാകാം ഈ പരീക്ഷണം. കൂട്ടിയിടി തമോ ഗര്‍ത്തങ്ങള്‍ക്കു കാരണമാകുമെന്നും അത് ഭൂമിയെ വിഴുങ്ങുമെന്നും കരുതുന്നവരുണ്ട്.പ്രപഞ്ചത്തിന്റെ ഉള്ളടക്കത്തെ രണ്ടായി തിരിക്കാം. ഊര്‍ജവും ദ്രവ്യവും. ഇതില്‍ ദ്രവ്യം രണ്ടു തരത്തിലാണുള്ളത് - 'മാറ്റര്‍' എന്ന സാധാരണദ്രവ്യവും 'ആന്റിമാറ്റര്‍' എന്ന പ്രതിപാദ്യവും. സ്വഭാവത്തില്‍ വ്യത്യസ്തമാണെങ്കിലും ഇവ രണ്ടും ഒരേതരം അടിസ്ഥാനകണങ്ങള്‍കൊണ്ടാണ് നിര്‍മിക്കപ്പെട്ടിരിക്കുന്നത്. ഉദാഹരണമായി ഇലക്ട്രോ എന്ന അടിസ്ഥാനകണം ദ്രവ്യത്തിന്റെ പ്രതിനിധിയാവുമ്പോള്‍ പോസിട്രോ പ്രതിദ്രവ്യത്തിന്റെ പ്രതിനിധിയാവുന്നു. തമ്മില്‍ ചേര്‍ന്നാല്‍, ഇവ പരസ്പരം ഇല്ലായ്മചെയ്ത് ഊര്‍ജമായി മാറും. ദ്രവ്യം ഇങ്ങനെ ഊര്‍ജമായി മാറുന്ന കാര്യം നമുക്ക് അറിയാം. അങ്ങനെയെങ്കില്‍, ഇതേ ഊര്‍ജത്തിന് തിരിച്ച് ദ്രവ്യമായും മാറാനാവണം. പക്ഷേ, ഇതിന് 600 കോടി ഡിഗ്രി താപനിലയെങ്കിലും ആവശ്യമായിവരും. ഇത്രയും ചൂടുള്ള ഒരവസ്ഥയില്‍, ഊര്‍ജത്തില്‍നിന്ന് വിവിധതരം അടിസ്ഥാനകണങ്ങളുടെ രൂപത്തില്‍ ദ്രവ്യം ഉടലെടുത്തുവെന്നാണ് ശാസ്ത്രത്തിന്റെ നിഗമനം. ഇതിന് അവസരമൊരുക്കിയ മഹാസംഭവത്തെയാണ് 'ബിഗ്ബാങ്' അഥവാ മഹാവിസ്ഫോടനം എന്നു പറയുന്നത്. ഇതിന് തെളിവൊരുക്കുകയാണ് കണികപരീക്ഷണത്തിന്റെ പ്രഥമലക്ഷ്യം.
| കണികാപരീക്ഷണം: ആദ്യഘട്ടം വിജയമെന്ന് ശാസ്ത്രജ്ഞര് (മംഗളം) | ||
പത്തു വര്‍ഷത്തെ തയാറെടുപ്പിനൊടുവിലാണ്‌ കണികാപരീക്ഷണം തുടങ്ങിയത്‌. ലോകത്തെ ഏറ്റവും വലിയ പരീക്ഷണമാണിത്. പരീക്ഷണം പൂര്‍ത്തിയാക്കാന്‍ 20 വര്‍ഷം വേണ്ടിവന്നേക്കും. പ്രോട്ടോണുകളെ വിപരീത ദിശയില്‍ പ്രവഹിപ്പിച്ച് കൂട്ടിയിടി നടത്തി പ്രപഞ്ചത്തിെന്‍്റ രഹസ്യം കണ്ടെത്താനാണ് ്രശമം. വിസ്ഫോടനത്തിലൂടെ പ്രപഞ്ചത്തിെന്‍്റ െചറു മാതൃക സൃഷ്ടിക്കാന്‍ കഴിയുമെന്നാണ് ശാസ്ത്രജ്ഞരുടെ പ്രതീക്ഷ. അതേസമയം പരീക്ഷണത്തിനിടെ തമോഗര്‍ത്തങ്ങള്‍ രൂപപ്പെടുമോ എന്ന ആശങ്ക നിലനില്‍ക്കുന്നുണ്ട്. എതിര്‍ദിശകളിലായി തരംഗങ്ങളെ വ്യത്യസ്ത സമയങ്ങളിലാണ് കടത്തിവിടുന്നത്. ഒരു ദിശയിലുള്ള പ്രവാഹമാണ് ഇപ്പോള്‍ തുടങ്ങിയിരിക്കുന്നത്. ഫ്രാന്‍സ്-സ്വിറ്റ്സര്‍ലാന്‍ഡ് അതിര്‍ത്തിയില്‍ 27 കിലോമീറ്റര്‍ ദൈര്‍ഘ്യമുള്ള ഭൂഗര്‍ഭ തുരങ്കത്തില്‍ യൂറോപ്യന്‍ ഓര്‍ഗനൈസേഷന്‍ ഫോര്‍ ന്യൂക്ലിയര്‍ റിസര്‍ച്ച് (സേണ്‍) സ്ഥാപിച്ചിരിക്കുന്ന് ലബോറട്ടറിയിലാണ് പരീക്ഷണം നടക്കുന്നത്. |
Subscribe to:
Posts (Atom)